Skip to main content

മഴ ഉപ്പിലിട്ട കടൽഭരണി

കടൽ
മണ്ണിന്റെ ഉടലുള്ള
സംഭരണിയാണെന്നും  
എപ്പോഴും
ഉടഞ്ഞുതകരാവുന്ന
ഒരു മണ്‍ഭരണി    

അതിലുള്ളതെല്ലാം
എപ്പോഴും
പൊട്ടിഒലിക്കാം
ഭൂലോകം മുഴുവനും
തകർന്നടിയാം

ഇപ്പോൾ
ആ ഭരണിയിൽ
കേടാകാതിരിക്കുവാൻ
ഉപ്പിലിട്ടു
സൂക്ഷിച്ചിരിക്കുന്നു
നല്ല ഋതുക്കളിൽ
മേഘങ്ങളിൽ
കായ്ച്ച
കൊതിയൂറും
വാടാത്ത മഴക്കനികൾ

അധ്വാനിച്ച
വിയർപ്പുപ്പിൽ
ശരീരം കേടാകാതെ
സൂക്ഷിക്കേണ്ട
മനുഷ്യൻ

എന്നിട്ടും
കടലുപ്പ്‌ വാരി

അത് തിന്നു

കടലും ഉടലും
കടലാസ് പോലെ
ഉപയോഗിച്ച്
എഴുതിതള്ളിക്കളയുന്നു 
Labels:

Comments

  1. വീകെ29 October 2013 at 15:08

    കടൽ എല്ലാം ഉപ്പിലിട്ട് സൂക്ഷിച്ചിരിക്കാണല്ലെ, നാളത്തെ ഉപയോഗത്തിനായി...
    ആശംസകൾ....

    ReplyDelete
    Replies
    1. ബൈജു മണിയങ്കാല 30 October 2013 at 22:50

      വി കെ വളരെ നന്ദി ഈ അഭിപ്രായത്തിനു വായനക്ക്

      Delete
  2. Mukesh M29 October 2013 at 15:33

    ഉപ്പിലിട്ടുവെച്ചതൊക്കെ ഏറെക്കാലം നിലനില്‍ക്കട്ടെ !!
    ഭരണികള്‍ ഉടയാതിരിക്കട്ടെ !!
    ആശംസകള്‍.

    ReplyDelete
    Replies
    1. ബൈജു മണിയങ്കാല 30 October 2013 at 22:50

      നന്ദി സുഹൃത്തേ ഓരോ ആശംസകളും വളരെ പ്രചോദനമാണ് സന്തോഷം

      Delete
  3. drpmalankot29 October 2013 at 17:17

    ഭരണിയും, ഉപ്പിലിട്ടതും എല്ലാം ഉഗ്രൻ! കാണാനും കൊള്ളാം, രുചിയും സ്വാദിഷ്ടം.

    ReplyDelete
    Replies
    1. ബൈജു മണിയങ്കാല 30 October 2013 at 22:51

      ഡോക്ടര വളരെ നന്ദി ഈ കയ്യൊപ്പിനു വായനക്ക് അഭിപ്രായത്തിനു

      Delete
  4. Pradeep Kumar29 October 2013 at 17:25

    ഉടഞ്ഞുപോവുക എന്നത് ഭരണികളുടെ നിയോഗമാണ്.....

    ReplyDelete
    Replies
    1. ബൈജു മണിയങ്കാല 30 October 2013 at 22:55

      തീര്ച്ചയായും പഴയ ഭരണികൾ ഇപ്പോഴും പല എക്സ്കവെഷന്റെയും ഭാഗമായി കുഴിചെടുക്കുമ്പോൾ അതിശയം തോന്നാറുണ്ട് ഭരണി ഒരു മാതിരി എല്ലാ സംസ്കൃതിയുടെയും അതി ജീവനത്തിന്റെ ഭാഗമായിരുന്നു ഒരു സേഫ് പോലെ അവ ഇപ്പോഴും കാണപ്പെടുന്നതിൽ അതിശയം പിന്നെ പ്രദീപ്‌ മാഷ് പറയുമ്പോലെ അത് ഭരണിയുടെ നിയോഗമാണ് മണ്ണിലേക്ക്
      നന്ദി പ്രദീപ്‌ ഭായ് ഈ വായനക്ക് അഭിപ്രായം പങ്കു വച്ചതിനു സന്തോഷത്തോടെ

