Thursday, 6 March 2014

വഴിതെറ്റൽ

തെറ്റിച്ചു പെയ്ത
ഒരു മഴയുടെ കിടക്കയിൽ
തെറ്റി കിടക്കുന്നു നമ്മൾ

നനയണോ ഉണങ്ങണോ
എന്ന് ചോദിച്ചു
ഉരുണ്ടു കളിക്കുന്നുണ്ട് 
ഉടലുകൾ

അപ്പോൾ നമ്മളിൽ നിന്ന്
മാറിക്കിടന്ന 
വസ്ത്രവികാരങ്ങൾക്ക്
വെയിൽ തീ 
പിടിപ്പിക്കുകയായിരുന്നു 
ഉള്ളിൽ

നമ്മൾ വലിയ്ക്കാത്ത
ഒരു പുക
വഴി ചോദിച്ചു വഴി തെറ്റി വന്ന
ഉടനെ
വഴി പിഴയ്ക്കുന്നു
നമ്മൾ

ഇനി കണ്ണടച്ച് നമുക്ക്
പ്രാർത്ഥിക്കാം
ഈശ്വരാ
വഴി പിരിയാതിരിക്കട്ടെ 
തമ്മിൽ