Skip to main content

മലയാളി..ചില..അപവാദങ്ങൾ


ഞാനൊരു പാവം മലയാളി
മലയാളം അറിയാത്ത മലയാളി
മലയാളം അക്ഷരം 56 ഓ 58
മേൽ വിലാസം ചോദിക്കുമ്പോൾ
മാല പൊട്ടിക്കുമോ എന്ന് പേടിക്കുന്ന മലയാളി
എന്നാൽ മാലപോട്ടിക്കുന്നവന് വീടിന്റെ മേൽ വിലാസം പറഞ്ഞു കൊടുക്കുന്ന മലയാളി
ഹോട്ടലിൽ പോയി ഡിന്നർ കഴിച്ചിട്ട് വീട്ടില് വന്നു കലം ചിരണ്ടുന്ന മലയാളി
ആറു മാസം മുമ്പ് ടിക്കറ്റ്‌ എടുത്താലും വിമാനത്തിൽ കേറാൻ ഓടിപിടിച്ചെത്തുന്ന മലയാളി
താമസിച്ചു കേറിയാലും കേറിയിട്ടു ഹോ എന്റെ മിടുക്കെന്നു ആശ്വസിച്ചു ദീർഘമായ് നിശ്വസിക്കുന്ന മലയാളി
പിന്നെ താമസിച്ചു വരുന്നവന്റെ മുഖത്ത് നോക്കി ഇവനൊക്കെ സമയത്ത് വന്നൂടെന്നു ചോദിക്കാതെ ചോദിക്കുന്ന മലയാളി
ഗ്രാമവും കുളവും കിണറും ചക്കയും മാങ്ങയും പഴവും വീടും കുടുംബവും അപ്പൂപ്പനും അമ്മൂമ്മയും ഭിക്ഷക്കാര് പോലും  കേരളത്തിലെ ഉള്ളെന്നു വിശ്വസിക്കുന്ന മലയാളി
സന്ധ്യ ആയാൽ മദ്യം മണക്കും മലയാളി
വണ്ടിക്കു സൈഡ് കൊടുക്കാൻ മടിക്കും മലയാളി

ഹർത്താൽ എന്ന് കേട്ടാൽ വായിൽ വെള്ളം ഊറും മലയാളി
വകയിലൊരു അമ്മാവനും മരുമോളും ഉള്ള മലയാളി 

അടുത്തിരിക്കുന്ന യാത്രക്കാരന്റെ തോളത് അവനു ഇഷ്ടപെട്ടില്ലെങ്ങിലും സുഖമായി ചാരി വച്ച് ഉറങ്ങാൻ ഇഷ്ടമുള്ള മലയാളി
അവൻ തട്ടി വിളിക്കുമ്പോൾ ഒരു ഇളിഭ്യ ചിരി ചിരിച്ചു മയക്കുന്ന മലയാളി
ആരെങ്കിലും മുങ്ങിപ്പോയാൽ ജീവൻ നോക്കാതെ കൂടെ ചാടുന്ന മലയാളി(നീന്താൻ അറിയില്ലെങ്ങിലും)
വണ്ടി ഇടിച്ചു റോഡില കിടന്നാൽ തിരിഞ്ഞു നോക്കി കടന്നു പോകുന്ന മലയാളി
ഒരു നേരത്തെ ആഹാരം കൊടുതില്ലെങ്ങിലും 3 നേരം കള്ള് വാങ്ങി കൊടുക്കാൻ മടിയില്ലാത്ത മലയാളി
ആരെങ്കിലും പിടിച്ചു നിർത്തിയാൽ ഓടിച്ചിട്ട്‌ ആള്കൂട്ടതിനിടയിലൂടെ എത്താത്ത കൈ നീട്ടി അടിക്കും മലയാളി
പെണ്ണിനെ തോണ്ടിയാൽ നോക്കി നിക്കും മലയാളി
ഒറ്റൊക്കൊരു പെണ്ണിനെ അസമയത് കണ്ടാൽ നോക്കി വളക്കും മലയാളി
വിമാനവും ആനയും മദാമ്മയേയും തിരിഞ്ഞു നോക്കും മലയാളി
കുറ്റം പറഞ്ഞാലും വോട്ടു ചെയ്യും മലയാളി
ഓർമ ശക്തി അഞ്ചു വര്ഷം മാത്രമുള്ള മലയാളി
അഴിമതിയെ കുറിച്ച് തെറി പറഞ്ഞു ഇതാ ഒരു സന്തോഷത്തിനു കൈ മടക്കു കൊടുക്കും മലയാളി
മക്കളായാൽ അവർ മംഗലശ്ശേരി നീലകണ്ഠൻ നു പഠിക്കണം എന്ന് ആഗ്രഹിക്കുന്ന ചിലരും മലയാളി (ദേവാസുരം സിനിമയുടെ ശില്പികളോടെ കടപ്പാട്)

