Skip to main content

ഒഴിവാക്കേണ്ടി വരുന്ന ചിലത്

സൗന്ദര്യവർദ്ധകവസ്തുക്കൾ
വസ്ത്രം മറച്ചു
നഗ്നത ധരിച്ചു
പുറത്തേക്കിറങ്ങുന്ന ചിലരുണ്ട്
ചില സൗന്ദര്യവർദ്ധകവസ്തുക്കൾ 
സൗന്ദര്യം തൊട്ടുപുരട്ടിയിട്ടുള്ളവ
അവരുടെ ചുണ്ടുകൾ
കനലുപോലെ
തിളങ്ങുന്നുണ്ടാവും
നോക്കുന്നവരുടെ കണ്ണുകളെ
അവ
ഒരു സിഗരറ്റ് പോലെ
വലിച്ചു കൊണ്ട് പോകും
അനുഭൂതിയുടെ പുക പെരുക്കി
കണ്ണുകൾ കത്തികയറുമ്പോൾ 
വെറുതെ കാലടി കൊണ്ട്
ചവിട്ടിഅരച്ചുകളയേണ്ടിവരാറുണ്ട്

കൃത്രിമം
കൃത്രിമ പച്ചിലചായം
തേയ്ച്ചു 
സൌഹൃദ മരങ്ങളിൽ 
ഉണങ്ങി ഇരിക്കുന്ന 
ചില പുഞ്ചിരികളുണ്ട്
കണ്ടാൽ 
ഒന്ന് മിണ്ടുക പോലും ചെയ്യാത്തവ 
ഒരു കാറ്റിന്റെ 
ഔദാര്യത്തിൽ ജീവിക്കുന്നവ 
എന്നിട്ടും
നമ്മളെ 
വെറുമൊരു
കാറ്റായി പരിഗണിക്കുന്നവ
ഓർമ നിറമുള്ള കരിയിലയായ്
അവഗണിക്കേണ്ടിവരുമ്പോൾ
പരിഭവം ഉള്ളിൽ തോന്നാറുണ്ട്

കള്ളനോട്ടം
ആദ്യനോട്ടത്തിൽ  സത്യമെന്ന്
ബോധ്യപ്പെടുമെങ്കിലും
പലനോട്ടം ഒരുമിച്ചു കിട്ടുമ്പോൾ
തിരിച്ചറിയാതെ അതിൽ
തിരുകി വെയ്ക്കുന്നുണ്ട്
ധാരാളം കള്ളനോട്ടങ്ങൾ

വ്യാജനോട്ടുകൾ പോലെ
സൂക്ഷ്മ ദൃഷ്ടിയിൽ മാത്രം
അവസാനം
കണ്ടുപിടിക്കപ്പെടുന്നവ
അപ്പോഴേക്കും
രക്ഷപെടാനാകാതെ
തിരിച്ചിറങ്ങാൻ കഴിയാത്തവിധം
പലരും
അകപ്പെട്ടുപോകാറുണ്ട്


ചോർച്ച
കാറുംകോളും ഒന്നുമില്ലാത്ത മുറിയിൽ
ശരീരം ചേർത്തടച്ചു കുറ്റിയിട്ടു
ഒരു ചോർച്ചയും ഇല്ലാതെ
ചേർന്ന് കിടക്കുമ്പോൾ
ഒരു മഴയും പെയ്യാതെ തന്നെ
നനഞ്ഞു കുതിരാറുണ്ട്
ശരീരവും മനസ്സും 

Comments

  1. Athe, ellaam puram poochu [ pooshu :) ]
    Aaashamsakal.

    ReplyDelete
    Replies
    1. അതെ കുറെ ഏറെ ഇപ്പൊ അങ്ങിനെ തന്നെ ആയിരിക്കുന്നു
      നന്ദി ഡോക്ടര വായനക്കും അഭിപ്രായത്തിനും

      Delete
  2. സാധാരണയായി ബ്ലോഗുകളിൽ കാണാറുള്ള സ്റ്റീരിയോടൈപ്പ് കവിതകളിൽ നിന്ന് ഏറെ വ്യത്യസ്ഥം. പുതുമയുള്ള ഭാവലോകം, പുതുമയുള്ള ബിംബകൽപ്പനകൾ, കവിതകളെ കൂടുതൽ നന്നായി വായിക്കുന്ന ഒരു വായനാസമൂഹത്തിന്റെ ശ്രദ്ധ ആവശ്യപ്പെടുന്ന കവിത......

