നിശ്വാസം

 ഒന്ന് നിൽക്കൂ ഇളവേറ്റിട്ട് പോകൂ എന്ന് പറയുവാൻ തോന്നാറില്ലേ അത് പറയുവാൻ തോന്നുന്നത് നിറഞ്ഞ് കവിഞ്ഞ്  കടന്നുവരുന്ന  ഒരു ബസ്സിനോടാണെങ്കിൽ കൈ നിവർത്തി കാട്ടി  ഒരു യാത്രികനാവാം നിങ്ങളുടെ ഉള്ളിലെ തത്തയേ പറത്തിവിടാം അല്ലെങ്കിൽ കയറാതെ മാറി നിൽക്കാം തിരികേ നടക്കാം മൈനയിലേക്ക് കയറിനിൽക്കാം ദൂരം ഓളം ഇളവേൽപ്പുകൾ ജലത്തിൽ പ്രതിഫലിക്കും മേഘങ്ങൾ ഉപരിതലത്തിൽ ഇളം നീല ജലം പുരട്ടിയേക്കാം നനഞ്ഞേക്കാം കടന്ന് വരുന്നത് ഓളങ്ങൾ നിർമ്മിച്ച്  ഒരു തോണിയാണെങ്കിൽ ഓളനിർമ്മാണങ്ങളിൽ നിങ്ങൾക്ക് പങ്കെടുക്കുവാനാകില്ലെങ്കിൽ മാത്രം അതിലെ ഏറേ ദൂരം കഴിഞ്ഞ് ഒഴിഞ്ഞേക്കാവുന്ന  ഒരു ഇരിപ്പിടം യാനത്തിൽ  സ്വപ്നം കാണാം ഇളവേൽക്കുന്നതിൽ പിടിച്ച് നിൽക്കാം എന്നോടൊപ്പം വരൂ എന്ന് അടക്കിപ്പിടിച്ച സ്വരത്തിൽ  രഹസ്യത്തിന് കാണിച്ചു കൊടുക്കുവാൻ സോക്രട്ടീസിൻ്റെ കാത് കരുതാം അത് വരെ രഹസ്യങ്ങൾ ഇളവേൽക്കും ഇടവുമാകാം മദാലസയുടെ ശബ്‌ദത്തിനും ഗന്ധർവ്വൻ്റെ കാതിനും തീപിടിക്കും ഇടങ്ങളിൽ സോക്രട്ടീസിൻ്റെ ശിൽപ്പത്തിലേക്ക് ഒരു സായാഹ്നം ആയുന്നത് പോലെ  രഹസ്യത്തിലേക്ക് ആയാം യാഥാർത്ഥ്യങ്ങളിലേക്ക് തിരികേ പോകാം ഒരു പക്ഷേ ഒര...

   വെട്ടിയെടുത്ത ആകാശം, ഇട്ട് വെച്ചിരുന്ന ചതുരക്കൂടുകൾ എടുത്ത്  കുലുക്കി നോക്കുന്നു നീല കുലുങ്ങുന്ന ശബ്‌ദം ഒപ്പം കുലുങ്ങും ശൂന്യതയും കുലുങ്ങിയിട്ടുണ്ടാവണം മേഘങ്ങൾ ആകൃതിയുടെ കഷ്ണങ്ങളിൽ ഹൃദയം വെട്ടിയെടുക്കുന്നു മിടിപ്പുകൾ ചേർത്ത് ഉടലിലൊട്ടിച്ചുവെക്കുന്നു കാതുകൾ പറന്നുയരുമ്പോൾ ശലഭങ്ങളുടെ ഹൃദയമിടിപ്പിൽ തലവെച്ച് നോക്കിയിട്ടുണ്ടോ ശിശിരങ്ങൾ വെറും ചതുരക്കൂടുകൾ ഹൃദയങ്ങൾ കിലുങ്ങുമിടം നീലയുടെ നാലാമത്തെ നീലയിലെത്തുവാൻ നിലയിലെത്തുവാൻ ശംഖുപുഷ്പങ്ങൾ ഉപയോഗിക്കും ഗോവണിയിൽ അവിചാരിതമായി  കാല് കുരുങ്ങുകയായിരുന്നു കട്ടെടുക്കും നാഭിക്കും നീലക്കും  ഇടയിൽ കൈയ്യോടെ പിടിക്കപ്പെടും ശംഖുപുഷ്പങ്ങൾ ഉടലിൽ ശംഖുപുഷ്പങ്ങൾ പരമ്പരാഗതമായി കള്ളന്മാർ എന്ന ആത്മഗതം വിരിയുവാൻ തിരക്കുകൂട്ടുന്നു തീപ്പെട്ടിക്കൂടിലെ ഉരഞ്ഞ് തീകത്തും നീലയിൽ വയലറ്റ് കലർത്തുന്നു പറന്നുകഴിഞ്ഞ് തിരികെവരും ശലഭങ്ങളേ ഒന്നുമറിയാത്തവണ്ണം എടുത്തുവെക്കുവാൻ തുടങ്ങുകയായിരുന്നു രണ്ട് തുടക്കങ്ങൾ ഉള്ള വരി തുടക്കങ്ങൾക്ക് തീ പിടിക്കും ശബ്‌ദം തീക്കൊള്ളിയിലെ തീയിൽ തൊട്ടടുത്ത നിമിഷത്തെ അണച്ച് അടുത്തദിവസത്തേ തിരയുന്നു കണ്ടെടുക്കുന്നതൊക്കെയും തീയതി...

 മഞ്ഞ്,  പൂച്ചക്കണ്ണുള്ള ദുഃഖം എന്നവൾ ഞാനതിൻ്റെ നാല് കാലുള്ള വീഴ്ച്ച നോക്കി നിൽക്കുന്നു അവൾ കാണാതെ അവൾ,  മഞ്ഞ് ഒളിച്ചിരിക്കുന്നവൾ മഞ്ഞ് അവളെ നക്കിത്തോർത്തുന്നു അവൾ മഞ്ഞിനേ തൊടുന്നു അവൾ മഞ്ഞിനേ അറിയുന്നു അതും മഞ്ഞ് നുണഞ്ഞ് മഞ്ഞ് നനഞ്ഞ് അവൾ മഞ്ഞിനേ കാണുന്നത് പോലും നോക്കിനിൽക്കുവാൻ ഒരു രസമാണ് മഞ്ഞ് അയ നമ്മൾ അതിൽ  ഉണങ്ങുവാൻ കൂട്ടാക്കാത്ത  രണ്ട് തുണികൾ എന്നാവും അവൾ അവളുടെ ചൂടിനുള്ളിൽ പൂച്ചക്കണ്ണുകൾ അവധിയെടുത്ത രാത്രിയിൽ എന്നിൽ പൂച്ചനഖം ഞാനത് അവളിൽ നിന്നും  മഞ്ഞിൽ നിന്നും  മറയ്ക്കുന്നു മാറിലെ മഞ്ഞിൽ അവളുടെ മുഖം അവൾ കാണാതെ മഞ്ഞുപങ്കായത്തിൽ നിന്ന് തെറിക്കുവാനുള്ള വെള്ളത്തുള്ളികൾ ഞാൻ അവൾക്കരികിൽ അന്തരീക്ഷത്തിൽ വരച്ച് തൂക്കുന്നു ഫിനിഷിങ് പോയൻ്റിലേക്കുള്ള ട്രാക്ക് അവൾ മഞ്ഞിൽ വരയുന്നു മൽസരിക്കുന്ന  മഞ്ഞിൻ്റെ ചുണ്ടൻ വള്ളങ്ങൾക്ക് അവൾ ഫിനിഷിങ് പോയൻറ് നെടുവീർപ്പുകൾ അവൾ മഞ്ഞിൽ വെക്കുന്നു മഞ്ഞിൽ അവൾ ശ്വസിച്ചതിൻ്റെ രേഖകൾ മഞ്ഞിൽ അന്തരീക്ഷത്തിൽ ഉടലുകൾ പതിയേ മത്സരിക്കുന്ന തോണികൾ എന്നാവാം അവൾ അവൾ മഞ്ഞിൻ്റെ അണിയത്തും അമരത്തും മഞ്ഞിൻ്റെ ഓടാമ്പൽ അവൾ മെല്ലേ നീക്കുന്നു മെല്ല...