      Delete
  5. Cv Thankappan29 October 2013 at 17:32

    "അധ്വാനിച്ച
    വിയർപ്പുപ്പിൽ
    ശരീരം കേടാകാതെ
    സൂക്ഷിക്കേണ്ട
    മനുഷ്യൻ "
    നന്നായിരിക്കുന്നു വരികള്‍
    ആശംസകള്‍

    ReplyDelete
    Replies
    1. ബൈജു മണിയങ്കാല 30 October 2013 at 22:56

      തങ്കപ്പൻ ചേട്ടാ സന്തോഷം ഈ പ്രത്യേക വാക്കുകൾക്ക് വളരെ സന്തോഷം ഇത് കേൾക്കുമ്പോൾ നന്ദിയോടെ

      Delete
  6. ajith29 October 2013 at 19:35

    അയോഡൈസ്ഡ് ഉപ്പ് വേണം! അതാ നിയമം!

    ReplyDelete
    Replies
    1. ബൈജു മണിയങ്കാല 30 October 2013 at 22:59

      സയനൈടും വേണമെങ്കിൽ ചേര്ക്കും എല്ലാം ഒരു ചേരുംപടി ഇല്ലെ ഇപ്പൊ ഫാസ്റ്റ് ഫുഡ്‌ ചെയിൻ തന്നെ ആണ് പല മരുന്ന് കമ്പനി യുടെയും ഷെയർ ഷെയർ ഒനെര്സ്
      എല്ലാം ഒരു ചെയിൻ മരുന്ന് കമ്പനി രോഗം ഇറക്കും പരത്തും അവരുടെ സാധനം വിറ്റഴിക്കും
      നന്ദി അജിത്ഭായ് ഈ അഭിപ്രായങ്ങൾ രസകരമായ അഭിപ്രായങ്ങൾ പങ്കു വയ്ക്കുന്നതിനു
      സ്നേഹപൂർവ്വം

      Delete
  7. Nidheesh Varma Raja U30 October 2013 at 06:22

    കടൽ ഉപ്പ് ഭരണിയിൽ ഇട്ട് വച്ച കൗതുകങ്ങൾ

    ReplyDelete
    Replies
    1. ബൈജു മണിയങ്കാല 30 October 2013 at 22:59

      നന്ദി നിധീഷ് വായന അഭിപ്രായം എല്ലാത്തിനും സ്നേഹത്തോടെ

      Delete
  8. Aneesh chandran30 October 2013 at 12:38

    ലയനം നടന്നില്ലെങ്കില്‍ മറ്റുപലതും നടക്കില്ല. പലതും നിലയ്ക്കും

    ReplyDelete
    Replies
    1. ബൈജു മണിയങ്കാല 30 October 2013 at 23:01

      പ്രകൃതി ഏറ്റവും വല്യ യുക്തി വാദി തന്നെ എല്ലാം ആവാസ വ്യവസ്ഥ ചങ്ങലയിലെ കണ്ണികൾ രാസപ്രവർത്തനം നമ്മൾ എന്തറിയുന്നു
      നന്ദി കാത്തി വായനക്ക് അഭിപ്രായത്തിനു സ്നേഹപൂർവ്വം

      Delete
  9. സൗഗന്ധികം30 October 2013 at 22:46




    ഇപ്പോൾ
    ആ ഭരണിയിൽ
    കേടാകാതിരിക്കുവാൻ
    ഉപ്പിലിട്ടു
    സൂക്ഷിച്ചിരിക്കുന്നു
    നല്ല ഋതുക്കളിൽ
    മേഘങ്ങളിൽ
    കായ്ച്ച
    കൊതിയൂറും
    വാടാത്ത മഴക്കനികൾ


    നല്ല വരികൾ ഭായ്.


    ശുഭാശംസകൾ...

