Skip to main content

അധികാര കുറുക്കൻ

സമൂഹത്തിനെ രണ്ടായി മുറിച്ചു ചോര കുടിക്കും
അധികാര കുറുക്കാ
ഒരു മുറിവിൽ തേൻ പുരട്ടി അത്  പാവം ന്യൂനപക്ഷം എന്ന് സ്നേഹത്തോടെ നക്കുമ്പോഴും
മറുമുറിവിൽ ഉപ്പു തേച്ചു ദേ വീണ്ടും ഭൂരിപക്ഷം എന്ന് തലയിൽ
കൈ വക്കുമ്പോഴും
വീണ്ടും ഭൂരിപക്ഷം മുറിച്ചു രക്തം കുടിച്ചു ന്യൂന പക്ഷത്തിനു നീട്ടുമ്പോൾ
ഭൂരിപക്ഷത്തിന്റെ ഓര്മക്കായി ഫോസ്സിൽ ആയി മൂസിയത്തിൽ സൂക്ഷിക്കനെങ്കിലും ഒരു എല്ലിൻ കഷ്ണം വിട്ടു തരണേ കൗശല വീരാ!

മുറിച്ചു വിഭജിച്ചു ചോര തീരുമ്പോൾ ന്യൂന പക്ഷം ഭൂരിപക്ഷം ആകുമ്പോൾ അന്ന് എല്ലാ ഭൂരിപക്ഷ ചെന്നായ്ക്കും ആട്ടിന്കുട്ടിയോട് തോന്നുന്ന സംരക്ഷണ സ്നേഹം
അറിയാതെ തോന്നിയാൽ സംരക്ഷിക്കാൻ ഭൂരിപക്ഷം തയ്യാറായാലും സംരക്ഷിക്കപെടാൻ ന്യൂനപക്ഷം നീ ബാക്കി വച്ചില്ലെങ്കിലോ? 

Comments

  1. സഖേ ... വാക്കുകളില്‍ ഒളിച്ച് വയ്ക്കുന്ന രീതിയാണെപ്പൊഴും
    നമ്മുക്ക് നമ്മുടെതായ രീതിയില്‍ വായിച്ചെടുക്കാനാകുന്നത് .
    പറയാനുള്ളതിനേ വ്യക്ത്മായി പറയുമ്പൊഴും , അതില്‍ -
    കൗശലത്തിന്റെ കൈയ്യടക്കമുണ്ട് , ഒരൊ വരികളിലും ..!
    പണ്ട് ബ്രട്ടീഷ് കാര്‍ തന്ന് പൊയ വിത്തുകള്‍ വളരെ
    സമര്‍ത്ഥമായി ഇന്നും ഭരണ വര്‍ഗ്ഗം ഉപയോഗിക്കുന്നുണ്ട്
    അതില്പെട്ടു പൊകുന്ന അനേകം സാധാരണ മനുഷ്യരുമുണ്ട് ..
    ഇന്നിന്റെ ന്യൂനപക്ഷം നാളെയുടെ ഭൂരിപക്ഷമാകുമ്പൊള്‍
    സന്തുലിതമായ പലതും പൊട്ടി തകരുമ്പൊഴും , കസേര മാത്രം സ്വപ്നം കണ്ട്
    തീര്‍ക്കുന്ന മനസ്സിലേ വലിയ വിടവുകള്‍ക്ക് കാലം മാപ്പ് കൊടുക്കില്ല ..!
    കൂടുതല്‍ പറയുന്നില്ല , അതെന്റെ മനസ്സിലുണ്ട് , അതെന്റെ മിത്രത്തിലേക്ക് -
    സംവേദിക്കപെട്ടു എന്ന ഉത്തമ വിശ്വാസ്സത്തോടെ ..!