    ReplyDelete
    Replies
    1. പ്രദീപ്‌ ഭായ് വളരെ സന്തോഷം ഇത്തരം പോസിറ്റീവ് എനർജി പകര്ന്നു തരുന്ന അഭിപ്രായങ്ങൾക്ക് തീര്ച്ചയായും കൂടുതൽ ചിന്തിക്കുവാനും എഴുതുവാനും ഇത്തരം വാക്കുകൾക്കുള്ള ഊര്ജം അപാരമാണ്
      വളരെ സന്തോഷത്തോടെ നന്ദി അറിയിക്കട്ടെ

      Delete

  3. ചിന്തിപ്പിക്കുന്ന നല്ല കവിതകള്‍.

    ReplyDelete
    Replies
    1. ജോസെലെട്റ്റ് ഈ വരവ് പരിചയപ്പെടൽ സന്തോഷമുണ്ട് ഒപ്പം വായനക്കും അഭിപ്രായത്തിനും വളരെ നന്ദി

      Delete
  4. തീര്‍ച്ചയായും. പ്രദീപ്‌ മാഷ്‌ പറഞ്ഞതു പോലെ വായനയും ചര്‍ച്ചയും ആവശ്യപ്പെടുന്ന കവിതകള്‍.
    നന്നായി ഇഷ്ടപ്പെട്ടു.

    ReplyDelete
    Replies
    1. റാംജിഭായ് വളരെ സന്തോഷം ഈ അഭിപ്രായം കാണുമ്പോൾ ഈ കയ്യൊപ്പ് ഇവിടെ കാണുമ്പോൾ
      നന്ദിയും അറിയിക്കട്ടെ

      Delete
  5. ലളിതമായ വരികൾ.. അർഥമുള്ള ചിന്തനിയമായ കവിത. എല്ലാം ഇഷ്റ്റമായി.. വായിക്കേണ്ടവയും ഓർമ്മിക്കേണ്ടവയും.. ആശംസകൾ

    ReplyDelete
    Replies
    1. ബഷീര് ഭായ് വളരെ സന്തോഷം വായനക്ക് ഈ പ്രോത്സാഹനത്തിനു
      നന്ദിയോടെ

      Delete
  6. ആശംസകൾ.. നല്ല വരികൾ ഓരോന്നും..

    ReplyDelete
    Replies
    1. ജെഫു ഈ പരിചയപ്പെടൽ ഈ വായന അഭിപ്രായം പ്രോത്സാഹനം വളരെ സന്തോഷം സ്നേഹത്തോടെ നന്ദിയും

      Delete
  7. ഇവയെല്ലാം ഒഴിവാക്കേണ്ടത് തന്നെയെന്ന് അറിയാത്ത ആരും ഉണ്ടാവില്ലെന്ന് തീർച്ച. തലകുലുക്കി സമ്മതിക്കാത്തവരെ കാണാൻ കിട്ടുമെന്നും തോന്നുന്നില്ല...എന്നാൽ ഉള്ളിന്റെ ഉള്ളിൽ ഇതെല്ലാം കൊതിയോടെ ആർത്തിയോടെ "വേണം വേണം " എന്ന് അലമുറയിടുന്നു...

    ReplyDelete
    Replies
    1. തീര്ച്ചയായും അവ നമ്മളെ വല്ലാതെ ആകര്ഷിക്കുന്നവയാണ് ഒഴിവാക്കുവാൻ കഴിയാത്തതും
      നന്ദി ശരത് ഈ വായനക്ക് അഭിപ്രായത്തിനു സ്നേഹപൂർവ്വം

      Delete
  8. എല്ലാം ഒന്നിനൊന്ന് മെച്ചമായവയാണ്.
    വായിക്കുംതോറും തിളക്കമേറി വരുന്ന വരികള്‍!
    ആശംസകള്‍

    ReplyDelete
    Replies
    1. തങ്കപ്പൻ ചേട്ടാ ഈ അനുഗ്രഹം പ്രോത്സാഹനം വളരെ സന്തോഷം നന്ദി സ്നേഹപൂർവ്വം

      Delete
  9. എല്ലാം നമ്മള്‍ തന്നെ.
    വേറാരുമല്ല

    ReplyDelete
    Replies
    1. അജിത്ഭായ് അതെ നമ്മൾ നമ്മൾ മാത്രം അതും നമുക്ക് വേണ്ടി
      വളരെ നന്ദി അജിത്ഭായ് യുടെ ഓരോ അഭിപ്രായവും വായനയും പ്രോത്സാഹനവും എഴുത്തിനു ശക്തിയാണ് സ്നേഹത്തോടെ

      Delete
  10. നമ്മളാകാൻ ഇത്തരം ചില ജാടകൾ ഇന്ന് ആവശ്യപ്പെടുന്നുണ്ടാകാം....