ഒരു അഭിനന്ദനം  പറയാൻ മടിച്ചു നില്കും മലയാളി
പക്ഷെ ഒരു അഭിപ്രായം കേൾക്കാൻ കൊതിച്ചു നില്കും മലയാളി

കയ്യിലെ കാശു കൊടുത്തു ക്യൂ നിന്ന് ഇടിച്ചിട്ടു പടം കണ്ടു ഇവനൊക്കെ വേറെ പണി ഇല്ലേ എന്ന് ഉറക്കെ ചോദിക്കും മലയാളി
പണി ഇല്ലാത്തവന്റെ കയ്യിൽ ഇഷ്ടം പോലെ പണം ഉള്ള മലയാളി
പണി  ഉള്ളവന് കയ്യിൽ കാശില്ലാത്ത മലയാളി
ഒരാവശ്യം വന്നാൽ സ്വന്തം കാര്യം മറന്നു ഓടി വരും മലയാളി
സ്നേഹവും ആത്മാര്തതയും മനസ്സാന്നിധ്യവും ഉള്ള പാവം മലയാളി
വംശ നാശം വന്നിട്ടും പിടിച്ചു നില്കും മലയാളി
ലിസ്റ്റ് അപൂർണ്ണം..എന്നാലും മലയാളി മലയാളി തന്നെ എന്നും നല്ലവനായ മലയാളി


Comments

  1. ആചാര്യന്‍15 May 2013 at 21:39

    പണി ഇല്ലാത്തവന്റെ കയ്യിൽ ഇഷ്ടം പോലെ പണം ഉള്ള മലയാളി
    പണി ഉള്ളവന് കയ്യിൽ കാശില്ലാത്ത മലയാളി
    ഒരാവശ്യം വന്നാൽ സ്വന്തം കാര്യം മറന്നു ഓടി വരും മലയാളി
    സ്നേഹവും ആത്മാര്തതയും മനസ്സാന്നിധ്യവും ഉള്ള പാവം മലയാളി
    വംശ നാശം വന്നിട്ടും പിടിച്ചു നില്കും മലയാളി
    ലിസ്റ്റ് അപൂർണ്ണം..എന്നാലും മലയാളി മലയാളി തന്നെ എന്നും നല്ലവനായ മലയാളി

    ReplyDelete
    Replies
    1. ബൈജു മണിയങ്കാല 16 May 2013 at 08:18

      ആചാര്യന് വന്ദനം .നന്ദിയോടെ....

