Skip to main content

"സോറി നിങ്ങൾ തിരയുന്ന ഈ ബ്ലോഗ്‌ ഇപ്പോൾ നിലവിലില്ല"

ചിറകടിച്ചു പറക്കുമ്പോഴും.. ഉയരെ ഒരു കൊമ്പിൽ പറന്നു കയറി പക്ഷി കണ്ണുകൾ കൊണ്ട് അങ്ങ് താഴെ നോക്കി കാണുമ്പോഴും അഭിമാനം തോന്നി, താൻ പക്ഷി ആണല്ലോ, ഹോ എത്ര ഉയരത്തിലാ ദേ ഒരു ഗരുഡൻ! ഒന്നല്ല പലതുണ്ട്.. രാജ ശോഭയിൽ പറന്നു പോയി, തന്നെ ഒന്ന് നോക്കിയോ? അതോ തോന്നലാണോ? താനും പക്ഷി ആയതു കൊണ്ടാവാം..

വീണ്ടും തല പൊക്കി നോക്കി, അതെ അഭിമാനം കൊണ്ടാണ് തല സ്വയം പോങ്ങിയതാണ്.

വിശക്കുന്നുണ്ട് പറന്നിറങ്ങി കൊക്കിലോതുങ്ങാത്തത് ഒക്കെ കൊത്തി.. വിശപ്പോന്നടങ്ങി, തിരിച്ചു പറന്നു കയറുമ്പോൾ കുറച്ചു ബുദ്ധിമുട്ട് കൂടുതൽ തോന്നിയോ? സാരമില്ല മനോഹരമായ ഒരു മരത്തിന്റെ താഴേ ചില്ലയിലാണ് താനിപ്പോൾ, അതിൽ എത്ര മനോഹരമായ കൂടുകൾ. തത്തയുടെ.. തൂക്കണാം കുരുവിയുടെ.. കാക്കയ്ക്ക് പോലും ഉണ്ട് തന്റെ പൊൻകൂടോരെണ്ണം!
അതാ.. അവരൊക്കെ തിരിച്ചെത്തി തുടങ്ങിയല്ലോ. എത്ര വല്യ പക്ഷി ആയാലും ഒരു കൂട് വേണം ചേക്കേറാനൊരു കൂട്!

 തനിക്കും ഉണ്ടല്ലോ ഏതായാലും ഒരു കൂട്, ഒരു ബഹുരാഷ്ട്ര കുത്തക നിര്മിച്ച് തന്നതായാലും കൂട് മനോഹരം തന്നെ! പോയി നോക്കാം... ഹായ്!
എത്ര മനോഹരമാണ് തന്റെ കൂട്. ദൂരെ നിന്ന് കാണാൻ! അയ്യമ!

ഹേ പക്ഷെ അതെന്താ? അതാരാ, അയ്യോ കുറുക്കനോ? ഭാഗ്യം അവൻ ഒന്നും ചെയ്യാതെ  വെറുതെ നോക്കി തിരിച്ചു പോയി!
പിന്നെയും അവിടെ എന്തോ അനങ്ങുന്നുണ്ടല്ലോ!
ദൈവമേ ദാ പത്തി വിടര്ത്തി ഒരു മൂർഖൻ! ഹോ അപ്പോൾ താൻ എവിടെയാണ്?

ഓ ഞാൻ ഇപ്പോഴും കോഴി തന്നെ! ബ്ലോഗ്‌ എന്നോന്നൊക്കെ പറഞ്ഞാലും ഇത് വെറും കോഴി ക്കൂട് തന്നെ! ഒരു പഴയ അസ്സല് കോഴി ആയിട്ടും താൻ എന്തെ ഇത് ഓർത്തില്ല!

കോഴി നീട്ടി കൂവി, കാലം തെറ്റിയ കൂവൽ! ഒരു കുറുക്കൻ അത് വഴി പിന്നെ പാഞ്ഞു പോയി!

പിറ്റേന്ന് ബ്ലോഗ്ഗിൽ പുതിയ പോസ്റ്റുകൾ ഒന്നും ഇല്ലായിരുന്നു, മരം വെട്ടറിയാത്തതിനു കോടാലിക്കു തെറി വിളിച്ചു കൊണ്ട് നിന്ന ഒരു ബ്ലോഗ്ഗർ അത് ഇങ്ങനെ വായിച്ചു "സോറി നിങ്ങൾ തിരയുന്ന ഈ ബ്ലോഗ്‌ ഇപ്പോൾ നിലവിലില്ല"

Comments

  1. വല്ല കുറുക്കന്മാരും വന്ന് നമ്മുടെ 'കൂടും' പൊക്കിക്കോണ്ട് പോകുമോ?

