Skip to main content

കടലിന്റെ വിസ കച്ചവടം

കടലൊരു ബഹുരാഷ്ട്ര കുത്തകയാണിന്ന്
കടലാസ്സിൽ വിസ പോലും അടിച്ചുകൊടുക്കുന്നവൻ
കടലോരത്താകെ അതിൽപെട്ട് കുടുങ്ങിക്കിടക്കുന്നു
കായലെന്നു പേരിൽ  കിടപ്പാടം പണയപ്പെട്ടവർ

കടലെന്ന് വലിയ പേരും നിലയുംവിലയും ആകുംമുമ്പേ
പലയിടങ്ങളിലും കടലവിറ്റു വിലയില്ലാതെ കിടന്നവൻ
അന്നവിടെഎന്നോ കാറ്റ്കൊള്ളാൻ വന്ന അറബിയുടെ
കാലു പിടിച്ചു എങ്ങിനെയോ ഉരുവിൽ അക്കരെ കടന്നവൻ

പിന്നെ അവിടെ കൊച്ചുകൊച്ചു പണിയെടുത്ത്  പച്ച പിടിച്ചവൻ
പിന്നെപിന്നെ പതിയെ കച്ചവടംചെയ്തു വയറുപിഴച്ചവൻ
കോടിക്കണക്കിനു കാശിനു വാണിജ്യവ്യാപാരം നടത്തിയവൻ
വെള്ളംപോലെ കോടിക്കണക്കിന് പണംവാരിയെടുത്തവൻ

പിന്നെ കപ്പൽ വിമാന-അന്തർവാഹിനികൾ വാങ്ങിയവൻ
വിവിധ രാജ്യങ്ങളിൽ തുറമുഖങ്ങൾ സ്വന്തമായ് തുറന്നവൻ  
എന്നിട്ടും കിഴക്കൻ മലയിലെ ഒരുതുണ്ട് ഭൂമി വിറ്റ  പുഴയുടെ
പൈസ വാങ്ങിവച്ചു സമയത്ത് വിസ കൊടുക്കാതെ പറ്റിക്കുന്നവൻ

നാട്ടുകാർ അടക്കംപറയുന്നു പുഴയ്ക്കു ഉരുൾപൊട്ടി വസ്തു പോയെന്നു
പക്ഷെ ഒരു വിസക്ക് വേണ്ടി എഴുതികൊടുത്തെന്നു പുഴ സത്യംഒളിക്കുന്നു
അക്കരെചെന്ന്പച്ചപിടിക്കുവാൻ വിസ പ്രതീക്ഷിച്ചു കടലിലേക്കൊഴുകുന്നു
കടൽ  തന്റെതിരകളെ വിട്ടു തല്ലിക്കുന്നു ഉപ്പുതിന്നതിനാൽ വെള്ളംകുടിക്കുന്നു
കടലിന്റെ ജലസമ്മർദം കൂടുന്നു പിന്നെ ഉരുണ്ടുകൂടി കടൽക്ഷോഭം നടിക്കുന്നു

അത്കണ്ടു  പുഴ തളർന്നുവീഴുന്നു
കടൽ വെള്ളം കുടിക്കാൻകൊടുക്കുന്നു
പിന്നെഎപ്പോഴോ പുഴയുടെ ബോധംമറയുന്നു  
അപ്പോൾ പുഴയെ കടലിലേക്കെടുക്കുന്നു
പിന്നെ പുഴ എങ്ങോട്ടോ അപ്രത്യക്ഷമാകുന്നു
ശരീരം പോലും കിട്ടാതെ പുഴ വെറും ഓർമയാകുന്നു

അത്കണ്ടു കായൽ വിസ ചോദിയ്ക്കാൻമടിക്കുന്നു
വീടുംപറമ്പും പോയാലും ജീവൻ കൊതിക്കുന്നു
പേടിച്ചരണ്ടു ഇപ്പോഴും പുറമ്പോക്കിൽ  കെട്ടികിടക്കുന്നു
മീൻവളർത്തി കയർപിരിച്ചു വിനോദസഞ്ചാരം നടത്തുന്നു
എങ്ങിനെയൊക്കെയോ ജീവിച്ചുപോകുന്നു

എന്നിട്ടും കഥയറിയാതെ വിസമോഹിച്ചു വരുന്ന പുഴകളെ
കഴിവതും തടഞ്ഞുനിർത്താൻ ശ്രമിക്കുന്നു
അത് കേൾക്കാതെ മുന്നോട്ടുതന്നെ ഒഴുകുന്നപുഴകളെ
കണ്ണീരോടെ അഴിമുഖം കാണിച്ചു കായൽ നിൽക്കുന്നു      