    ReplyDelete
    Replies
    1. അതെ ഒഴിച്ചുകൂടാൻ പറ്റാത്തവ എന്നുള്ള അവസ്ഥയിലേക്ക് പലതും കടന്നു വരുന്നു നമ്മുടെ അത് ആവശ്യവും തന്നെ
      നന്ദി വി കെ ഈ വായനക്ക് അഭിപ്രായത്തിനു വളരെ സന്തോഷത്തോടെ സ്നേഹത്തോടെ

      Delete
  11. Replies
    1. വളരെ നന്ദി കീയ സന്തോഷത്തോടെ

      Delete
  12. ശില്പ ചാരുതയുളള കവിതകള്...നന്നായി...ആശംസകള്

    ReplyDelete
    Replies
    1. അനുരാജ് ഈ ഓരോ കയ്യൊപ്പിനും വളരെ നന്ദി സ്നേഹപൂർവ്വം

      Delete
  13. :)
    എല്ലം ഒരു നുള്ള് നോവ് പൊലെ

    ReplyDelete
    Replies
    1. നിധീഷ് വളരെ നന്ദി ഓരോ അഭിപ്രായത്തിനും വായനക്കും പ്രോത്സാഹനത്തിനു മാർഗനിർദ്ധേശങ്ങൾക്ക്

      Delete
  14. നാലും ഗംഭീരം തന്നെ ഭായ്. എന്നാലും 'കൃത്രിമ'വും, 'കള്ളനോട്ട'വും ഏറെ ഇഷ്ടമായി.



    ശുഭാശംസകൾ........

    ReplyDelete
    Replies
    1. നന്ദി സൌഗന്ധികം ഈ പ്രത്യേക പരാമർശത്തിന് വായനക്കും എന്നും കവിതയ്ക്ക് തരുന്ന പ്രോത്സാഹനത്തിനും

      Delete

Post a Comment

ജനപ്രിയ പോസ്റ്റുകൾ

പിന്നിലേക്കെടുപ്പ്

തിരകളുടെ തടി കയറ്റിയ  ലോറി കണക്കേ ഒന്ന് മുന്നോട്ടെടുത്തു കടൽ മുറുക്കങ്ങൾക്ക് പിറകിൽ തിരകൾക്ക് മുകളിൽ കയറിനിന്ന് ചിലയ്ക്കും  പക്ഷിയാവും ഭാഷ അതിൻ്റെ ചിറക് വൃത്തിയാക്കും  പക്ഷി കണക്കേ തൻ്റെ ഓരോ തിരകളും  ജലകൊക്ക് കയറ്റി, വൃത്തിയാക്കി കിടക്കും കടൽ   തൻ്റെ ഓരോ ചലനത്തിനും  മുകളിൽ കയറിനിന്ന് കടൽ അതിൻ്റെ ചിനപ്പ് ചികയുന്നു നനപ്പ് കുടയുന്നു അരികിൽ, സുതാര്യത നോക്കി പിന്നിലേക്കെടുക്കും ജലം ലീപ്പ് ഈയറിൻ്റെ ചാലിലൂടെ  ഒഴുകിപ്പോകും ഫെബ്രുവരി നോക്കിനിൽക്കേ കലയായി  ചന്ദ്രനെ കയറ്റിയ ആകാശം, ഒന്ന് പിന്നിലേക്കെടുക്കുന്നു ഒന്ന് പിന്നിലേക്കെടുക്കും, പെരുന്നാളും അവയുടെ  പിന്നിലേക്കെടുക്കുന്നുണ്ടാവുമോ വഴിയരികിൽ വീടുകൾ അതിലെ ഏതെങ്കിലും പ്രിയപ്പെട്ട ജനാലകൾ പിന്നിലെ രാത്രി ധ്യാനത്തിൻ്റെ സൈഡ് വ്യൂ  മിററിൽ നോക്കി  അതിൻ്റെ നിശ്ചലത പിന്നിലേക്കെടുക്കും ഓരോ ബുദ്ധശിൽപ്പവും ഒരു പക്ഷേ നിശ്ചലതയ്ക്കും പിന്നിലേയ്ക്ക് തീർച്ചയായും ഉണ്ട്,  പിന്നിലേക്കെടുക്കാവുന്ന നിശ്ശബ്ദതകൾ കുയിലുകൾ കൃത്യമായി  അവയുടെ പുള്ളികൾക്കരികിൽ, കൂവും മുമ്പ് ചെയ്ത് വെയ്ക്കുന്നത് ഞാൻ എൻ്റെ ഉടൽ പിന്നിലേക്കെടുക്കുന്നു ഒരു പക്ഷേ ചെയ്ത  എല്ലാ ആദിമരതികളും അതിൽ പ