    ReplyDelete
    Replies
    1. എന്തിനാ പേടി നിങ്ങളൊക്കെ ബ്ലോഗ്ഗിലെ ഗരുഡ രാജശോഭയുള്ള ഗരുഡൻമാർ

      Delete
  2. നമോവാകം .. പ്രീയ കൂടപിറപ്പേ ...
    പെട്ടെന്നൊരു നാട്ടില്‍ പൊക്ക് വേണ്ടി വന്നു ..
    ഇപ്പൊഴും നാട്ടിലാണ് , രണ്ടു ദിവസം കൂടി തിരികേ വരാന്‍ ...
    മഴയാകെ കൊണ്ട് ഒന്നു നനഞ്ഞു മനസ്സും മെയ്യും :)

    വരികളില്‍ ആകേ ആകുലതയാണല്ലൊ ..
    തേന്‍ പുരട്ടി കാണിക്കുന്ന പലതിലും " വികസനത്തില്‍ പൊലും "
    ഭാവിയിലേ കൊടുംചതി ഉണ്ട് ..
    കൂട്ടികൊടുപ്പിന്റെ നരച്ച വര്‍ണ്ണം ഉണ്ട്
    ഉയരത്തിലേക്ക് പറന്ന് , സ്വയം അഭിമാനിക്കുമ്പൊള്‍
    താഴേ നമ്മുടെ പലതും നഷ്ടമാകുന്നു എന്നതിന്റെ ഓര്‍മപെടുത്തല്‍
    " ഉയരേ ഉള്ളൊരു മിഴികളില്‍ പതിയുന്ന ചില ചിത്രങ്ങളെങ്കിലും
    നമ്മേ ഒന്നു ഇരുത്തി ചിന്തിപ്പിച്ചിരുന്നെങ്കില്‍ . അല്ലേ ?

    ReplyDelete
    Replies
    1. കൂടപ്പിറപ്പേ സ്നേഹപാലഴിയമ്മക്കും
      ചിടുന്ഗൂസുകൾക്കും സുഖം തന്നെയല്ലേ
      ഉറ്റവരും ഉടയവർക്കും സ്നേഹമഴക്കും
      സുഖമല്ലേ? ബ്ലോഗ്ഗ് ഇപ്പൊ തീരെ അര്ദ്രമല്ല
      സഖേ എന്നുള്ള ഒരു വിളി കേൾക്കാൻ കാത്തിരിക്കുന്നു ബ്ലോഗ്ഗ് ഉലകം
      റിനി എഴുതിയ എപ്പോൾ വേണമെങ്കിലും തുറക്കാവുന്ന കലയുടെ ബ്ലോഗ്‌ ഉണ്ടായിരുന്നത് കൊണ്ട് റിനിയെ അറിയുന്നുണ്ടായിരുന്നു. ഇന്നാണ് ഉറുമ്പുകൾ ഞാൻ വായിച്ചതു അപ്പോൾ നാട്ടിൽ വിരിഞ്ഞ പ്രണയ ബ്ലൊഗുകൾ റിനിയുടെ ബ്ലോഗ്ഗിൽ ഒരു വസന്തം വിരിയിക്കട്ടെ
      അബുദാബി മഞ്ഞുരുക്കി കളിക്കുന്നു ഒരു നിശബ്ദ "(മൌനം)
      അപ്പോൾ സ്വാഗതം ചെയ്യുന്നു പ്രവാസ വിരഹത്തിലേക്ക്‌ രണ്ടു ദിവസത്തെ ഇടവേള കഴിഞ്ഞു
      യാത്ര സുഖമായിരിക്കട്ടെ

      Delete
  3. നിലവിലുണ്ട്
    നിലവിലുണ്ട്

    ഇല്ലെങ്കില്‍ നമ്മള്‍ നിലയില്ലാക്കയത്തിലാകും

    ReplyDelete
    Replies
    1. ബ്ലോഗ്ഗ് വേണം അജിത്ഭായ് ഉണ്ടെങ്കിൽ ഉണ്ടാവും

      Delete
  4. എന്തു പറ്റി എഴുത്ത് വരുന്നില്ലയോ അതോ ത്രിപ്തി വരുന്നില്ലേ? എന്തായാലും പ്രശ്നമില്ല. ഒരു ചെറിയ ഇടവേള എടുത്താൽ മതിയാകും