Comments

  1. കഥയറിയാതെ വിസ മോഹിച്ചു വരുന്ന പുഴകളെ
    കഴിവതും തടഞ്ഞു നിർത്താൻ ശ്രമിക്കുന്നു
    അത് കേൾക്കാതെ മുന്നോട്ടു തന്നെ ഒഴുകുന്ന പുഴകളെ
    കണ്ണീരോടെ അഴിമുഖം കാണിച്ചു കായൽ നിൽക്കുന്നു.... Apaaram thanne !

    ReplyDelete
    Replies
    1. ഡോക്ടർ നന്ദി ഈ വല്യ വാക്കുകൾക്ക് അത് പകരുന്ന ഊർജത്തിന്

      Delete
  2. എല്ലാം തന്നിലേയ്ക്കാവാഹിക്കുന്ന കടല്‍!
    നന്നായിട്ടുണ്ട്
    ആശംസകള്‍

    ReplyDelete
    Replies
    1. തങ്കപ്പൻ ചേട്ടാ ഈ വാക്കുകൾ വല്യ അനുഗ്രഹമാണ്
      സ്നേഹത്തോടെ സന്തോഷത്തോടെ ഏറ്റുവാങ്ങുന്നു നന്ദി പൂർവ്വം

      Delete
  3. നന്നായിരിക്കുന്നു കടൽ കവിത.....
    ആശംസകൾ....

    ReplyDelete
    Replies
    1. വി കെ ഈ വരവ് വായന ഈ പ്രോത്സാഹനം അത് വളരെ സന്തോഷം പകര്ന്നു തരുന്നുണ്ട് വളരെ നന്ദി സ്നേഹപൂർവ്വം

      Delete
  4. മൂന്നില്‍ രണ്ട് കടലാണത്രെ

    ReplyDelete
    Replies
    1. അതെ അജിത്ഭായ് എല്ലാം വെള്ളം അതിശയം അതിരുകളില്ലാത്ത പ്രപഞ്ചം മഹാകവി പറയുമ്പോലെ മർത്ത്യൻ കഥയെന്തു അറിവൂ
      അജിത്ഭായ് ഈ കയ്യൊപ്പിനു ഓരോ വാക്കിനും കടപ്പെട്ടിരിക്കുന്നു നന്ദി

      Delete
  5. കടലിനും പുഴക്കും കായലിനും ഉരുൾപൊട്ടലിൽ ഒലിച്ചുപോയ പുഴക്കടവിനും ഇങ്ങിനെ ചില ഭാഷ്യങ്ങൾ തീർക്കാം - അല്ലെ

    ReplyDelete
    Replies
    1. തീർച്ചയായും പ്രദീപ്ഭായ് പ്രകൃതി എന്തെല്ലാം മുന്കൂട്ടി കാണുന്നു എത്രയോ വര്ഷമായി എന്തെല്ലാം മാറ്റം എല്ലാം നല്ലതിന് വേണ്ടി തന്നെ ആവും നമ്മൾ നിസ്സാരമായി ജീവിച്ചു തീര്ക്കുന്നു ഈ ചെറിയ ജീവിത കാലം ഒരു പൊട്ടായി പോലും രേഖപ്പെടുതുവാനില്ലല്ലോ ഭൂതകാലവും ഭാവി കാലവും എല്ലാം എടുത്താൽ നിമിഷം പോലെ
      പ്രദീപ്ഭായ് ഈ വായന വാക്കുകൾ ഒരുപാടു സന്തോഷം നന്ദി

      Delete
  6. Replies
    1. നിസാർ സുഹൃത്തേ ഈ വരവ് അഭിപ്രായം വായന വളരെ സന്തോഷം പ്രോത്സാഹനം നന്ദി ഈ കയ്യൊപ്പിനു

      Delete
  7. ഈ കടല്‍ നന്നായിരിക്കുന്നു
    നല്ല ചിന്തകള്‍

    ReplyDelete
    Replies
    1. ടീച്ചർ വളരെ സന്തോഷം ഈ വാക്കുകൾ സന്തോഷത്തോടെ നന്ദി അറിയിക്കട്ടെ

      Delete
  8. നല്ല കടല്‍; നല്ല വിസ !!