    ReplyDelete
    Replies
    1. റിനി ഈ പ്രീണനം ഈ ഭൂമിയിൽ ഇല്ലായിരുന്നെങ്ങിൽ എനിക്കെന്റെ ഗാന്ധിജിയെ നഷ്ടപെടില്ലായിരുന്നു, സ്വതന്ത്ര ഇന്ത്യയിലെ പ്രീണനത്തിന്റെ ആദ്യ ഇര ആണ് ഗാന്ധിജി, ഗാന്ധിജിയുടെ കൊലയാളിയെ തൂക്കിലേറ്റി നാം ആ വല്യ നഷ്ടം എന്ത് ലളിതമായി മറന്നു. ഇന്ന് മദനി തടവറക്കുള്ളിൽ, ഒരു ജീവിത കാലം തടവറക്കുള്ളിൽ ഒരു മനുഷ്യനെ തീവ്ര വാദി എന്ന് മുദ്ര കുത്തി തള്ളി പിന്നെ എന്നെങ്കിലും നിരപരാധി എന്ന് കണ്ടെത്തി പുറത്തു വിടുമ്പോൾ, നാം ചിന്തിക്കുന്നില്ല, എന്ത് കൊണ്ട് ഒരാൾ തീവ്ര വാദി ആകുന്നെന്നു. രോഗിക്ക് മരുന്ന് കൊടുത്തു ശിക്ഷ കൊടുത്തു ജീവിതം നശിപ്പിക്കുമ്പോൾ, രോഗം നമ്മൾ കുത്തി വക്കുന്നതാണെന്ന് നമ്മൾ എത്രപേർക്കറിയാം? ഇന്ന് രാജ്യം നക്സലിസതിന്റെ ഭീഷണിയിൽ എന്ത് കൊണ്ട് എന്നുള്ളതല്ല? അവരെന്തിനു എന്നാണ് നമ്മുടെ ചോദ്യം, ഖനി കളിലെ അഴിമതി, കല്ക്കരി പാടം, ഗോവയിലെ കോർപ്പറേറ്റ് മൈനുകൾ ഇതെല്ലം നമ്മുടെ വിഭവങ്ങളാണ് അത് അനുവദിച്ചു വഴി വിട്ടെന്ന് ഞാൻ അല്ല പറയുന്നത് C A G ആണ് പറയുന്നത് അയാളുടെ കണ്ണില കുത്തി വിട്ടതല്ലാതെ, അയ്യോ അതിൽ എന്തോ ശരി ഇല്ലേ എന്ന് ആരു നോക്കി? കോടതി നോക്കി സത്യം പക്ഷെ ഭരണത്തിൽ ഇരിക്കുന്നവൻ അവൻ അല്ലെ നോക്കണ്ടത്. ഇപ്പൊ എല്ലാവരും പറയുന്നു രാജി വച്ച മന്ത്രി നല്ലവനായിരുന്നു അയാളെ തിരിച്ചെടുക്കണം അയാൾ ഒരു പാട് നല്ല കാര്യങ്ങൾ ചെയ്തിട്ടുണ്ട്! ശെടാ ഇത് പോലെ നല്ല കാര്യം ചെയ്യാനല്ലേ തിരഞ്ഞെടുപ്പ് മാമാങ്കവും, മന്ത്രി മന്ദിരം മോടി പിടിപ്പിച്ചു സത്യപ്രതിഞ്ഞ എന്നാ ആത്മ വഞ്ചനയും നടത്തി നിന്നെ അവിടെ പ്രതിഷ്ടിച്ചത്? പിന്നെ ചെയ്തെന്നു പറയുന്നത് ഔദാര്യം എന്ന് നമ്മളെ പഠിപ്പിക്കുന്നത്‌ കാണുമ്പോൾ

      നന്ദി റെനി ഒരു പാട് ഒരു പാട് കാണുമ്പോൾ പറഞ്ഞുപോകുന്നു റിനി ..ഈ സംവേദനത്തിന് ഒരു ആശ്വാസത്തിന്റെ സുഖമുണ്ട് ആശ്വസിചോട്ടെ അതിനല്ലേ നമ്മുക്ക് പറ്റൂ, പ്രതികരിക്കാൻ പരിധികൾ ഉള്ള നമ്മുടെ നാട്ടിൽ

