സ്നേഹത്തിൻ പ്രലോഭനങ്ങൾ പല വഴിയായി മുന്നിൽ തെളിയുന്നേരം,
അറിയാതെ ഒരെണ്ണം തെറ്റിയകന്നാൽ; അത് മമതെറ്റന്നായി വരികിലും ,
ആ തെറ്റിനോപ്പമെൻദേഹവും ചേർത്ത് എൻ തലമേൽ ചാർത്തികെട്ടി, ത്തള്ളി-
പെരുവഴിയതിലോന്നിൽ; കൊല്ലരുതടിയനെ, പല പെരുവഴികളിലെ
തിരുവഴിയേ!
തെറ്റിച്ചു പെയ്ത ഒരു മഴയുടെ കിടക്കയിൽ തെറ്റി കിടക്കുന്നു നമ്മൾ നനയണോ ഉണങ്ങണോ എന്ന് ചോദിച്ചു ഉരുണ്ടു കളിക്കുന്നുണ്ട് ഉടലുകൾ അപ്പോൾ നമ്മളിൽ നിന്ന് മാറിക്കിടന്ന വസ്ത്രവികാരങ്ങൾക്ക് വെയിൽ തീ പിടിപ്പിക്കുകയായിരുന്നു ഉള്ളിൽ നമ്മൾ വലിയ്ക്കാത്ത ഒരു പുക വഴി ചോദിച്ചു വഴി തെറ്റി വന്ന ഉടനെ വഴി പിഴയ്ക്കുന്നു നമ്മൾ ഇനി കണ്ണടച്ച് നമുക്ക് പ്രാർത്ഥിക്കാം ഈശ്വരാ വഴി പിരിയാതിരിക്കട്ടെ തമ്മിൽ
Comments
Post a Comment