    ReplyDelete
    Replies
    1. സുഹൃത്തേ ഈ വരവ് പ്രോത്സാഹനം ഓരോ വരികൾക്കും ചിന്തകൾക്കും പകരുന്ന ഊർജം വളരെ വലുതാണ്‌ വളരെ നന്ദി സന്തോഷപൂർവ്വം

      Delete
  9. കടലിന്റെ ഒരു കാര്യം...

    നന്നായി മാഷേ

    ReplyDelete
    Replies
    1. ശ്രീ വളരെ സന്തോഷം ഈ വരവിൽ അഭിപ്രായത്തിൽ കാണാറില്ലല്ലോ ശ്രീയെ എന്ന് ഓർത്തിരുന്നു ശ്രീയുടെ ആ ചേട്ടൻ സുഹൃത്തിന്റെ പുതിയവിശേഷങ്ങൾ മൊബൈൽ കഥ ഓര്മ വന്നു ഈ ഇടയ്ക്കു
      നന്ദി ശ്രീ

      Delete
  10. ഈ ജീവിതം തന്നെ ഒരു കടലാണത്രെ..........

    ReplyDelete
    Replies
    1. അതെ കടല് തന്നെ ചിലപ്പോൾ കായൽ അല്ലെങ്കിൽ പുഴ ഒന്നുമില്ലെങ്കിൽ മഴ എല്ലാം വെള്ളം നമ്മൾ വെള്ളത്തിലും നന്ദി അനുരാജ് ഈ വരവിനു അഭിപ്രായത്തിനു സന്തോഷത്തോടെ നന്ദി

      Delete
  11. എന്നിട്ടും പുഴകൾ ഒഴുകുന്നു കടലിലേക്ക് ;

    വളരെ വ്യത്യസ്തമായ ചിന്ത. പുതു വ്യാഖ്യാനം കലക്കി.



    ശുഭാശംസകൾ....

    ReplyDelete
    Replies
    1. സൌഗന്ധികം വളരെ നന്ദി ഓരോപോസ്റിനും തരുന്ന ഈ പ്രോത്സാഹനം വായന അഭിപ്രായം വളരെ വളരെ നന്ദി അറിയിക്കട്ടെ

      Delete
  12. Replies
    1. നിധീഷ് നന്ദി ഈ വരവിനു വായനക്ക് അഭിപ്രായത്തിനു

      Delete

Post a Comment

ജനപ്രിയ പോസ്റ്റുകൾ

പിന്നിലേക്കെടുപ്പ്

തിരകളുടെ തടി കയറ്റിയ  ലോറി കണക്കേ ഒന്ന് മുന്നോട്ടെടുത്തു കടൽ മുറുക്കങ്ങൾക്ക് പിറകിൽ തിരകൾക്ക് മുകളിൽ കയറിനിന്ന് ചിലയ്ക്കും  പക്ഷിയാവും ഭാഷ അതിൻ്റെ ചിറക് വൃത്തിയാക്കും  പക്ഷി കണക്കേ തൻ്റെ ഓരോ തിരകളും  ജലകൊക്ക് കയറ്റി, വൃത്തിയാക്കി കിടക്കും കടൽ   തൻ്റെ ഓരോ ചലനത്തിനും  മുകളിൽ കയറിനിന്ന് കടൽ അതിൻ്റെ ചിനപ്പ് ചികയുന്നു നനപ്പ് കുടയുന്നു അരികിൽ, സുതാര്യത നോക്കി പിന്നിലേക്കെടുക്കും ജലം ലീപ്പ് ഈയറിൻ്റെ ചാലിലൂടെ  ഒഴുകിപ്പോകും ഫെബ്രുവരി നോക്കിനിൽക്കേ കലയായി  ചന്ദ്രനെ കയറ്റിയ ആകാശം, ഒന്ന് പിന്നിലേക്കെടുക്കുന്നു ഒന്ന് പിന്നിലേക്കെടുക്കും, പെരുന്നാളും അവയുടെ  പിന്നിലേക്കെടുക്കുന്നുണ്ടാവുമോ വഴിയരികിൽ വീടുകൾ അതിലെ ഏതെങ്കിലും പ്രിയപ്പെട്ട ജനാലകൾ പിന്നിലെ രാത്രി ധ്യാനത്തിൻ്റെ സൈഡ് വ്യൂ  മിററിൽ നോക്കി  അതിൻ്റെ നിശ്ചലത പിന്നിലേക്കെടുക്കും ഓരോ ബുദ്ധശിൽപ്പവും ഒരു പക്ഷേ നിശ്ചലതയ്ക്കും പിന്നിലേയ്ക്ക് തീർച്ചയായും ഉണ്ട്,  പിന്നിലേക്കെടുക്കാവുന്ന നിശ്ശബ്ദതകൾ കുയിലുകൾ കൃത്യമായി  അവയുടെ പുള്ളികൾക്കരികിൽ, കൂവും മുമ്പ് ചെയ്ത് വെയ്ക്കുന്നത് ഞാൻ എൻ്റെ ഉടൽ പിന്നിലേക്കെടുക്കുന്നു ഒരു പക്ഷേ ചെയ്ത  എല്ലാ ആദിമരതികളും അതിൽ പ