 അതിന് തെറ്റൊന്നും ചെയ്തിട്ടില്ലല്ലോ തെറ്റുകളുടെ ആൽബം നീക്കിവെച്ച് ഏറ്റവും പുതിയ തെറ്റ്  ഒട്ടിച്ചു വെച്ച് വെറുതേയിരിക്കുമ്പോൾ പശ്ചാത്തപിക്കുക അതായിരുന്നു ഹോബി എല്ലാ തുമ്പികളും  നിങ്ങളെ  വലിച്ചിഴക്കുന്നില്ല പക്ഷേ, എല്ലാ മണങ്ങളും ഒരു നഗരമാവുന്നുണ്ട് എപ്പോഴോ നിങ്ങളുടെ ഏകാന്തത നിങ്ങളെ വലിച്ചിഴക്കുന്ന തുമ്പിയല്ല കല്ലിനും പൂവിനും പുല്ലിനും ഇടയിൽ തുമ്പികളുടെ മധ്യസ്ഥം കല്ലുകളുടെ ഇടനില എന്നിവ അവ സ്വീകരിക്കുന്നില്ല എല്ലാ പൂവുകൾക്കും തുമ്പികൾക്കും ഇന്നിൻ്റെ പെരുക്കപ്പട്ടികയിൽ അക്കങ്ങളുടെ  തീയതികളുടെ അംഗീകാരമില്ല അംഗീകാരമില്ലാത്ത തുമ്പികൾ അംഗീകാരമില്ലാത്ത കല്ലുകൾ അംഗീകാരമില്ലാത്ത കലണ്ടറുകൾ കലണ്ടറിൽ തീയതികൾ കഴിഞ്ഞാൽ അണഞ്ഞഅക്കങ്ങൾ, സമയങ്ങളുടെ സംശയങ്ങളായി പുല്ലുകൾക്കാണെങ്കിലോ പിന്നെ ഒന്നുമില്ല നക്ഷത്രങ്ങൾ തെറ്റ് ചെയ്യുന്നു നിങ്ങളും ആകാശം തെറ്റുകളുടെ ആൽബം അംഗീകാരമുള്ള തെറ്റിനേയും അംഗീകാരമില്ലാത്ത ആകാശത്തേയും ഒരേ വരിയിൽ അതേ ശൂന്യതയിൽ അതേ നീലയിൽ നിലനിർത്തി ഞാനും നിങ്ങളും ചേർന്ന്  പ്രകൃതിയിൽ ഒട്ടിച്ചുവെക്കുന്നു മനുഷ്യൻ ഒട്ടിച്ച് വെക്കുന്നവയിൽ പ്രകൃതിയിൽ സുഗന്ധമുള്ളവ എന്ന് കാറ...

 ഇന്ന് ഒരു അവധിദിനമാണെന്ന് തോന്നുന്നവർ എല്ലാം കൂടി കലണ്ടറിൽ ഒരു മാസമുണ്ടാക്കി ഒത്തുകൂടുകയായിരുന്നു കലണ്ടറിൽ അന്ന് ഇല്ലാത്ത ഒരു ദിവസം ഒരു പ്രാവിൻ്റെ ചിറകടിയോടെ ആദ്യഷോട്ട് തന്നെ തുടങ്ങുന്ന ചിത്രമാവുന്നതങ്ങിനാവാം വേഗത്തിൽ കടന്ന് പോകുന്ന  ഒരു തീവണ്ടി, അതിൻ്റെ തുടർച്ച കലണ്ടറിൻ്റെ പിൻവശത്ത് കൂടി  ഞങ്ങൾ പുറത്ത് കടന്നു അടുത്ത് ഒരു കടലുണ്ടെന്ന് പ്രതീതി തോന്നിക്കുന്ന ഇടത്തിലൂടെ കടൽക്കാറ്റ് വകഞ്ഞ്,  ഞങ്ങൾ മുന്നോട്ട് പോയി ഞങ്ങൾ എന്ന് പറഞ്ഞാൽ ഞാനും അനാർക്കി എന്ന്  ഞാൻ വിളിക്കുന്ന പുനരുപയോഗിക്കാവുന്ന പ്ലാസ്റ്റിക്ക് ബാഗും നിരോധിക്കപ്പെട്ടത് എന്ന പ്രതീതി ഓരോ നിമിഷവും അത്  കൂടെ കൊണ്ടുനടന്നു ഒപ്പം എന്നേയും എന്നിട്ടും അത് കടന്നുപോകുന്നിടത്തൊക്കെ  മനപ്പൂർവ്വം എന്ന ശബ്‌ദമുണ്ടാക്കി അപ്പോഴൊക്കെ ഞാൻ  കൂടുതൽ നിശ്ശബ്ദനായി മനുഷ്യരെ നിരോധിച്ച രാജ്യങ്ങൾ ഒരു പുസ്‌തകത്തിൻ്റെ പുറഞ്ചട്ടയായി കട്ടിലിൽ കിടന്നു സാധാരണ ചേർത്ത് മനുഷ്യരെ നിരോധിക്കുന്നത് കൂടുതൽ സ്വീകാര്യമായി പുന:രുപയോഗിക്കാവുന്ന മനുഷ്യനായി നിരോധനങ്ങൾ മറികടന്നു മണികൾക്ക് പിന്നിൽ ദേവാലയങ്ങൾ കൂടുതൽ നിശ്ശബ്ദത ഉണ്ടാക്കി തല ഉയ...

 ബുദ്ധിയേക്കാൾ കുമിള എന്ന വികാരത്തെ ഞാൻ ഇഷ്‌ടപ്പെടുവാൻ തുടങ്ങിയതിൽ പിന്നെ ഒരു പക്ഷേ മനുഷ്യരിലേക്ക് മടങ്ങിയെത്തുന്നവർ സാധാരണക്കാരനാകുവാൻ സൗഭാഗ്യങ്ങൾ ഉപേക്ഷിക്കുന്നത് പോലെ തന്നെ കാണുവാൻ പോകുമ്പോൾ കടൽ എന്ന് തോന്നിക്കുന്ന ഒന്നിനേ കൂടെ കോണ്ട് പോയിരുന്നു വെറും സാധാരണക്കാരനാകുവാൻ വേണ്ടി മാത്രം സാധാരണത്ത്വം  സാധാരണക്കാരൻ്റെ കടലായി കടക്കുക കാണുക മടങ്ങുക  ചിലപ്പോഴെങ്കിലും അതിൽ മുങ്ങുക എന്നിവ അതിലടങ്ങി അവൻ അല്ലെങ്കിൽ അവൾ അതുമല്ലെങ്കിൽ അവരൊരുമിച്ച് കണ്ടില്ലെങ്കിലും അവിടെ ഉണ്ടെന്നുള്ള തോന്നലിൽ കടൽ കിടന്നു ചിലപ്പോൾ നീണ്ട് ചിലപ്പോൾ കുറുകി ചിലപ്പോൾ ഉപ്പ് പറ്റി  അതുമല്ലെങ്കിൽ അവൻ്റെ അല്ലെങ്കിൽ അവളുടെ നോട്ടങ്ങളുടെ ബഡ്ജറ്റിൽ അത്രയും ഇഴുകിച്ചേർന്ന് വിരിഞ്ഞ ശേഷം പൂവ് ഋതുവിനേ ഉപേക്ഷിക്കുന്ന  പോലെ സാധാരണക്കാരനായ ശേഷം സാധാരണത്വം ഉപേക്ഷിക്കുവാൻ പോകുന്ന ഇടം  പതിയേ കടലായി 2 ഇട്ടാൽ കുടുങ്ങും  എന്നുള്ളത് കൊണ്ട് മാത്രം ഇടാത്ത പേരുകൾ  ഇട്ട് വെച്ചിരുന്ന കുടുക്ക, ഓട്ടോ ആകുന്നത് കണ്ടിട്ടില്ലേ? അതും കൈനീട്ടി നിൽക്കും സാധാരണക്കാരുടെ മുമ്പിൽ കുറച്ച് കൂടി മുമ്പിലോട്ട്  നീക്കിനിർത...

 ദൈവം എന്ന കിഴുക്കാംതൂക്കുകളിൽ ചെന്ന്, എത്തിനോക്കും കുട്ടി കൊതിതീരാത്ത എന്ന വാക്കിന് ദൈവവും കൈ എത്തുന്നു അതേ സമയം പണിതീരാത്ത തൂക്കണാംകുരുവിയുടെ കൂടുകളിൽ കിളിയായി  പണിയെടുക്കും ദൈവം അതിൻ്റെ കൂടാവണം എന്ന വാശി,  എപ്പോഴോ ഉപേക്ഷിച്ച മാതിരി ഭൂഗുരുത്വാകർഷണങ്ങളും ഭ്രമണങ്ങളും തൂക്കിയിട്ടിരിക്കും ഭൂമി വർത്തമാനകാലം, ഒരു ചുള്ളിക്കമ്പ് ഇന്നലെ, അത് ഒടിയുന്ന ഒച്ച കാലം എന്ന  കുഞ്ഞ് ആഗ്രഹവുമായി  ഒപ്പം ചിണുങ്ങിയും കറങ്ങിയും ലോകവും ഒരു ഉടലാവണം മഞ്ഞ് ഒപ്പം ഊഞ്ഞാലും ഒരു പക്ഷേ ദേശാടനത്തിലേക്ക് പോലും അറിയാതെ നീളുന്നത് ദൈവം തിരിച്ചുവെച്ച കിഴക്കിൽ ഉദിച്ചും അസ്‌തമിച്ചും  മടുത്തിരിക്കുന്നു സൂര്യൻ ആ മടുപ്പെങ്കിലും തിരിച്ച് ചോദിച്ച് എന്നിലെ കുട്ടിയിരിക്കുന്നു കിഴക്ക് കൂട്ടിവെച്ച്  ദൈവവും ഒരു തൂക്കണാംകിളി കൂടായിട്ടില്ല കിഴക്ക് എന്നിട്ടും സൂര്യൻ തന്നിലെ കിളിയെ ഉണർത്തിയും ഓമനിച്ചും കിഴക്കിൽ വന്ന് കൊത്തുന്നു  ഉണരുമ്പോൾ എങ്ങും കിഴക്ക് പിന്നെ കുറേശ്ശെയായി പടിഞ്ഞാറ് ഞാത്തും ദൈവവും ഇപ്പോൾ ദൈവം ഒരു തിരുത്തൽ നദി സമയം അതിൻ്റെ ഓരം ഒഴുക്കിൻ്റെ കൊക്ക് മുക്കി തുടിച്ച് പറക്കും കിളികളും നഗരം,...