    ReplyDelete
    Replies
    1. ബൈജു മണിയങ്കാല 30 October 2013 at 23:02

      സൌഗന്ധികം ഈ ഓരോ വായനക്കും പ്രത്യേക അഭിപ്രായത്തിനും കയ്യൊപ്പിനും വളരെ നന്ദി

      Delete

Post a Comment

ജനപ്രിയ പോസ്റ്റുകൾ

ഒരു നാളം

ഒരു തീയതിയാണ് ഉടൽ കലണ്ടറിൽ കലണ്ടറിനും ഉടലിനും ഇടയിൽ ഭിത്തിയിൽ ചാരിയിരിക്കും ശ്വാസം സമയത്തിൽ ചാരിയും ചാരാതെയും ഉടലിൽ ചാരി വെക്കാവുന്ന തമ്പുരു എന്ന വണ്ണം  ശ്രുതികളുമായി ശക്തമായി ഇടപഴകി കാതുകൾ ഒരു തീയതിയാണോ ഉടൽ എന്ന സംശയം, സംശയം അല്ലാതെയായി ഒരു സംശയമായി ഉടൽ കൊണ്ട് നടക്കാൻ തുടങ്ങി മറ്റ് സംശയങ്ങളുമായി ഉടലിന്നെ, സംശയങ്ങൾ ഏതുമില്ലാത്തവണ്ണം ഇടപഴകുവാനായി ഉദിക്കുന്നത് ഉഴപ്പി അപ്പോഴും  സംശയങ്ങളുടെ സൂര്യൻ വൈകുന്നേരങ്ങളുടെ സംശയം, മാത്രമായി അസ്തമയം സൂര്യരഹിത അസ്തമയങ്ങളുണ്ടായി വിരലിൻ്റെ അറ്റത്ത് വന്ന്  ഇറ്റിനിന്ന ആകാശം  അടർന്ന് നിലത്ത് വീഴാൻ മടിച്ചു പകരം അവ ഇലകളെ അടർത്തി നിലത്ത് വീഴൽ കുറച്ചു കേട്ടുകഴിഞ്ഞ ശേഷം പാട്ടുകൾ ശരീരത്തിൽ കുറച്ച് നേരം  തങ്ങിനിൽക്കുമ്പോലെ സമയത്തിൽ തങ്ങിനിൽക്കുവാൻ തങ്ങിനിൽപ്പുകൾ കടംകൊണ്ട അപ്പൂപ്പന്താടികളുണ്ടായി പരിവർത്തനങ്ങളുടെ തീർത്ഥാടനം അപ്പൂപ്പന്താടികളിലേക്ക് ഭാരമില്ലാതെ വരിയിട്ടു പിടിച്ചുനിന്നത് കൊണ്ട് മാത്രം  മരം എന്ന കുറ്റം ചെയ്തത് പോലെ കുറേ നേരം കാറ്റിനേ കേട്ടുനിന്നു,  പിന്നെ, കുറ്റപ്പെടുത്തൽ എന്ന ഉലച്ചിൽ  മരം, നിലത്തിട്ട് ചവിട്ടിക്കെ...
Post a Comment
Read more