    ReplyDelete
    Replies
    1. പണ്ടൊക്കെ ഇടവേള പടം തുടങ്ങി പകുതി ഒക്കെ ആകുമ്പോൾ ആയിരുന്നു. ഇപ്പൊ പടം തുടങ്ങുന്നതിനു മുമ്പ ഇടവേള അതാ പുതിയ തലമുറ സിനിമ

      Delete
  5. ഇന്നലെ വഴിയിൽ തങ്ങിയത് ഇന്ന് തലയിൽ വീണത്‌
    ഹർത്താൽ

    ഭാഷ ശ്രേഷ്ടമല്ല എന്ന് വിലപിക്കുന്ന മലയാളിയോട്
    ശ്രേഷ്ടമായ ഭാഷ ഉപയോഗിക്കാൻ നിനക്കെന്തു ശ്രേഷ്ടത?
    ഭാഷയാണോ മലയാളി ആണോ ശ്രേഷ്ടാമാകേണ്ടത്
    രണ്ടും കൂടി എന്നല്ലേ ശരിയുത്തരം

    ReplyDelete
  6. ഞാൻ ആദ്യമായിട്ടാണിവിടെ... ഈ കോഴിക്കൂട്ടിൽ കുറേ മുട്ടകളുണ്ടല്ലോ ബൈജു...

    ReplyDelete
    Replies
    1. മ്മ് വന്നതിൽ ഒരു പാട് സന്തോഷം വിനുവേട്ടാ, പക്ഷെ ഇന്ന് ചുരുക്കം പറഞ്ഞാൽ രാവിലെ ബുല്സേയെ ഒമലേട്ടും ആയിരുന്നു അല്ലെ ബ്രീക്ഫസ്റ്റ്‌
      നടക്കട്ടെ നടക്കട്ടെ എണ്ണമുണ്ട് കേട്ടോ
      സന്തോഷം വിനുവേട്ടാ വന്നതിലും മിണ്ടി പറഞ്ഞതിനും

      Delete

Post a Comment

ജനപ്രിയ പോസ്റ്റുകൾ

പിന്നിലേക്കെടുപ്പ്

തിരകളുടെ തടി കയറ്റിയ  ലോറി കണക്കേ ഒന്ന് മുന്നോട്ടെടുത്തു കടൽ മുറുക്കങ്ങൾക്ക് പിറകിൽ തിരകൾക്ക് മുകളിൽ കയറിനിന്ന് ചിലയ്ക്കും  പക്ഷിയാവും ഭാഷ അതിൻ്റെ ചിറക് വൃത്തിയാക്കും  പക്ഷി കണക്കേ തൻ്റെ ഓരോ തിരകളും  ജലകൊക്ക് കയറ്റി, വൃത്തിയാക്കി കിടക്കും കടൽ   തൻ്റെ ഓരോ ചലനത്തിനും  മുകളിൽ കയറിനിന്ന് കടൽ അതിൻ്റെ ചിനപ്പ് ചികയുന്നു നനപ്പ് കുടയുന്നു അരികിൽ, സുതാര്യത നോക്കി പിന്നിലേക്കെടുക്കും ജലം ലീപ്പ് ഈയറിൻ്റെ ചാലിലൂടെ  ഒഴുകിപ്പോകും ഫെബ്രുവരി നോക്കിനിൽക്കേ കലയായി  ചന്ദ്രനെ കയറ്റിയ ആകാശം, ഒന്ന് പിന്നിലേക്കെടുക്കുന്നു ഒന്ന് പിന്നിലേക്കെടുക്കും, പെരുന്നാളും അവയുടെ  പിന്നിലേക്കെടുക്കുന്നുണ്ടാവുമോ വഴിയരികിൽ വീടുകൾ അതിലെ ഏതെങ്കിലും പ്രിയപ്പെട്ട ജനാലകൾ പിന്നിലെ രാത്രി ധ്യാനത്തിൻ്റെ സൈഡ് വ്യൂ  മിററിൽ നോക്കി  അതിൻ്റെ നിശ്ചലത പിന്നിലേക്കെടുക്കും ഓരോ ബുദ്ധശിൽപ്പവും ഒരു പക്ഷേ നിശ്ചലതയ്ക്കും പിന്നിലേയ്ക്ക് തീർച്ചയായും ഉണ്ട്,  പിന്നിലേക്കെടുക്കാവുന്ന നിശ്ശബ്ദതകൾ കുയിലുകൾ കൃത്യമായി  അവയുടെ പുള്ളികൾക്കരികിൽ, കൂവും മുമ്പ് ചെയ്ത് വെയ്ക്കുന്നത് ഞാൻ എൻ്റെ ഉടൽ പിന്നിലേക്കെടുക്കുന്നു ഒരു പക്ഷേ ചെയ്ത  എല്ലാ ആദിമരതികളും അതിൽ പ