 അസമയത്തെ അടുക്കള സാങ്കേതികമായി  നിഷ്‌ക്കളങ്കമായ ഒരു ബിംബം  മാത്രമാണ് എന്നാലും അവളോട് പറഞ്ഞാൽ ശ് ച്ചീ നിങ്ങൾക്കീ വിചാരം, മാത്രമേയുള്ളോ എന്ന നുള്ളലോടെ ഒരു തള്ളൽ ലഭിച്ചേക്കാവുന്ന ഒരു സാധാരണ പ്രതികരണം മാത്രമാവും എന്നാലും അസമയത്ത് അടുക്കളയിൽ ഒരു സാങ്കേതിക വിദ്യയുടേയും സഹായമില്ലാതെ വെറും കൈയ്യോടെ പ്രവേശിക്കുന്ന പുരുഷൻ ഒരു നുള്ളിനും തള്ളിനും അപ്പുറം ഞാൻ തന്നെയാണ് കൊതി അതും അര മുക്കാൽ മണിക്കൂറോളം മാരിനേറ്റ് ചെയ്ത് വെച്ചത് തണ്ടോട് കൂടി വെച്ച കറിവേപ്പിലയിൽ നല്ല വെളിച്ചെണ്ണയിൽ വറുത്ത് കോരിയെടുത്താൽ പൊരിച്ച മീനായേക്കുന്നത് എന്നാലും കുശിനിക്കാരൻ്റെ സ്വപ്നങ്ങളിൽ അസമയത്ത് ചെന്ന് ഒരു ചായ ചോദിക്കുന്ന ശല്യക്കാരനായ ഒരു ഇടപാടുകാരൻ അതും ഏത് നിമിഷവും  ഒരു ഉപഭോക്താവ് ആയേക്കാവുന്നതും ഞാൻ തന്നെയാണ് സ്വതന്ത്രവിപണിയിൽ ഒരു പോപ്പ്കോൺ ഉടൽ സൂക്ഷിക്കുന്നത്  അത് ഭാരമില്ലാതെ  കൊണ്ട് നടക്കുന്നത് ഒന്നും അത്ര വലിയ കാര്യമൊന്നുമില്ല പ്രത്യേകിച്ച് ഇന്ന് വിധേയത്വങ്ങളുടെ പോപ്പ്കോൺ അഥവാ ഉടലിൻ്റെ പോപ്പ്കോൺ എഡിഷൻ എന്ന് ചുരുക്കിയാൽ മുദ്രാവാക്യങ്ങൾ പോലും പോപ്പ്കോൺ ചവപ്പ് പോലെ അത്രയും ലാഘവത്വം നിറഞ്ഞതാവ...

 കുട്ടികൾ വികൃതി കാണിച്ചതിൻ്റെ പേരിൽ നൃത്തം ചെയ്യുന്ന രക്ഷിതാക്കളേ വിളിച്ചുവരുത്തുന്ന വിദ്യാലയങ്ങൾ അവിടുത്തേ ഒരു അധ്യാപിക എന്നേക്കാൾ വികൃതിയാണ് എന്നാലും അത് എനിക്ക് ഉസ്‌കൂളിൽ പോകാതിരിക്കുവാനുള്ള കാരണമാകുന്നില്ല സ്കൂളിൽ പോകാതിരിക്കുവാൻ വേണ്ടി കാരണങ്ങൾ ഒരുപാട് കണ്ടുപിടിച്ച് സ്‌കൂളിൽ പോകാതിരുന്ന കുട്ടിയായിരുന്നു ഞാൻ അതിപ്പോൾ പറഞ്ഞിട്ട് ഒരു കാര്യവുമില്ല ഞാനൊട്ടു ശാസ്‌ത്രജ്ഞനുമായിട്ടില്ല പ്രണയം പഠിപ്പിച്ചിരുന്ന കാലങ്ങളിൽ എന്നേ ഏറ്റവും കൂടുതൽ  മുട്ടേൽ നിർത്തിച്ചത് അവളായിരുന്നു എന്നിട്ടെന്താ ഇന്നിപ്പോൾ  ഉസ്‌കൂളിലേക്ക് എന്നോടൊപ്പം വരേണ്ടത് അവളാണ് അപ്പോഴും എനിക്ക് കവിതയിൽ  ഇത്രയും ഗൃഹപാഠം ഇട്ട് തരുന്ന  അധ്യാപിക ആരാണെന്ന സംശയം അവൾക്കില്ലാതില്ല അത് പക്ഷേ കവിതയെഴുതുന്ന കാലത്താണ് അന്ന് പുഴയിൽ  വെള്ളം പൊങ്ങിയിരുന്നു എന്നൊരു കളവ് എൻ്റെ കവിതയേ ആവർത്തിച്ച് നനച്ചു ഒരുമിച്ച്  ഒരു കുട ചൂടി ഞങ്ങൾ  ആ നനവ് നടന്നുതീർത്തു മഴക്കാലത്ത് തടിപ്പാലം പോലെ  കാതിലെ തുളസിക്കമ്പ് ഞങ്ങളുടെ നിശ്ശബ്ദതകൾക്കിടയിൽ അപ്പോഴും വഴുക്കി അന്നേരവും അവളുടെ കാതിലെ തുളസിക്കമ്പ് ഞങ്ങൾ ഭാഷ പോലും ...

 ഒരു ചുവരിലെ  ആഡംബരപെയിൻ്റിങ് ആകുവാൻ  പതിവായ് പോകുന്നുണ്ട് നിൻ്റെ ഉടൽ എൻ്റെ ഉടൽ ഒരു ഗോത്രവർഗ്ഗത്തിൻ്റെ  പകലാകുവാൻ  രഹസ്യമായി പോകുന്നു ഞാനാരോടും പറയുന്നില്ല ഉടലില്ലായ്മ  വ്യക്തിത്വമില്ലായ്മ ഞാൻ പരസ്യമായി കൊണ്ട് നടക്കുന്നു നിങ്ങളുടെ വ്യക്തിത്വം നഷ്‌ടമായിട്ടുണ്ട് എന്ന് രാത്രികൾ എന്നെ ഓർമ്മിപ്പിക്കുന്നു അത് തിരഞ്ഞ് പോകുവാൻ  ഞാൻ കൂട്ടാക്കിയേക്കില്ല എന്ന  ഉത്കണ്ഠ എൻ്റെ ഇരുട്ടിനുണ്ട്  അതിൻ്റെ രാത്രിയ്ക്കുണ്ട് മിന്നാംമിനുങ്ങികൾക്ക്,  എന്തിന്  അവയുടെ മിനുക്കത്തിന്  പോലുമുണ്ട് എന്നാലും നിങ്ങളുടെ ഷോകെയ്സിൽ വേക്കേണ്ട വസ്‌തുക്കൾ അതിഥികൾ തീരുമാനിക്കുമോ എന്ന് ഞാൻ ഭയക്കുന്നു ഉത്കണ്ഠകളുടെ  ഷോക്കേയ്സ് മാത്രമാണ് ഞാൻ ഭയത്തിൻ്റെ ഷോക്കേയ്സ് ആയിട്ടില്ല എന്നിട്ടും നിങ്ങൾ വന്നെത്തി  നോക്കുമോ എന്ന് എനിക്ക്  ഭയക്കാമല്ലോ ചിലപ്പോൾ ഭയം പോലും ഒരാശ്വാസമാണ് അല്ലേ? നിങ്ങളുടെ ജനലുകൾ,  പകലുകൾ തീരുമാനിക്കുന്നു എൻ്റെ വാതിൽ ഒരു തീരുമാനമല്ല  അത് അടയുന്നില്ല അതിൻ്റെ വീജാവരി ലോകവുമായി ബന്ധപ്പെടുന്നില്ല  ഞാൻ അകത്തായാലും  പുറത്തായാലും ഇ...