      Delete
    2. ആരൊട് പറയാന്‍ ആണ് .. ഇങ്ങനെയുള്ള ഇത്തിരി മനസുകള്‍
      ഉണ്ടെന്നുള്ളത് തന്നെ ആശ്വാസ്സം , നന്മ വറ്റാത്ത ഈ ചിന്തകള്‍ക്ക്
      കാലം കൂട്ടിരിക്കട്ടെ എന്ന പ്രാര്‍ത്ഥനകള്‍ ..
      വീണ്ടും വീണ്ടും കൊണ്ട് കുത്തി കൊടുക്കാന്‍
      കാണിക്കുന്ന ആര്‍ജവം മതി , ഒന്ന് മാറി ചിന്തിക്കാന്‍
      നമ്മുക്കെല്ലാം പരിചിതമായിരിക്കുന്നു , ഇപ്പൊളൊന്നും
      നമ്മേ ഏശാതായിരിക്കുന്നു . വിധിയെന്നു കരുതി സമാധാനിക്കാം
      അല്ലാതെ മറ്റെന്തു ചെയ്യാനല്ലേ ..?

      Delete
  2. കാണരുത്
    കേള്‍ക്കരുത്
    മിണ്ടരുത്


    എന്നാല്‍ സര്‍വം സുഖം

    ReplyDelete
  3. അതിന്റെ അടിയിൽ ഇനി ഒന്ന് കൂടി ഇനി എന്നാണാവോ എഴുതി ചേര്ക്കുക അതിനു വേണ്ടി കാത്തിരിക്കുകയ ഞാൻ ഇപ്പൊ

    "ജീവിക്കരുത്"

    അപ്പോൾ സമാധാനമായി മരിക്കുകയെങ്കിലും ആവല്ലോ

    ReplyDelete

Post a Comment

ജനപ്രിയ പോസ്റ്റുകൾ

പിന്നിലേക്കെടുപ്പ്

തിരകളുടെ തടി കയറ്റിയ  ലോറി കണക്കേ ഒന്ന് മുന്നോട്ടെടുത്തു കടൽ മുറുക്കങ്ങൾക്ക് പിറകിൽ തിരകൾക്ക് മുകളിൽ കയറിനിന്ന് ചിലയ്ക്കും  പക്ഷിയാവും ഭാഷ അതിൻ്റെ ചിറക് വൃത്തിയാക്കും  പക്ഷി കണക്കേ തൻ്റെ ഓരോ തിരകളും  ജലകൊക്ക് കയറ്റി, വൃത്തിയാക്കി കിടക്കും കടൽ   തൻ്റെ ഓരോ ചലനത്തിനും  മുകളിൽ കയറിനിന്ന് കടൽ അതിൻ്റെ ചിനപ്പ് ചികയുന്നു നനപ്പ് കുടയുന്നു അരികിൽ, സുതാര്യത നോക്കി പിന്നിലേക്കെടുക്കും ജലം ലീപ്പ് ഈയറിൻ്റെ ചാലിലൂടെ  ഒഴുകിപ്പോകും ഫെബ്രുവരി നോക്കിനിൽക്കേ കലയായി  ചന്ദ്രനെ കയറ്റിയ ആകാശം, ഒന്ന് പിന്നിലേക്കെടുക്കുന്നു ഒന്ന് പിന്നിലേക്കെടുക്കും, പെരുന്നാളും അവയുടെ  പിന്നിലേക്കെടുക്കുന്നുണ്ടാവുമോ വഴിയരികിൽ വീടുകൾ അതിലെ ഏതെങ്കിലും പ്രിയപ്പെട്ട ജനാലകൾ പിന്നിലെ രാത്രി ധ്യാനത്തിൻ്റെ സൈഡ് വ്യൂ  മിററിൽ നോക്കി  അതിൻ്റെ നിശ്ചലത പിന്നിലേക്കെടുക്കും ഓരോ ബുദ്ധശിൽപ്പവും ഒരു പക്ഷേ നിശ്ചലതയ്ക്കും പിന്നിലേയ്ക്ക് തീർച്ചയായും ഉണ്ട്,  പിന്നിലേക്കെടുക്കാവുന്ന നിശ്ശബ്ദതകൾ കുയിലുകൾ കൃത്യമായി  അവയുടെ പുള്ളികൾക്കരികിൽ, കൂവും മുമ്പ് ചെയ്ത് വെയ്ക്കുന്നത് ഞാൻ എൻ്റെ ഉടൽ പിന്നിലേക്കെടുക്കുന്നു ഒരു പക്ഷേ ചെയ്ത  എല്ലാ ആദിമരതികളും അതിൽ പ

