പുഴ അതിന്റെതല്ലാത്ത കര വഞ്ചി അതിന്റേത് മാത്രമായ പുഴ വഞ്ചിയുടേതു മാത്രമല്ലാത്ത ഉലച്ചിൽ അതിന്റെ ഇല്ലാത്ത ചുവരിൽ ചില്ലിട്ടു വച്ചിരിക്കുന്ന പുഴയുടെ ചിത്രം ആ ചിത്രത്തിൽ കാണപ്പെടുന്ന ഉണങ്ങിപ്പോയ മരം അതിന്റെ ചില്ലയിൽ പ്രതിഫലിക്കുന്ന ഒരു കിളിക്കൂടിന്റെ രൂപം അതിൽ കിളിയിട്ടു കൂട്ടിയിരിക്കുന്ന വിരിയാത്ത മുട്ടകൾ അടയിരിക്കാൻ മറന്നു പറന്നുപോയ ഏതോ കിളി വഞ്ചി ഉലയാത്ത ഏതോ ദുർബല നിമിഷത്തിൽ എന്തോ ഓർത്തപോൾ പറന്നുവരുന്ന അതേ കിളി ഒരു മീൻ കൊത്തിയെടുക്കുന്നു പറക്കുന്നു പിടയ്ക്കുമ്പോഴും ആ മീൻ വിടാതെ കടിച്ചു പിടിച്ചിരിക്കുന്ന പുഴ അതിൽ ഒന്നും അറിയാതെ നീന്തുന്ന അതേ മീനിന്റെ കുഞ്ഞുങ്ങൾ ഒന്നുലഞ്ഞു അപ്പോഴും അതിലുള്ള അതേ വഞ്ചി ആ വഞ്ചിയിൽ അത് വരെ ഇല്ലാതിരുന്ന ഒരാൾ കട്ടിലിൽ ഉറങ്ങി കിടന്നിരുന്ന ഒരാൾ പെട്ടെന്ന് കട്ടിലിൽ ഒന്നുലഞ്ഞു മുട്ട വീണുടയുന്ന ശബ്ദം കേട്ട് ഞെട്ടിയുണർന്നയാൾ ആ വഞ്ചിയിൽ ഉണ്ടായിരുന്നത് പോൽ എണീറ്റ് ഉറക്കെ വിളിച്ചു പറയുന്നു ഒരാളിറങ്ങണം
'നി'ശ്വാസം ഒരു ചെറിയ ആശ്വാസത്തിന് ...