 ജീവിതം ഒരു മുൻകൂർ ജാമ്യമാണ് കൂടുതൽ മനുഷ്യനാവാൻ, മത്സരിക്കുന്ന എന്ന് തോന്നി മൃഗങ്ങളെ പരിചയപ്പെടുമ്പോൾ എടുത്ത് ഉപയോഗിക്കാം  എന്ന് തോന്നിയ  മനുഷ്യത്വത്തിനോട് എന്നോട് എന്ന പോലെ  ഈർഷ്യ തോന്നിത്തുടങ്ങിയിരിക്കുന്നു കാര്യമാക്കുന്നില്ല ഒരു അറക്കവാളിൻ്റെ സ്വപ്നം മാത്രമാണ് മരം എന്ന് കാടിനോട് പറഞ്ഞത് ഓർക്കാനും പോയില്ല മനുഷ്യനാകും മുമ്പ് വിരമിച്ച ഒന്നാണ് മൃഗമെന്ന് തോന്നി തോന്നൽമൃഗം എന്ന് മാത്രം മുരണ്ടു ഓർമ്മയും ഒരു അറക്കവാളാണ് മനുഷ്യനാവുന്തോറും. 2 ബുദ്ധനിലേക്ക് ഒരു ഞരമ്പ് കടത്തിവിട്ട് ബുദ്ധനിലെ ധ്യാനം വലിച്ചെടുക്കുവാനുള്ള ശ്രമങ്ങൾ എല്ലാ മരങ്ങളും സംശയത്തിന് അതീതരാകുന്നു മെല്ലെ എന്ന് ഇലകൾ മരമല്ല എന്ന് ബോധിയും ഇലകൾ ഇളക്കി ആണയിടുന്നു തകർത്തു കഴിഞ്ഞാൽ പ്രതിമകൾ പ്രതിച്ഛായകൾ വിശ്വാസങ്ങൾ പുരാവസ്തുകൾ കെട്ടിടങ്ങൾ ദേവാലയങ്ങൾ എന്നിവ തകർന്നത് മാത്രമാണ് വേരുകൾ ഇടുന്ന ആണയാണ് മണ്ണിന്നത് മൂടി വെക്കുവാനായേക്കില്ല ഏറേ നാൾ കണ്ടു തകർന്ന പ്രതിമകൾക്കിടയിൽ ബോധിയുടെ രണ്ട് വേരുകൾ  ബുദ്ധൻ്റെ പേര് തിരഞ്ഞ് പോകുന്നു കാൽച്ചോട്ടിലെ ഒലിച്ചുപോകുന്ന മണ്ണിനോടുള്ള സന്ധി മാത്രമല്ല ശുദ്ധമായ ആകാശത്തേക്കാൾ വലിയ മണ...

 ഞാനും  ആരോരും ഇല്ലാത്ത ഒരു മൈനയുടെ തവിട്ടും കൂടി ഒരു ഇലയുടെ ഇന്നലെമഞ്ഞ മോഷ്ടിക്കുന്നു അതും മരത്തിൻ്റെ  കൃത്രിമചലനങ്ങളും സ്വാഭാവികനിശ്ചലതയും  അറിയാതെ  ഒരു പക്ഷേ നോക്കിനിൽക്കേ തന്നെ കാതുകൾ നിധിവേട്ടക്കാരാണ് വേരുകളും മരവും അതിൻ്റെ രഹസ്യങ്ങളും അതിന് കാവൽ നിൽക്കുന്നു എന്ന് തോന്നി ഞാൻ പറയും മൈന തലയാട്ടും പക്ഷേ എൻ്റെ ഭ്രാന്ത് മാത്രം തർക്കിക്കും അല്ല അല്ല അല്ല എനിക്ക് ഭ്രാന്തില്ല ഞാൻ പറയും  പക്ഷേ അതിന് തലയാട്ടുവാൻ ആരുമിണ്ടാകില്ല ഒരു മേഘവും അതിൻ്റെ മന്ദാരവും എൻ്റെ തലക്ക് മുകളിലൂടെ  കടന്ന് പോകും ഒന്നുമറിയാത്ത പോലെ എൻ്റെ തല ഭ്രാന്തിൽ നിന്നും  ഇരുചെവിയറിയാതെ പുറത്ത് വരും പൗർണ്ണമിക്ക് മുമ്പും പിമ്പും ചന്ദ്രൻ  മേഘങ്ങൾക്കിടയിൽ നിന്നും എന്ന പോലെ ഭ്രാന്ത്, പൗർണ്ണമിക്ക് മുമ്പും  പിമ്പുമുള്ള ചന്ദ്രൻ എന്ന്  ആകാശത്തിൻ്റെ പുലയാട്ട് പുലഭ്യം ജന്മനക്ഷത്രങ്ങളുടെ  അസഭ്യവർഷങ്ങൾ  അതും തലക്ക് മുകളിൽ എൻ്റെ നാവ്  അത് അരുതെന്ന് പൊന്തുമ്പോഴും ഗസലിൻ്റെ നാണയത്തുട്ടുകൾ  ഇട്ട് വെക്കുന്ന ഭ്രാന്തിൻ്റെ കുടുക്ക, മേഘങ്ങൾ നിലാവ് കടക്കുമ്പോൾ നിലത്തിട്ട്...

  ഒരു ചിറകടി പക്ഷി പൂർത്തിയാക്കിയിട്ടില്ല വൈകി നീലനിറമാർന്ന ആകാശം ഇനി വൈകുന്നത് നീലനിറമാണെങ്കിലോ പറക്കുന്നത് ഓർത്തെടുക്കുവാൻ ശ്രമിക്കുന്ന പക്ഷിയേപ്പോലെ ഓർത്തെടുക്കലിൽ അന്നും ആകാശവും പങ്കെടുക്കുന്നു തൂവലുകളുടെ സ്‌മരണിക അന്നും അവയുടെ പ്രകാശനങ്ങൾ ഓർത്തെടുക്കുവാൻ വൈകുന്ന  ഒരു വാക്കായി മേഘനിഘണ്ടുവിൽ വിരലിനൊപ്പം ആകാശവും നീങ്ങുന്നു പക്ഷിനിഘണ്ടുവിൽ അന്നും കൂടുതൽ ചിറകടികൾ നീക്കങ്ങളുടെ അളവുതൂക്ക വകുപ്പ് മേഘങ്ങളുടെ ഉദ്യോഗസ്ഥൻ പരിശോധനക്ക് പകരം, അന്നും കുറിച്ച്കൊടുക്കുന്നത്  ഒരു വാക്കാണെങ്കിൽ അതിൻ്റെ ഭാരമില്ലായ്മ അതിട്ട് വെക്കുവാൻ  നോക്ക് തിരയും അതിൻ്റെ പരിസരങ്ങളും നിനക്കെന്തിനാണിത്രയും മേഘങ്ങൾ എന്ന ചോദ്യം  നിന്നിൽനിന്നുണ്ടായേക്കും അന്നും ക്ഷമിക്കണം, എന്നിൽ നിന്നുണ്ടാകില്ല അന്നും നിനക്ക്  ചോദിക്കുവാനാണെന്ന ഭാരമുള്ള ഉത്തരം  പക്ഷേ ഒരു നെടുവീർപ്പുണ്ടാവും അന്നും ഭാഷയിൽ! ഹേ പ്രശാന്തതേ സത്ത എന്ന വാക്കിൽ  തൃപ്തി പോരാതെ ആത്മീയതയുടെ എസ്സൻസ്  ഇത്തിരി ചേർത്തേക്കും അന്നും  ഞാൻ കവിതയിൽ കുപ്പി ചരിച്ച്നോക്കുമ്പോൾ മൂലയിൽ ബാക്കിവരും ഒരിത്തിരി സുതാര്യതയേ അന്നും ഞാൻ അവ...

 ഉപമ കൊണ്ട് കുളിച്ച് കയറാമെങ്കിൽ ആനയേപ്പോലെ അഴിച്ചിറക്കി നടത്തി കൊണ്ട് പോയി  തെളിച്ച് തുടരാനാവില്ല കുളിയിൽ ജലത്തിൽ തിരികേ വന്ന്  കയറേണ്ടതുണ്ട് ഉടലിൽ മേഘമാണെങ്കിൽ ജലത്തിൽ ആനക്കും മനുഷ്യനും ഇടയിൽ  ഉടലിൻ്റെ തുടർച്ചകളുണ്ട് കേൾക്കാവുന്ന ചങ്ങലക്കിലുക്കങ്ങൾ ഇട്ടുവെക്കാവുന്ന പൗഡർടിൻ  ആന കൊണ്ട് നടക്കുന്നു കുട്ടിക്കൂറ മണമുള്ള ഗൃഹാതുരത്തങ്ങളിൽ  ആനയും മനുഷ്യനും കറുപ്പിലും കറുപ്പിലും കറുപ്പിലും വെളുപ്പിലും പുറത്തിറങ്ങുന്നു വെളുപ്പ് പുറന്തള്ളുന്ന പകലിൽ ആന നടത്തം അടങ്ങിയിരിക്കുന്നു നടക്കുമ്പോൾ ചലനങ്ങളിൽ പൊന്തി വരും ആന മുഴക്കങ്ങൾ പകലിനുമുണ്ട് സമയം ചലിക്കുമ്പോൾ തെളിഞ്ഞ് വരും നിഴലിൽ ഒതുങ്ങാ പകൽമുഴകൾ ചലനം കലർന്ന ദിനങൾ പോലെ കലങ്ങിയ പകൽ കലങ്ങിയ നദി തെളിയുന്ന ശബ്‌ദം കോരിയൊഴിച്ച് കോരിക്കുളിച്ച് അപ്പോഴും ആന കുളിക്കുന്നു സൂചിക്കുത്ത് കൊണ്ട ഭാഗം മാത്രം തിരിശ്ശിട്ട് തുമ്പിക്കൈയ് നിറയേ ജലം ശേഖരിച്ച് നടത്തം നടത്തം നടത്തം എന്ന തുന്നലാവുകയാണ് തിരികേ ആന എഴുന്നെള്ളിപ്പ്  കുട തിടമ്പ് നെറ്റിപ്പട്ടം ആലവട്ടം വെഞ്ചാമരം എന്നിവ മാറ്റി നിർത്തിയാൽ കൂടെ ആകാശവും തുന്നി വെച്ച കല ചന്ദ്രക്കല എന്ന് ...