      Delete
  2. Nidheesh Varma Raja U3 June 2013 at 17:50

    ബ്ലൊഗ്ഗ് മലയാളി

    ReplyDelete
    Replies
    1. ബൈജു മണിയങ്കാല 3 June 2013 at 22:49

      വായനക്കും പ്രതികരണത്തിനും പ്രോത്സാഹനത്തിനും നന്ദി നിധേഷ്

      Delete
  3. Unknown11 July 2013 at 12:03

    വളരെ ശരിയാണ്ണിതോകേയ്

    ReplyDelete
    Replies
    1. ബൈജു മണിയങ്കാല 12 July 2013 at 14:25

      രാജിവ് വളരെ നന്ദി വായനക്കും അഭിപ്രായത്തിനും

      Delete

Post a Comment

ജനപ്രിയ പോസ്റ്റുകൾ

നെടുവീർപ്പിൻ്റെ വിത്ത്

ശ്വസനത്തിൻ്റെ വിത്തുകൾക്കിടയിൽ നെടുവീർപ്പിൻ്റെ വിത്തുകൾ മാത്രം കിളിർത്ത് വരുന്നത് നോക്കിയിരിക്കുകയായിരുന്നു  പക്ഷിയും അതിൻ്റെ കൊത്തലും ഞാൻ ആയുസ്സിൻ്റെ പക്ഷിക്ക് ശ്വാസം നീട്ടിയിട്ട് കൊടുക്കുന്നു പക്ഷി ശ്വാസം കൊത്തി തിന്ന് ആയുസ്സ് നീട്ടുന്നു കണ്ണ് കൊണ്ട് നോക്കുന്നു മണ്ണ് മണ്ണ് എന്ന് അത് വീണ്ടും വീണ്ടും ആഞ്ഞ് കൊത്തുന്നു കൊത്തുകളുടെ വീണ്ടെടുപ്പാണ് എൻ്റെ പക്ഷി അത് തൂവലിൽ ഇട്ടുവെക്കുന്നു വെന്നേയുള്ള ബ്ലാക്ക്ആൻവൈറ്റിൽ ധ്യാനിക്കുന്ന ബുദ്ധനെ ഒരു ഗൃഹാതുരത്തം തട്ടിമറിച്ചിടും പോലെ ചീവിടുകളുടെ ഒച്ച ഇട്ടുവെക്കും തകരപ്പാട്ട മറിയുന്നു നീലനിറത്തിൽ ധ്യാനിക്കുന്ന ബുദ്ധനെ ഒരു പർപ്പിൾ പൂവ് ശംഖുപുഷ്പത്തിൻ്റെ ചോട്ടിൽ നിന്നും ശാന്തമായി  കണ്ടെടുക്കുന്നു ബുദ്ധൻ്റെ കാലിൽ തട്ടിമറിയുന്ന ഗൃഹാതുരത്തത്തിൻ്റെ പൂക്കൾ നിലത്ത് ഋതുക്കൾ യശോദര എന്ന് പൂവ് ധ്യാനിക്കുന്നില്ല അത് വിരിയുക മാത്രം ചെയ്യുന്നു എനിക്ക് മാനത്തിൻ്റെ ഗൃഹാതുരത്വത്തിലേക്ക്  ഒരു നെടുവീർപ്പ് മാത്രം എടുത്ത് പൊട്ടിവീഴുവാൻ തോന്നുന്നു മിടിപ്പുകളുടെ കാടിൽ നിന്നും ഇനിയും പുറത്ത് കടക്കാത്ത ഹൃദയം ഉടലിൽ മൃഗം പോലെ പതുങ്ങുന്നു നെടുവീർപ്പുകൾക്ക് എതിരേ ചാട...
Post a Comment
Read more

