Skip to main content

Posts

Showing posts from November, 2017

ഞാനന്തരീക്ഷം

ഞാനന്തരീക്ഷം പിൻമാറ്റത്തിന്റെ കുളമ്പടിയൊച്ചകൾ ഒഴിച്ചിട്ടിരിക്കുന്ന വിഷാദത്തിന്റെ കുതിര എത് നിമിഷവും മൃതദേഹം കൊണ്ട് കഴുതയാക്കപ്പെടാവുന്ന വിവാദത്തിന്റെ കവിത മരണശേഷമുള്ള അലങ്കാരത്തിന്റെ അവശിഷ്ടങ്ങൾ കൊത്തി തിന്നുന്ന കാക്ക സ്വഭാവത്തിന്റെ മേച്ചിൽ പുറങ്ങളിൽ ഒരസ്വഭാവിക മരണം കാത്തുകിടക്കുന്ന പള്ളിമണി ഉയരങ്ങളുമായോ വെച്ച ശബ്ദങ്ങളുമായോ മണ്ണുമായോ യാതൊരു ബന്ധവുമില്ലാത്ത കൊളുത്ത് ദൈവമെന്ന പൊള്ളത്തരത്തിൻ കയറി നിൽക്കുന്ന എന്നിട്ടും എന്ന വാക്കിന്റെ വിശ്വാസി മറവികൊണ്ട് എന്നോ ജീവിതവുമായി ശാരീരികമായി ബന്ധപ്പെട്ട തരിശ്ശിട്ടിരിക്കുന്ന ശ്മശാനത്തിന്റെ വൈഫൈ പേരിന്റെ പരിചയക്കാരനായിട്ടും പ്രായം കൊണ്ട് നാലെന്ന അക്കത്തിന്റെ ജീവിച്ചിരിക്കുന്ന അയൽക്കാരൻ എല്ലാംകൊണ്ടും ഒഴിച്ചിട്ടിരിക്കുന്ന അമാവാസി, പുറത്താക്കപ്പെടുന്നവന്റെ ഞായറാഴ്ച്ച!