 ഇറ്റുവീണ ഓർമ്മയിൽ ചാരി നിൽക്കും ജലം ഓർമ്മയുടെ ചാരലാവണം നീക്കാവുന്ന ഓടാമ്പലാവായി ഒഴുക്ക് ഒപ്പം അതെഴുതിയ വാക്കും എടുത്ത് നോക്കാവുന്ന വിധം ഭാഷയിലെ കെട്ടിക്കിടപ്പാവണം ചാരിവെക്കാവുന്ന ഒഴുക്കിൽ തൂക്കാവുന്ന വിധം ചുവരിൽ പരൽ മീൻ ചിത്രങ്ങൾ ദിക്കുകളുടെ പഴക്കം ഒഴുക്കിൻ്റേയും ചുവരിൽ നദിയും ഫ്രൈയിം ചെയ്ത് വെക്കുന്നു   പരിമിതി എന്ന ധാരണക്ക് മുമ്പിലേക്ക് കടന്ന് വരാവുന്ന വെളിച്ചത്തിന് പരിധിയും വെക്കുന്നു പൂർണ്ണത എങ്ങിനേ വെളിച്ചത്തെ നശിപ്പിക്കുന്നു എന്ന് ശ്രദ്ധിച്ചിട്ടുണ്ടോ? രാകുമ്പോഴും വിളക്കിച്ചേർക്കുമ്പോഴും ഘടികാര സൂചികൾ  ദിവസക്കൾക്കിടയിൽ സമയം പാഴാക്കുന്നു ഓർമ്മകളുടെ പഴക്കം മാത്രം സൂക്ഷിച്ച് വെക്കുന്നു ജനലിൻ്റെ ചിണുക്കമാവണം ചുവരിൽ മിന്നൽ അകലെയും പിണങ്ങുന്നു തുളസിയില മണം കലർന്ന ജലം ഭാഷയുടെ സൂര്യധ്യാനങ്ങളിൽ ഇടപെടും വിധം വൈകുന്നേരമാകുന്തോറും സന്ന്യാസിയാവും സൂര്യൻ ധ്യാനം കരയിൽ വെച്ച് ജലത്തിലിറങ്ങും ബുദ്ധന്നേ മീനുകൾ നുണയും വിധം സമയമീനുകൾകളുടെ കടിക്ക് ഉടൽ വിട്ടുകൊടുക്കുന്നു ജലം ജാമ്യവുമാകണം ഒഴുക്കിൻ്റേയും കെട്ടിക്കിടപ്പിൻ്റേയും ഒരേ സമയം കരിക്കിൻ്റെ മധുരം  അതും പുതുമയുടെ തണുപ്പുള്ളത് സമയ...

  കുടിച്ചിട്ട് വെച്ച ഒരു ചായക്കപ്പിൻ്റെ ഓർമ്മയാകും നമ്മൾ കുടിച്ചിട്ട് വെച്ചിട്ടും അതിന് ആ ചായക്കപ്പിന് ചൂടുണ്ടെങ്കിൽ ഒന്നും മിണ്ടാത്ത നമ്മുടെ ചുണ്ടിനും ചൂടുണ്ടാവും എന്ന് കരുതും അത് അടിച്ച ചായയുടെ കലർപ്പുള്ള നമ്മൾ പതിവ് ഗ്ലാസിൽ നിന്നും കപ്പിലേക്ക് ചായ വീശിയടിച്ച നമ്മൾ അതിൻ്റെ സമോവർ തിള  തീയുടെ കപ്പലിന് താഴെ  തിളക്കും പാരിജാതമണമുള്ള മറ്റൊരു തീ പൂക്കളിൽ വന്ന് തിളക്കും ചെമ്പകം കനലിൻ്റെ വാകയിലേക്ക്  മടങ്ങിപ്പോകും മുമ്പ് ചായക്കനം ചായത്തുടം തീ അനക്കം ചായക്കൊപ്പം കലണ്ടറും അതിലെ ചിത്രങ്ങളും തിളക്കും ചുവർ തീയതി കളങ്ങളിൽ ചാരി നിൽക്കും ചാന്ദ്രദുന്ദുഭി ഢമരുവിൻ്റെ കടുന്തുടിയിൽ നിന്നും നൃത്തത്തിലേക്കായും ശിവൻ്റെ ശിൽപ്പത്തിനപ്പുറം നമ്മൾ നമ്മളിലേക്കായും ഒരു നൃത്തത്തിൽ ചാരി നിർത്തും ചായയുടെ മണമുള്ള വേരുകൾ രണ്ട് മനുഷ്യരെ ഇരുന്ന കസേരക്കും നഗരത്തിലെ ഏറ്റവും അടുത്ത മരത്തിനും ഇടയിൽ നിർത്തി നിർത്തി മുത്തി മുത്തി കുടിക്കും വാസനയുള്ള വേനൽ ആവി പൊങ്ങും പൊള്ളും സാവകാശം കുടിക്കുന്നവർക്കുള്ളതല്ല ചായകൾ എന്ന് നഗരത്തിലേ തിരക്കുള്ള ചൂട് അടക്കം പറയും നമ്മൾ ഒരു തിരക്കും ഇല്ലാത്ത തുമ്പിയേ ഉണ്ടാക്കി നമ്മു...

  രണ്ടരഅണ എന്നത്   നിലവിലില്ലാത്ത ഗ്രാമത്തിലെ എന്നോ പൂട്ടിപ്പോയ ഷാപ്പിൻ്റെ ഇരട്ടപ്പേരാണെങ്കിൽ രണ്ട് കാലുള്ള നടത്തത്തിൽ  വന്ന ദൂരം കോരി വെച്ച്  മഴ തോരുന്നത് നോക്കി  എടുത്ത് കൊണ്ട് പോകാവുന്ന വാരിക്കീഴുകളിലേ  കയറിനിൽക്കലുകൾ മഴയൊന്നും പെയ്യുന്നില്ലെങ്കിലും തോരാൻ കാത്തുനിൽക്കുമ്പോലെ കയറി നിൽക്കാറില്ലേ ചില വരികളിൽ വാരിക്കീഴുകൾ പോലെ കൈത്തറി പോലെ കൈകൾ കൊണ്ട് തിരയിട്ട് കാലുകൾ കൊണ്ട് ചവിട്ടി നിർമ്മിക്കാവുന്നവയാവണം ചില കയറിനിർത്തങ്ങൾ എങ്കിലും ചവിട്ടിപോലെ  കയർ കൊണ്ട് നിലത്ത് കിടക്കും നനവ്  അതും സിമൻ്റിട്ടത് അതിലേക്ക് ഒരു ചട്ടിച്ചാന്ത് പോലെ കയറിനിൽക്കും നനഞ്ഞ വരിയലുകൾ ഉള്ള  ഉടൽപ്പാടുകൾ തൊണ്ടിൽ നിന്നും വേർപെട്ട വിധം നാരുകൾ പിരിക്കും ഉടൽ തിരിയൻ റാട്ടുകൾ തോരലുകൾ ഓർത്ത് കിടക്കും തിരിയും ജനാലത്താഴത്തേ മഴത്തുള്ളികൾ വാരിക്കെട്ടിവെക്കും അഴിയും കൊറുങ്കച്ചുരുൾമുടി  അതിലെ ഒന്നാം മിന്നാംമിന്നിച്ചുരുൾ  ആദ്യം ഉണരും പറക്കും പിന്നെ  കൂടെ പറക്കും സ്വപ്നങ്ങളും നനഞ്ഞ കക്ഷത്തിൻ്റെ ചരിവിലെ നനയും നക്ഷത്രക്കണ്ണുകൾ വന്ന് വീഴുന്നത് മിന്നും കഴുകി വിരിച്ചിട്ട തോ...