എൻ്റെ ഒന്നാമത്തെ ഏകാന്തത അതിൻ്റെ രണ്ടാമത്തെ ഏകാന്തതയോട് തെളിവ് ചോദിക്കുന്നു

എൻ്റെ ഒന്നാമത്തെ ഏകാന്തത എന്ത് ചെയ്യുന്നു? ഒന്നുമില്ല, അത് എൻ്റെ രണ്ടാമത്തെ  ഏകാന്തത എന്ത് ചെയ്യുന്നു എന്ന്  എത്തിനോക്കുക മാത്രം ചെയ്യുന്നു രണ്ടും മൂന്നും ഏകാന്തതകൾ ഒന്നും ചെയ്യുന്നില്ല എന്നിട്ടും എൻ്റെ രണ്ടാമത്തെ ഏകാന്തത നിൻ്റെ ഒന്നാമത്തെ ഏകാന്തതയെ അനുഗമിക്കുക മാത്രം ചെയ്യുന്നു അനുകരിക്കുവാനാകാത്ത ഒരേകാന്തത നീ കൊണ്ട് നടക്കുന്നു എന്ന് തോന്നിയിരുന്നു എൻ്റെ കാണാതെപോയ ഒരേകാന്തതയേ നിൻ്റെ രണ്ടും മൂന്നും ഏകാന്തതകൾ, അവയുടെ നിഗമനങ്ങൾ,  തിരഞ്ഞ് പോയിട്ടുണ്ടാവണം 2 ഒരു പ്രണയ ഗാനത്തിൽ കമിതാക്കൾ  പ്രണയവും ഗാനവുമായി ഒരകലം വേണുനാഗവള്ളിമുഖമുള്ള ഏകാന്തത പാലിക്കുന്നത് പോലെ നീ എൻ്റെ അനേകം ഏകാന്തതകളുടെ പാലക ഏറ്റവും അവസാനം അനുഭവപെട്ട ഒരേകാന്തത, അതിൻ്റെ ഒരു ശരിപ്പകർപ്പ് എൻ്റെ ഉടൽ കൊണ്ടുനടന്നിരുന്നു കാലവുമായുള്ള അതിൻ്റെ അകലം പ്രണയമാവുന്നു ഒരു പരിമിതിയാവുന്നില്ല ഇരുട്ട്  ഉടലിൻ്റെ സ്‌ക്രീൻഷോട്ട്, സ്വതന്ത്രഏകാന്തത എന്നൊക്കെയുള്ള അതിൻ്റെ വിലയിരുത്തലുകൾ നിലാവുമായി ഇടകലർന്ന് ഉടൽ അതിൻ്റെ പരിധി ലംഘിക്കുന്നത് പോലെ ഇരുട്ടിൻ്റെ പരിമിതികൾ  പരമാവധി ഇട്ടുവെക്കാവുന്ന  ഒന്നാവുകയാവണം ചന്ദ്രൻ ...
Post a Comment
Read more

മൂളലിൻ്റെ മെനു

നിങ്ങളുടെ കാതുകൾ കലണ്ടറിലെ  രണ്ട് താളുകളാണ് അഥവാ മാസങ്ങൾ വേനലിനെ കേൾക്കുകയാണ് വേനൽക്കാലം കാലികളല്ല അവയുടെ കഴുത്തിൽ  കിലുങ്ങുന്ന കുടമണികളില്ല ആരേയും ഹിപ്നോട്ടൈസ് ചെയ്യുന്നില്ല വേനൽ അത് എഴുതുവാൻ നിങ്ങൾ  ഒരു കാലത്തും ഒരു സമൂഹത്തിലും നിലയും വിലയുമില്ലാത്ത കവിയുമല്ല അന്തസ്സുള്ള ജനതയാണെന്ന് നിങ്ങൾ എന്ന് ബോധ്യപ്പെടുത്തുവാനുള്ള ഏതോ ഭരണാധികാരിയുടെ ശ്രമത്തേ ഭരണം എന്ന് വിലയിരുത്തുവാൻ ആത്മാർത്ഥമായി ശ്രമിച്ചിട്ടുണ്ടാവണം നിങ്ങൾ അന്തസ്സുള്ള ആകാശം ഓരോ വ്യക്തികൾക്കും ഉണ്ടെന്ന് നിയമം മൂലം അത് ഓരോ വ്യക്തികൾക്കും ഉറപ്പ് വരുത്തണം എന്ന് നിങ്ങൾ  ആഗ്രഹിക്കുന്നുണ്ട്. അന്തസ്സിനുള്ള അവകാശം അന്തസ്സിനുള്ള നിയമം സാധാരണ ജനം എന്ന നിലയിൽ ഒരു പൗരന് എന്തിനാണിത്രയും അന്തസ്സ് എന്നോർത്ത് ഓരോ പൂക്കളും കായ്കളും പൂക്കുന്നു കായ്ക്കുന്നു കൊഴിയുന്നു എന്ന് ആരോ കരുതിയിട്ടുണ്ട് ഉറപ്പ് ധർമ്മം എന്നത് ഒരു പരിഗണനാ വിഷയമേ അല്ലാതായിട്ടുണ്ട് ധർമ്മം എന്നത് ഭിക്ഷ പോലെ നിങ്ങൾക്ക് മുന്നിൽ കൈനീട്ടുന്ന എന്തോ ഒന്ന് ആയത് എന്ന് മുതൽക്കാണ് അന്തസ്സിന് വേണ്ടിയുള്ള അപേക്ഷ അതിന് വേണ്ടിയുള്ള കൈനീട്ടൽ യാചിച്ച് കിട്ടിയ ഭിക്ഷ പോലെ അന്തസ്...
Post a Comment
Read more