വികാരനിർഭരമായ ഒരു വിടവാങ്ങൽ

കണ്ഠം ഇടറുമ്പോഴും രാവ് ഒരു പൂവാണെങ്കിൽ സന്ധ്യ അതിന്റെ മൊട്ടാണെന്ന് ഭംഗിവാക്ക് പറഞ്ഞു പിരിയാതെ നിന്നത് ഒരു മൈക്ക് ആകണം കൊളുത്തിയിടപ്പെട്ടത് കൊണ്ട് മാത്രം കൈകൂപ്പി തൊഴുതപ്പോഴും പിടച്ചിട്ടും അണയാതെ കത്തിനിന്ന ദീപമൊരു നിലവിളക്കാകണം കാലിടറുമ്പോഴും നിർത്തിയിട്ടിരുന്ന ഒരു മരത്തിന്റെ ചോട്ടിലേയ്ക്കു കൈപിടിച്ചു കൊണ്ട് വിട്ടത് എന്നോ വിരമിച്ച നരച്ചൊരു പോക്കുവെയിലാകണം പിരിയുമ്പോൾ നിറഞ്ഞ വയസ്സായ കണ്ണിൽ കണ്ണീരിന്റെ കണ്ണട വച്ച് നോക്കിയിട്ടും കാഴ്ചകൾ ഒന്നും തെളിയാതെ നിന്നപ്പോൾ അകലെ നിന്ന് കൈവീശികാണിച്ചതായി തോന്നിയതൊരു ചാറ്റൽ മഴയാകണം അപ്പോൾ കരയുവാനാവാതെ കവിളിൽ തൊട്ടുതലോടിയത് ഒഴുകുവാനാകാതെ തളർന്നു കിടന്നുപോയൊരു  വാതം പിടിച്ച  പുഴയാകണം അപ്പോഴും ഒരു ഈശ്വര പ്രാര്ത്ഥന മുഴക്കിയതായി തോന്നിയത് മഴ മറൊന്നൊരു പഴകിയ വേഴാമ്പലാകണം കാത്തു കിടന്നു മുഷിഞ്ഞപോലെ അവസാനം സമയത്തിന്റെ വിരലുപിടിച്ചു സാവകാശം നിഴലിലേയ്ക്ക് നടന്നകന്നത് സ്വന്തമായി നട്ട ഏതോ മരത്തിന്റെ ഉണങ്ങിയ തണലാകണം എന്നിട്ടും പോകേണ്ടത് എങ്ങോട്ടേയ്ക്കാണെന്നു അറിയാതെ ഇല്ലാത്ത ഒരു രാത്രി വണ്ടിയ്ക്കു ഒറ്റയ്ക്ക് കാത്തു ന

റമദാൻ പുണ്യം

ആകാശം വിശ്വാസിക്ക് സ്നേഹത്തിന്റെ സീമയായ് മേഘം പള്ളിയായി വിശ്വാസിക്ക് തണലുമായ് പിറയായ് നോമ്പായ് സഹനം സ്നേഹമായ് റമദാൻ വൃതമായ്‌ പുണ്യ വിശ്വാസ മാസമായി മനസ്സും ശരീരവും അവനിൽ അർപ്പിച്ച് അവനിയിൽ മോക്ഷം അള്ളാഹു മാത്രമായി മക്കത്തു ഹജ്ജ് സുന്നത്തും മാർഗമായ്‌ ഇഹത്തിലും പരത്തിലും അവൻ നാമം മാത്രമായ് റജബിലും ശഅബാനിലും  നേട്ടങ്ങൾ ഏകി നവമാം മാസത്തിൽ പഞ്ചചര്യയിൽ ഒന്നുമായ്‌ റമദാൻ മാസം വിശുദ്ധമായ് പ്രാർത്ഥനയായ്‌ നന്മകൾ എന്നും ചൊരിയുന്ന  നേരമായി