വികാരനിർഭരമായ ഒരു വിടവാങ്ങൽ

കണ്ഠം ഇടറുമ്പോഴും രാവ് ഒരു പൂവാണെങ്കിൽ സന്ധ്യ അതിന്റെ മൊട്ടാണെന്ന് ഭംഗിവാക്ക് പറഞ്ഞു പിരിയാതെ നിന്നത് ഒരു മൈക്ക് ആകണം കൊളുത്തിയിടപ്പെട്ടത് കൊണ്ട് മാത്രം കൈകൂപ്പി തൊഴുതപ്പോഴും പിടച്ചിട്ടും അണയാതെ കത്തിനിന്ന ദീപമൊരു നിലവിളക്കാകണം കാലിടറുമ്പോഴും നിർത്തിയിട്ടിരുന്ന ഒരു മരത്തിന്റെ ചോട്ടിലേയ്ക്കു കൈപിടിച്ചു കൊണ്ട് വിട്ടത് എന്നോ വിരമിച്ച നരച്ചൊരു പോക്കുവെയിലാകണം പിരിയുമ്പോൾ നിറഞ്ഞ വയസ്സായ കണ്ണിൽ കണ്ണീരിന്റെ കണ്ണട വച്ച് നോക്കിയിട്ടും കാഴ്ചകൾ ഒന്നും തെളിയാതെ നിന്നപ്പോൾ അകലെ നിന്ന് കൈവീശികാണിച്ചതായി തോന്നിയതൊരു ചാറ്റൽ മഴയാകണം അപ്പോൾ കരയുവാനാവാതെ കവിളിൽ തൊട്ടുതലോടിയത് ഒഴുകുവാനാകാതെ തളർന്നു കിടന്നുപോയൊരു  വാതം പിടിച്ച  പുഴയാകണം അപ്പോഴും ഒരു ഈശ്വര പ്രാര്ത്ഥന മുഴക്കിയതായി തോന്നിയത് മഴ മറൊന്നൊരു പഴകിയ വേഴാമ്പലാകണം കാത്തു കിടന്നു മുഷിഞ്ഞപോലെ അവസാനം സമയത്തിന്റെ വിരലുപിടിച്ചു സാവകാശം നിഴലിലേയ്ക്ക് നടന്നകന്നത് സ്വന്തമായി നട്ട ഏതോ മരത്തിന്റെ ഉണങ്ങിയ തണലാകണം എന്നിട്ടും പോകേണ്ടത് എങ്ങോട്ടേയ്ക്കാണെന്നു അറിയാതെ ഇല്ലാത്ത ഒരു രാത്രി വണ്ടിയ്ക്കു ഒറ്റയ്ക്ക് കാത്തു ന

റമദാൻ പുണ്യം

ആകാശം വിശ്വാസിക്ക് സ്നേഹത്തിന്റെ സീമയായ് മേഘം പള്ളിയായി വിശ്വാസിക്ക് തണലുമായ് പിറയായ് നോമ്പായ് സഹനം സ്നേഹമായ് റമദാൻ വൃതമായ്‌ പുണ്യ വിശ്വാസ മാസമായി മനസ്സും ശരീരവും അവനിൽ അർപ്പിച്ച് അവനിയിൽ മോക്ഷം അള്ളാഹു മാത്രമായി മക്കത്തു ഹജ്ജ് സുന്നത്തും മാർഗമായ്‌ ഇഹത്തിലും പരത്തിലും അവൻ നാമം മാത്രമായ് റജബിലും ശഅബാനിലും  നേട്ടങ്ങൾ ഏകി നവമാം മാസത്തിൽ പഞ്ചചര്യയിൽ ഒന്നുമായ്‌ റമദാൻ മാസം വിശുദ്ധമായ് പ്രാർത്ഥനയായ്‌ നന്മകൾ എന്നും ചൊരിയുന്ന  നേരമായി