 വന്ന് വന്ന് ലോകം  കലാകാരന്മാരുടെ   കലാകാരികളുടെ പരാതിപ്പെട്ടിയായി മാറി എന്ന്  നിരന്തരം സങ്കടപ്പെടുന്ന ദൈവത്തിനെ പുകവലിക്ക് മുമ്പിലേക്ക് കൊളുത്തി ഒരു പുകയിലേക്ക് പകർത്തി കെടുത്തുന്ന വെളിച്ചത്തിൽ കണ്ടെത്തുന്ന മനുഷ്യനുണ്ടായിരുന്നു ദൈവം ഒരു കലാകാരനാൽ കൊല്ലപ്പെടും എന്ന് അയാൾ  ഉറച്ച് വിശ്വസിച്ചു അതിനാൽ അയാൾ കലാകാരനായില്ല എന്ന് ഞാനും വിശ്വസിച്ചു എനിക്ക് അയാളുടെ കെടുത്തുനാടകങ്ങളിൽ എരിയുന്ന വേഷം ഇതിനോടകം തന്നെ ദൈവം കൊല്ലപ്പെട്ടിട്ടുണ്ടാകുമോ എന്ന സംശയം എനിക്കോ അയാൾക്കോ ഇടയിൽ കലയാവുന്നില്ല കാണിയും വിരിയുവാൻ പോയ ഒരു പൂവിനെ ചവിട്ടിക്കെടുത്തിയ കാൽ ദൈവം കൊണ്ട് നടക്കുന്നു എന്ന് അയാൾ കരുതുന്നു ഞാനും ദൈവവും  ആ കരുതലിനൊപ്പം നടക്കുന്നു നടക്കുവാനും കെടുത്തുവാനും ഒരേ കാലുകൾ ഉപയോഗിക്കുന്ന മനുഷ്യരെ ദൈവത്തിൻ്റെ കലകൾ അതിശയത്തോടെ നോക്കിനിൽക്കുന്നു അതേ കാൽ  അതേ കെടുത്തുകാലിൻ്റെ പകർപ്പ് ചെരുപ്പുകൾക്കുള്ളിൽ വെച്ചടച്ച് നടത്തങ്ങളിൽ അയാൾ കരുതിയിരുന്നു വെറുതെ അപ്പോൾ അയാൾ  ഉടൽ നടത്തങ്ങളിലേക്ക് പടരും വള്ളിച്ചെടി എന്ന് കരുതും ദൈവം കൂടെ പടരും ദൈവവും കാലുകൾ പക്ഷികളാകുന്നില്ലെങ്കി...

വീഴ്ച്ചകളുടെ ദൈവത്തോട് പൂർണ്ണതയുള്ള ഒരു വഴുക്കൽ ആവശ്യപ്പെടുന്നവരുടെ ദൈവം എന്നമട്ടിൽ ഗൗരവങ്ങളിൽ  തുടരും ദൈവം  വീഴ്ച്ചകളും വിട്ടുവീഴ്ച്ചകളും വഴുക്കലുകളും ദൈവം, നീക്കി നീക്കി വെക്കുന്നു എന്നാൽ ഗൗരവം നീക്കുന്നുണ്ടോ? അതൊട്ടില്ലതാനും! വീഴ്ച്ചകളുടെ കരുക്കളുള്ള ചതുരംഗത്തിൽ, കാലാളുകൾ മാത്രമുള്ള ദൈവം എന്ന ഉപസംഗ്രഹം കളിക്കാരൻ്റെ ഗഹനതകളിൽ എല്ലാ ഇലകളും വഴുക്കിയ മരം എന്നായി വഴുക്കൻ വേരുകൾ വഴുക്കും മരം ഒഴുക്കൻ മട്ടിൽ വഴുക്കലുകളുടെ ഇലയിൽ ഉത്തരം വിളമ്പി ഇരിക്കുന്നു ജനലുകൾ എല്ലാം ഒഴുകിപ്പോയ വീട് അഴികളിൽ   ഭൂതകാലങ്ങളിൽ നിന്നും അറുത്ത് മാറ്റാനാവാത്തവിധം അതിൻ്റെ പിടിച്ചുനിൽപ്പ് ഇന്നലെകളിൽ വഴുക്കൻ തിര ഒഴുക്കൻ കടൽ എന്ന വണ്ണം കടൽത്തീരത്തിനോടടുത്ത തീയറ്ററിൽ മാറ്റിനി കണ്ടിറങ്ങും ദൈവം ഒരു തപ്പിത്തടയൽ പുറത്തേക്കിറങ്ങാൻ നേരം  അരണ്ടവെളിച്ചത്തിൽ ദൈവം കാത്തുവെക്കും ഉറപ്പ് മൺമറഞ്ഞവരുടെ ചിരിയിൽ തങ്ങിനിന്നിട്ടുണ്ടാവണം വെയിൽ ചിതലെടുത്ത വെയിൽ എന്ന വിധം അരണ്ടവെളിച്ചം ചിതലെടുക്കുമ്പോൾ നൃത്തം വെക്കും ചിതൽ ഇപ്പോൾ ചിതലെവിടെ എന്ന് ചിരിക്കും ദൈവം ദൈവത്തിൻ്റെ ചിരിയിൽ നൃത്തം ചിതൽ എന്നിങ്ങനെ ചിതറും ഗൗരവ്വത്ത...

അക്രമികൾക്കും അഴിമതിക്കാർക്കും നിയമം കൈയ്യിലെടുക്കുന്നവർക്കും രാജ്യദ്രോഹം എന്ന കലക്കും നീതി ലഭ്യമാക്കുന്ന വ്യവസ്ഥിതി സാധാരണക്കാരന് ആവശ്യമായ നീതി സാധാരണക്കാരന് ലഭ്യമാകുന്ന നീതി നാണംകുണുങ്ങികളുടെ ഭരണഘടന ഭരണഘടനയിൽ നിന്നും  കാണാതെ പോകുന്ന നാണംകുണുങ്ങികളുടെ സമാന്തര താളുകൾ സാധാരണക്കാരൻ്റെ നിർവ്വചനം മേഘങ്ങളുടെ ഭരണഘടന ഘടനകൾ നഷ്ടപ്പെടുന്ന മേഘം സാധാരണക്കാരൻ്റെ നാണത്തിൽ മേഘങ്ങൾ ഇടപെടും വിധം തൊടാനാവില്ല ഭരണമേഘങ്ങളുടെ ഘടനയാവണം കുട്ടിയുടെ കൈയ്യിൽ പാവ പോലെ മേഘത്തിൻ്റെ കൈയ്യിൽ ആകാശത്തിൻ്റെ പാവ കുട്ടി പാവ മേഘം എന്നിവ  ഒരുമിച്ചെടുത്താൽ കുട്ടി, മേഘത്തേ അതിൻ്റെ കുട്ടിത്തം നിറഞ്ഞ ആകാശത്തെ വിട്ട് തന്നാലും  പാവയേ  ഒരു പക്ഷേ വിട്ടുതരണം എന്നില്ല സാഹചര്യങ്ങളുടെ  പാവയാവാം അവിടെ  ഒരു പക്ഷേ ആകാശത്തിൻ്റെ കുട്ടിക്കാലം അതിൻ്റെ മുട്ടിലിഴച്ചിൽ അതിൻ്റെ ഒരു പിടി മണ്ണ് വാരിത്തിന്നൽ എന്നിവയിലൊന്നും മേഘം പങ്കെടുക്കണമെന്നുമില്ല പങ്കെടുക്കുന്ന സാധാരണക്കാരാ എന്നൊരു അഭിസംബോധന അതാണ് ആകെയുള്ള ആശ്വാസം പിതാവെന്ന കല ഉടൽ എന്ന ഉപന്യാസം ധാരണ എന്ന സന്യാസി ചലനങ്ങളുടെ പരിഭ്രമത്തിൽ പിടിവാശിയുള്ള മേഘം റദ്ദ് ചെയ്...

ഭാഷയുടെ ഭാരമില്ലായ്‌മയിൽ തല വെച്ച് കിടക്കുന്നു ഉണരുമ്പോൾ ഒരു അപ്പൂപ്പന്താടിയേ തുറന്ന് വെച്ച്  പഠിക്കുന്നു ഭാരമില്ലായ്മകൾ കൂട്ടി വെച്ച് ഭാരമുള്ള ഒരു വാക്കിൻ്റെ മടിയിലേക്ക് പിന്നേയും അപ്പൂപ്പന്താടികൾക്കൊപ്പം പറന്നിറങ്ങുന്നു ഭാരമില്ലായ്മയേ ഒരു വേനൽക്കാലം കൂട്ടികൊണ്ട് പോകുന്നു ഒരു കുടുസ്സുമുറി തുറന്ന്  ഒരേസമയം പുറത്തേക്ക് വരും രണ്ട് ഭാരമില്ലായ്മകൾ പിന്നാലെ അവയുടെ കണ്ടുമുട്ടലുകൾ കുടുസ്സുമുറികൾ അവയുടെ ഭാരമില്ലായ്മകൾ എന്ന് പുറത്തേ രണ്ടുചിരട്ടകൾ  ഓളങ്ങൾ കിടന്ന് കിടന്ന് ഭാരമില്ലായ്മകൾ മറികടന്ന്  ഒരു ഭാഷയാകുന്നിടത്ത് ഉടൽ, ഭാരമില്ലായ്മയുടെ കുടുക്കഴിക്കുന്നു തിരകൾ ചരിച്ച് കളഞ്ഞാൽ തീരങ്ങൾ മടങ്ങിപ്പോകലുകളിലേക്ക്  കടലെടുക്കും ടിക്കറ്റുകൾ ഒരു ചിരട്ടയുടെ രണ്ടാമത്തെ ഭാരം മണ്ണ് കൊണ്ട് നിറക്കുന്നു ഉടലിനൊപ്പം മണൽ, നിലത്തുകിടക്കുന്നു ചിരട്ടയുടെ ഒന്നാമത്തെ ഭാരം വായനക്കാരൻ  തൻ്റെ മനസ്സിൽ കൊണ്ട് നടന്നോട്ടെ എന്ന വിചാരം ഇപ്പോൾ കവിതയിൽ അതിൻ്റെ വിരൽത്തുമ്പിൽ വേണ്ട അതിൻ്റെ ഭാരം എഴുത്തുകാരൻ്റെ മനസ്സിലേക്ക് തന്നെ തിരികേ പിടിച്ചുവെച്ച് കവിത പിന്മാറുന്നു മനസ്സിൻ്റെ ഭാരമാണ് ചിരട്ടനിറയേ പച്ചത...