വികാരനിർഭരമായ ഒരു വിടവാങ്ങൽ

കണ്ഠം ഇടറുമ്പോഴും രാവ് ഒരു പൂവാണെങ്കിൽ സന്ധ്യ അതിന്റെ മൊട്ടാണെന്ന് ഭംഗിവാക്ക് പറഞ്ഞു പിരിയാതെ നിന്നത് ഒരു മൈക്ക് ആകണം കൊളുത്തിയിടപ്പെട്ടത് കൊണ്ട് മാത്രം കൈകൂപ്പി തൊഴുതപ്പോഴും പിടച്ചിട്ടും അണയാതെ കത്തിനിന്ന ദീപമൊരു നിലവിളക്കാകണം കാലിടറുമ്പോഴും നിർത്തിയിട്ടിരുന്ന ഒരു മരത്തിന്റെ ചോട്ടിലേയ്ക്കു കൈപിടിച്ചു കൊണ്ട് വിട്ടത് എന്നോ വിരമിച്ച നരച്ചൊരു പോക്കുവെയിലാകണം പിരിയുമ്പോൾ നിറഞ്ഞ വയസ്സായ കണ്ണിൽ കണ്ണീരിന്റെ കണ്ണട വച്ച് നോക്കിയിട്ടും കാഴ്ചകൾ ഒന്നും തെളിയാതെ നിന്നപ്പോൾ അകലെ നിന്ന് കൈവീശികാണിച്ചതായി തോന്നിയതൊരു ചാറ്റൽ മഴയാകണം അപ്പോൾ കരയുവാനാവാതെ കവിളിൽ തൊട്ടുതലോടിയത് ഒഴുകുവാനാകാതെ തളർന്നു കിടന്നുപോയൊരു  വാതം പിടിച്ച  പുഴയാകണം അപ്പോഴും ഒരു ഈശ്വര പ്രാര്ത്ഥന മുഴക്കിയതായി തോന്നിയത് മഴ മറൊന്നൊരു പഴകിയ വേഴാമ്പലാകണം കാത്തു കിടന്നു മുഷിഞ്ഞപോലെ അവസാനം സമയത്തിന്റെ വിരലുപിടിച്ചു സാവകാശം നിഴലിലേയ്ക്ക് നടന്നകന്നത് സ്വന്തമായി നട്ട ഏതോ മരത്തിന്റെ ഉണങ്ങിയ തണലാകണം എന്നിട്ടും പോകേണ്ടത് എങ്ങോട്ടേയ്ക്കാണെന്നു അറിയാതെ ഇല്ലാത്ത ഒരു രാത്രി വണ്ടിയ്ക്കു ഒറ്റയ്ക്ക് കാത്തു ന

റമദാൻ പുണ്യം

ആകാശം വിശ്വാസിക്ക് സ്നേഹത്തിന്റെ സീമയായ് മേഘം പള്ളിയായി വിശ്വാസിക്ക് തണലുമായ് പിറയായ് നോമ്പായ് സഹനം സ്നേഹമായ് റമദാൻ വൃതമായ്‌ പുണ്യ വിശ്വാസ മാസമായി മനസ്സും ശരീരവും അവനിൽ അർപ്പിച്ച് അവനിയിൽ മോക്ഷം അള്ളാഹു മാത്രമായി മക്കത്തു ഹജ്ജ് സുന്നത്തും മാർഗമായ്‌ ഇഹത്തിലും പരത്തിലും അവൻ നാമം മാത്രമായ് റജബിലും ശഅബാനിലും  നേട്ടങ്ങൾ ഏകി നവമാം മാസത്തിൽ പഞ്ചചര്യയിൽ ഒന്നുമായ്‌ റമദാൻ മാസം വിശുദ്ധമായ് പ്രാർത്ഥനയായ്‌ നന്മകൾ എന്നും ചൊരിയുന്ന  നേരമായി