മിഴിയനക്കങ്ങൾ

ഈ നല്ല ഭൂമിയിൽ വിരിയാൻ കൊതിക്കുമെല്ലാം  എടുത്ത്, വിരിയുന്നിടത്ത് വെച്ച് ഋതുവായി മാറിനിൽക്കും ദൈവം മാറിനിൽക്കുന്നതിലെല്ലാം കയറിനിന്ന്  കയറിനിൽക്കുന്നതിൻ്റെയെല്ലാം മൊട്ടായി  വിരിയാൻ മറക്കും ദൈവം ദൈവത്തിൻ്റെ കൈ കാണിക്കലുകൾ പലപ്പോഴും അവഗണിച്ചും ചിലപ്പോഴെങ്കിലും എടുത്തുവെച്ചും വിരിയുന്നതിലേക്ക് എല്ലാം പൂക്കളുടെ ടാക്സി വിളിച്ച്  ഓടിയെത്തും എൻ്റെ പുലരികൾ വഴിയിൽ ചെമ്പകങ്ങൾ  പൂക്കളിൽ നിന്നടർന്ന് ആരുടെയൊക്കെയോ ഉടലുകളിൽ കയറി നടന്ന് പോയ പാടുകൾ ഹായ് ഹായ് എന്ന് അത് കണ്ട്  വിരിയുന്ന പൂക്കളിലേക്കൊക്കെ തുളുമ്പും ദൈവം മഞ്ഞുതുള്ളികൾ ദൈവവും പൂക്കളും മാറോട് ചേർക്കുന്നു മഞ്ഞുതുള്ളിയേത് പുലരിയേത് എന്ന് പൂക്കൾക്കും ദൈവത്തിനും മാറിപ്പോകുന്നു വഴികാട്ടികളിൽ അനുഭവപ്പെടും കൊടുംതണുപ്പ് കൊച്ചുകൊച്ച് കുഞ്ഞുങ്ങൾ ഒക്കത്തിരുന്ന് ചിരികളിലേക്കും വിളികളിലേക്കും മാറിമാറി ആയുന്നത് പോലെ ദൈവം ഓരോ പുലരികളിലേക്കും പ്രതീക്ഷകളിലേക്കും ആയുന്നു മൈനകളുടെ മുകളിൽ  കൈകൾ വിരിച്ച് അപ്പോഴും അവൾ  തീ കായുന്നു എൻ്റെ എന്ന വാക്ക് വഴിയിലെല്ലാം വീണ് കിടക്കും പുലരികൾ എന്ന ദൈവത്തിൻ്റെ പരാതി  അവളോടൊപ്പം തീ...
Post a Comment
Read more

ഇളംനീല നിറമുള്ള ഒരിടപെടൽ

ഉന്മാദികളുടെ ഓരോ പ്രവർത്തിയും അത്രയും തീവ്രതയിൽ പ്രാർത്ഥനകളാവുന്ന  ഒരു സാധാരണദിവസമായിരിക്കണം അത് കാൽവിരൽക്കനലുകളുള്ള ഉന്മാദികളുടെ ദൈവം ഉണർന്നാലുടൻ നാണത്തോടെ പരതും  ഉന്മാദികളുടെ പ്രാർത്ഥന ഉന്മാദിയായ ആകാശം പറക്കുന്ന പക്ഷികളേ വെച്ച് ഏറ്റവും ഒടുവിലെ നാണം  ഘട്ടം ഘട്ടമായി മറയ്ക്കുന്നിടത്ത്, പക്ഷികൾ മറയ്ക്കുവാൻ ശ്രമിക്കുകയായിരുന്നിരിക്കണം ദൈവീകമായ നാണത്തിൻ്റെ ആഴം എത്ര വൈകിയാലും ഒരിക്കലും അവസാനിക്കാത്ത വിഷാദികൾകളുടെ വൈകുന്നേരങ്ങൾ വിഷാദികൾക്ക്  ഏതുനേരവും വൈകുന്നേരങ്ങൾ അഥവാ വൈകുന്നേരം  മാത്രമുള്ള വിഷാദികൾ എടുത്ത് വെക്കും മുമ്പ്  തീർന്നുപോകും അവരുടെ പകലുകൾ മൂന്ന് നേരവും  അസ്തമയം മാത്രമുള്ള അവരുടെ ദിനസരികൾ സായാഹ്നങ്ങൾ  സായാഹ്നങ്ങൾ സായാഹ്നങ്ങൾ അത് കഴിഞ്ഞ് വരും ഇരുട്ട് എന്ന യാഥാർത്ഥ്യം ദൈവമാകുവാൻ തുടങ്ങുന്നു ക്ഷമിക്കണം ഉന്മാദികളുടെ ദൈവം എന്നല്ല ഉന്മാദിയായ ദൈവം എന്ന് തന്നെ വായിക്കണം അതും അകക്കണ്ണുകൊണ്ട് അതേ അതേ ദൈവം ഏകാന്തതയുടെ  സൈഡ് വ്യൂ മിറർ മാത്രം നോക്കി വിഷാദികളേ ഓവർടേക്ക് ചെയ്യും അതേ ദൈവത്തിൻ്റെ സായാഹ്നവളവുകൾ വിഷാദികളും കൊടുംവളവുകളും  എന്ന് മാത്രം...
Post a Comment
Read more