കശുമാവിൻ ജാലകങ്ങൾ ചില്ലകളിൽ തൂക്കി കിളികൾ തുറന്നിടുന്ന വീടുകൾ ഒരു പുലരി അതിന്നും പിന്നിലേക്ക് പിന്നിലേക്ക് പുലരികൾ  മുന്നിലെ പുലരി കിളിക്കും കിളിയിരിക്കും ചില്ലക്കും പിന്നിലാണ് കശുമാങ്ങാ ആകൃതിയുള്ള പുലരിയേ പകലിൽ തൂക്കിയിടുന്നു കൊത്തുകളുടെ തൂക്കം നോക്കി കിളികളേ അയക്കുന്നു കിളികൊത്തലുകൾ കശുമാങ്ങകൾ അകത്തെടുത്ത് വെക്കുമോ അതോ പുറത്തേക്ക് കളയുമോ നോക്കിയിരിക്കുന്നു കിളിക്കൊഞ്ചലുകൾക്ക് മാത്രമായുള്ള ഞായറാഴ്ച്ച തുറക്കുന്ന പോസ്റ്റ്ഓഫീസ് എന്ന് കള്ളത്തരങ്ങൾ മാത്രം  കൊണ്ട് കൊടുക്കും അവളുടെ അണ്ണാറക്കണ്ണൻ പോസ്‌റ്റ്മാൻ വിശേഷങ്ങൾ കുറച്ച് വിശദമായ കത്തുകൾ എന്ന് കാതിൽ കിളികൊത്തലുകൾ

ചിത്രങ്ങൾ കൊണ്ടും നാണം കൊണ്ടും നെയിംസ്ലിപ്പുകൾ അലങ്കരിക്കും കുട്ടി കുട്ടി പേരും കൂട്ടി സ്‌കൂളിലേക്ക് വരുന്നു മഴക്ക് മുമ്പ് നെയിംസ്ലിപ്പുകൾ നനക്കുന്നു  കുട്ടി സ്കൂളിലേക്ക് വരുമ്പോഴും അതേ കുട്ടി സ്‌കൂളിലുണ്ട് ഒരു പക്ഷേ മറ്റൊരു പേരിൽ മറ്റുകുട്ടികൾക്കൊപ്പം നടക്കുമ്പോഴും അവരുമായി കലരുമ്പോഴും നെയിംസ്ലിപ്പിലെ പേര്, കുട്ടിയിൽ പറ്റിപ്പിടിച്ചിരിക്കുന്നു നെയിംസ്ലിപ്പുകൾ സ്‌കൂളിൽ കുട്ടികൾ നെയിംസ്ലിപ്പുകൾ പെയ്യുമ്പോഴും കുട്ടികൾ പേരിൽ കയറിനിൽക്കുന്നു കുട്ടിയും പേരുകളും നനയുന്നു നനഞ്ഞിട്ടില്ല എന്ന കള്ളം,  കുട്ടികളിൽ പിന്നെ നാളേ പിന്നാലെ വരും മറ്റന്നാൾ പനിയാവുമോ? നനയുന്നുണ്ടാവുമോ പ്രായം എത്തിനോക്കുന്നുണ്ടോവുമോ ഉസ്‌ക്കൂളുകളും മറ്റ്അധ്യാപകരും രക്ഷിതാക്കളും  അസ്തമയത്തിൻ്റെ താറാവുകൾ സൂര്യനൊരു കുളമാണെന്ന നുണ കേട്ടിരിക്കുന്നു ജലനുണകൾ മണക്കും മഴ നാരങ്ങാമണമുള്ള ഒരു നുണക്കുഴി മഴ നനക്കാതെ ഒഴിഞ്ഞുപോകുന്നു എല്ലാ മഴകളും ജലത്തിൻ്റെ നുണ  എല്ലാ നുണകളും കഴിഞ്ഞ്, ഒരു കുട്ടി മാത്രം മഴക്ക്, കാത് ചാരുവാൻ കൊടുക്കുന്നു ചാരിവെച്ച കുടക്ക് താഴെ  തുള്ളികൾ നെയ്തെടുത്ത മഴയൊഴുക്ക് നുണക്കുഴിയുള്ള മഴത്തുള്ളിയ...

  ഒരു ടയർ ചരിച്ച് ചക്രത്തിലിടുമ്പോലെ ഡീസൽ മണം രാവി ഒരു വണ്ടിക്കിടുന്നു ഉടലിൻ്റെ ചരിപ്പാണ് ഭ്രാന്തിൻ്റെ രാവലാണ് അതും സമനിലയിലേയ്ക്കിടുവാൻ ഒരു ഉപ്പൻ്റെ നടത്തം അതിൻ്റെ നോട്ടത്തിൻ്റെ കടുംചുവപ്പോടെ കട്ടെടുക്കുന്നു ഒരു നീലപ്പൊന്മാൻ നീല ഓളങ്ങളിൽ ബാക്കിയാവുന്നു എൻ്റെ പക്ഷിക്കിടുവാൻ ഞാൻ പക്ഷിയെ ചരിക്കുന്നു അതിൻ്റെ ആകാശത്തേ ചരിക്കുന്നു അതിൻ്റെ നീലയേ പിന്നാലെ അതിൻ്റെ ശൂന്യതയെ പിന്നെ അവളെ അവൾ പക്ഷിയുടെ ഉടമസ്ഥ അതിൻ്റെ നടത്തം പറക്കൽ എന്നിവ യഥാക്രമം അവൾ വേർതിരിക്കുന്നു  നടത്തം മാത്രം ചരിക്കുന്നു അതിൻ്റെ പരുക്ക് മാത്രം അവൾ മാറ്റിയിടുന്നു എൻ്റെ വേനലിൻ്റെ പക്ഷിയേ അവൾ ആകാശം ജലം ഭാഷ  എന്നിവ കാട്ടി പ്രകോപിപ്പിക്കുന്നു പ്രകോപനമല്ല പ്രലോഭിപ്പിക്കുക എന്നതാണ്  കൂടുതൽ ശരി എന്ന് പിന്നാലെ കൂടി ജലം തിരുത്തുവാൻ ശ്രമിക്കുന്നു ഇന്നലെകൾ  പിന്നിലേക്ക് പിന്നിലേക്ക്  നിലാവിനേ തിരുത്തുന്നു നിരന്തരം തിരുത്തപ്പെടും ചന്ദ്രൻ ഋതുക്കൾക്ക് നടുവിൽ ഒപ്പനവെച്ചിട്ടു പോയവരുടെ കാൽപ്പാടുകൾക്കരികിൽ ഭാഷാപരമായി ദാഹം കൂടുതൽ ആകർഷകമാകുന്നു ഒരു ഭാഷയിലും കൊള്ളാത്ത ജലം ആകാശത്തിലേക്ക് മടങ്ങിപ്പോകുന്നു മെല്ലെ എന്ന വാക...

ഒരോർമ്മയേ ഘടികാരമാക്കും ചുവർ ഭിത്തി ടാപ്പുചെയ്യുന്നു ചിത്രങ്ങളുടെ കറ ചിരട്ടയിൽ ശേഖരിക്കുന്നു ഏകാന്തതയുടെ ചുറ്റിവരലാവണം ഊറി വരും കറ ദുഃഖം ടാപ്പ് ചെയ്യുന്ന മരത്തിൽ ചിരട്ടകൾ ഒരു ഭാഷ അടച്ച്  ഒരു വാക്കിൻ്റെ പരതൽ നിഘണ്ടു എടുത്ത് വെക്കുമ്പോലെ തേടിയതൊന്നും പൂർണ്ണമല്ല എന്ന വിരലിൻ്റെ തോന്നൽ വാക്ക് നീക്കുന്നു നിഘണ്ടു ടാപ്പ് ചെയ്യുന്നു വാക്കിൻ്റെ ചോട്ടിൽ ചിരട്ടകൾ താൻ അതല്ല എന്ന നിഘണ്ടുവിൻ്റെ വീണ്ടുവിചാരം ഒരു സാക്ഷ പോലെ നീക്കാമെന്ന് തോന്നുന്നു വാതിൽ കഴിഞ്ഞ് വാക്കാവും ഉടൽ ഒരു ഇല കുറുകേ ചാടുമ്പോൾ സഡൻ ബ്രേക്കിടും മരം അതിൻ്റെ നിർത്തലുകൾ തോന്നലുകൾ നിർത്തലിൻ്റെ ഉരഞ്ഞ ശബ്‌ദം വേരാകുവാൻ പോകും മണ്ണ് അന്തരീക്ഷത്തിൽ  അധികം വന്ന ആകാശം  എന്നും തീയതികൾ ഉറയൊഴിച്ചിരുന്ന പോലെ മേഘങ്ങൾ പൊങ്ങിക്കിടക്കും ആകാശത്തിൻ്റെ ഒരു കുടം ശൂന്യത നീക്കി നീക്കി വെക്കുന്നു ഭംഗി കൊണ്ട് വിഹ്വലതകളെ കട്ടെടുക്കുന്ന വെണ്ണക്ക് മുന്നിലെ കൃഷ്‌ണനാക്കുന്നു കാത്തിരിപ്പുകളുടെ കൃഷ്ണവിരൽ പരതൽ അത്രയും ശാന്തമായി  ദീർഘമായി നീലിക്കുന്നു ആകാശം നീലനിറങ്ങളുടെ നിഘണ്ടു ഓരോ വിരലിലും അതിൻ്റെ പരതൽ ഓരോ വാക്കും പരതും വിധം പരതലില അനുയോജ്യമായ കാറ്...