വികാരനിർഭരമായ ഒരു വിടവാങ്ങൽ

കണ്ഠം ഇടറുമ്പോഴും രാവ് ഒരു പൂവാണെങ്കിൽ സന്ധ്യ അതിന്റെ മൊട്ടാണെന്ന് ഭംഗിവാക്ക് പറഞ്ഞു പിരിയാതെ നിന്നത് ഒരു മൈക്ക് ആകണം കൊളുത്തിയിടപ്പെട്ടത് കൊണ്ട് മാത്രം കൈകൂപ്പി തൊഴുതപ്പോഴും പിടച്ചിട്ടും അണയാതെ കത്തിനിന്ന ദീപമൊരു നിലവിളക്കാകണം കാലിടറുമ്പോഴും നിർത്തിയിട്ടിരുന്ന ഒരു മരത്തിന്റെ ചോട്ടിലേയ്ക്കു കൈപിടിച്ചു കൊണ്ട് വിട്ടത് എന്നോ വിരമിച്ച നരച്ചൊരു പോക്കുവെയിലാകണം പിരിയുമ്പോൾ നിറഞ്ഞ വയസ്സായ കണ്ണിൽ കണ്ണീരിന്റെ കണ്ണട വച്ച് നോക്കിയിട്ടും കാഴ്ചകൾ ഒന്നും തെളിയാതെ നിന്നപ്പോൾ അകലെ നിന്ന് കൈവീശികാണിച്ചതായി തോന്നിയതൊരു ചാറ്റൽ മഴയാകണം അപ്പോൾ കരയുവാനാവാതെ കവിളിൽ തൊട്ടുതലോടിയത് ഒഴുകുവാനാകാതെ തളർന്നു കിടന്നുപോയൊരു  വാതം പിടിച്ച  പുഴയാകണം അപ്പോഴും ഒരു ഈശ്വര പ്രാര്ത്ഥന മുഴക്കിയതായി തോന്നിയത് മഴ മറൊന്നൊരു പഴകിയ വേഴാമ്പലാകണം കാത്തു കിടന്നു മുഷിഞ്ഞപോലെ അവസാനം സമയത്തിന്റെ വിരലുപിടിച്ചു സാവകാശം നിഴലിലേയ്ക്ക് നടന്നകന്നത് സ്വന്തമായി നട്ട ഏതോ മരത്തിന്റെ ഉണങ്ങിയ തണലാകണം എന്നിട്ടും പോകേണ്ടത് എങ്ങോട്ടേയ്ക്കാണെന്നു അറിയാതെ ഇല്ലാത്ത ഒരു രാത്രി വണ്ടിയ്ക്കു ഒറ്റയ്ക്ക് കാത്തു ന

റമദാൻ പുണ്യം

ആകാശം വിശ്വാസിക്ക് സ്നേഹത്തിന്റെ സീമയായ് മേഘം പള്ളിയായി വിശ്വാസിക്ക് തണലുമായ് പിറയായ് നോമ്പായ് സഹനം സ്നേഹമായ് റമദാൻ വൃതമായ്‌ പുണ്യ വിശ്വാസ മാസമായി മനസ്സും ശരീരവും അവനിൽ അർപ്പിച്ച് അവനിയിൽ മോക്ഷം അള്ളാഹു മാത്രമായി മക്കത്തു ഹജ്ജ് സുന്നത്തും മാർഗമായ്‌ ഇഹത്തിലും പരത്തിലും അവൻ നാമം മാത്രമായ് റജബിലും ശഅബാനിലും  നേട്ടങ്ങൾ ഏകി നവമാം മാസത്തിൽ പഞ്ചചര്യയിൽ ഒന്നുമായ്‌ റമദാൻ മാസം വിശുദ്ധമായ് പ്രാർത്ഥനയായ്‌ നന്മകൾ എന്നും ചൊരിയുന്ന  നേരമായി