1 അവൾക്കിഷ്ടമുള്ള സങ്കൽപ്പവുമായി എൻ്റെ മീനുകളുടെ മൺകുടം അവയുടെ കാത്തിരിപ്പുകളുടെ നീന്തികടപ്പ് കടവിലെ പടവുകൾ  അവൾ നടന്നുകയറുമ്പോൾ അവളുടെ തള്ളവിരലിൽ നിന്നും തെറിക്കും  മീനിൻ്റെ ആകൃതിയുള്ള നിയമങ്ങൾ അവൾ അത് നടന്ന് തെറ്റിക്കും വിധം നീന്തലുകൾ മീനുകൾ ഇട്ടുവെക്കും ജലത്തിൽ നീന്തലുകൾ തെറ്റിക്കുന്ന മീനുകൾ അവളുടെ നടത്തം ജലത്തിൽ തൊട്ടുവരും വിധം അത് പാലിക്കാത്ത മീനുകൾ നീന്തലുകൾ ഉടലിൽ കലർത്തും വിധം മൺസൂൺതണലിൽ കയറി നിൽക്കും മേഘം ഉടലിൻ്റെ വാഴപ്പോളയിൽ ഇട്ട് കെട്ടിവെക്കും ജീവൻ എന്ന വാക്ക് ഇടവപ്പാതിക്കാടിൽ അച്ചടക്കപ്പെയ്ത്തുള്ള ഒരു മൃഗം പതിയേ മഴയാകുന്നതാവണം പകൽ നുറുങ്ങുകൾ പെയ്ത്തനുകൂലികളുടെ പ്രകടനം, മഴയും കടന്ന് പോകുന്നു പെയ്ത്തുടലിനേ,  അതിൻ്റെ അച്ചടക്കത്തേ വീടിനോട് ചേർന്ന് മുറ്റവും വാരിയും  നട്ട് കെട്ടിവെക്കുനിടത്ത് ഓരോ തുള്ളിയേയും മഴ നക്കിത്തുടയ്ക്കുന്നു പാക്കുവെട്ടികൾ  അടക്കനുറുക്കുന്നത് പോലെ  പിന്നെ ഒരു കഷ്ണം മഴ അതിൻ്റെ ഛന്നം പിന്നം അതിൻ്റെ പെയ്ത്ത് നുറുക്ക് ഒരു കഷ്‌ണം ചരിത്രം എന്നിവ  അതിൻ്റെ അരികിൽ മുറിച്ച് വെയ്ക്കുന്നു നടക്കുന്തോറും തിടമ്പ് പെയ്യും കൊമ്പൻ കത്തിച്ച് ...

എഴുത്ത് തീരത്തെ കടൽ എഴുതാനിരിക്കുമ്പോൾ ജനലിനപ്പുറം പ്രത്യക്ഷപ്പെടും കടൽ പിന്നെ അത് എന്നോ ഏതോ  ഒട്ടിച്ചുമറന്ന തപാൽസ്റ്റാമ്പിലേക്ക്  ഇരമ്പം മറന്നുവെച്ച്  അതിൻ്റെ മടങ്ങിപോക്ക് എഴുതാനിരിക്കുന്നവരുടെ കടൽ മടങ്ങിപ്പോകുന്നവരുടെ കടലിനേക്കാൾ കൂടുതൽ ഇരമ്പങ്ങൾ ബാക്കിവെക്കുന്നു കാതോരത്തെ കടലും പകലും ചുണ്ടിന്നോരത്തെ പുഞ്ചിരി രാത്രി, നക്ഷത്രങ്ങൾ ഇട്ടുവെക്കുന്ന പഴ്‌സായിരിക്കുമ്പോഴും രണ്ട് പകലുകൾക്കിടയിലെ കടൽ എന്ന് നടക്കുന്നു പിന്നെ എപ്പോഴോ കിടക്കുന്നു മഴക്കാലരാത്രികൾ ഇട്ടു വെക്കുന്ന അവളുടെ ഭാഷയുടെ പേഴ്സാവും ഞാൻ രാത്രിനാണങ്ങൾ നക്ഷത്രങ്ങളിൽ ഇട്ട് വെച്ച്  പതിവായി ആകാശത്ത് ഉറങ്ങാൻ പോകുന്നവരായിരുന്നു ഉണരുമ്പോൾ പാതിനനച്ച ഉപ്പുരുചിപ്പരലേ എന്ന് മടക്കം നുണയും രണ്ട് കടലുകൾ കുറവ് നക്ഷത്രങ്ങൾ ഉള്ള രാത്രി ഏറ്റവും പഴക്കമുള്ള വസന്തത്തിൻ്റെ ഗൃഹാതുരത്തത്തെ നോക്കിയിരിക്കുന്നു ഏറ്റവും പഴക്കമുള്ള വസന്തത്തിൻ്റെ ഗൃഹാതുരത്തം അതിൻ്റെ നൊസ്റ്റാൾജിയൻമറുകുള്ളവളെ കാണുന്നു അഭിസംബോധനകളുടെ വസന്തമേ എന്ന് അവളേ ഓരോ പൂക്കളും. അവളുടെ ഋതുവിരൽ പരതലിൽ മാഞ്ഞുപോകും പകൽ! 2 ദ്വാരകേ, പ്രതീക്ഷയോളം വലിയ കൃഷ്‌ണനില്ല കടലെടുത്ത് നി...

അത്രയും ശാന്തമായി  തുമ്പിയിരിക്കുന്നതിന്നടിയിലെ  നിമിഷം മോഷ്ടിക്കുന്നു അതും തുമ്പിയേക്കാൾ ശാന്തമായി സമീപിക്കുമ്പോഴുള്ള തുമ്പികളുടെ സഹജമായ വെപ്രാളം തീരെയില്ലാതെ മോഷ്ടിച്ചത് മുതൽ  തുമ്പിക്ക് ചോട്ടിലിരുന്നും  എൻ്റെ കൈവെള്ളയിലിരുന്നും  നിമിഷം തുളുമ്പുന്നു അഥവാ നിമിഷങ്ങളുടെ നിഘണ്ടു തുളുമ്പുന്നു എന്ന വാക്ക്  എത്തിനോക്കും വിധം തുമ്പിയല്ലാ എന്ന കല്ലിൻ്റെ ഭാരം ഓരോ നിമിഷവും ഞാൻ ചുമക്കുന്നു അരക്ഷിതാവസ്ഥകളിൽ നിന്നും ദൈവങ്ങളെ രക്ഷപ്പെടുത്തുന്ന കൽപ്രതിമകളേ എന്നൊരു പ്രാർത്ഥന എനിക്കരികിൽ  അതിൽ അതിലും ശാന്തമായി. ഇപ്പോൾ തുമ്പിയിരിക്കുന്നു 2 ദൈവം കൽപ്രതിമളുടെ നിഘണ്ടു നിമിഷങ്ങളുടെ  തീർത്ഥാടകനാവും മുമ്പത്തെ തുമ്പിയും ഒരു പക്ഷേ  അതേ അനന്തതയുടെ ചിറകുള്ളത് അന്തർമുഖത്വമുള്ളവരുടെ നോമിനീ എന്നൊരു കുത്തുവാക്ക്  തുമ്പിശീലങ്ങൾ മറികടക്കുന്നു അവഗണന തന്നെ മറ്റൊരു കുത്തുവാക്കാകുമ്പോഴും തുമ്പി അതവഗണിക്കുന്നു ധ്യാനവ്യാകരണങ്ങളിൽ ബുദ്ധനും ഭാഷയും തുമ്പിശാന്തതകളിൽ  ജലവും നിമിഷങ്ങളും നിമിഷത്തിലിരിക്കുന്ന തുമ്പി എന്ന്  ബുദ്ധൻ നിരന്തരം, ധ്യാനത്തിലേക്ക് തുളുമ്പുന്നു എനിക്...