കല്ലിനും വെള്ളത്തിനും
ഇടയ്ക്കുള്ള കാക്കയാണ്
എത്ര ദാഹമുണ്ടെങ്കിലും
ഒരു ഓളത്തിനും
വിട്ടു കൊടുക്കാൻ വയ്യ
ഈ കറുപ്പ്..
വാർദ്ധക്യം,
ഒരു വരയ്ക്കും വിട്ടുകൊടുക്കാത്ത
അണ്ണാനെ പോലെ
മൂന്ന് നരയും എടുത്തുവെയ്ക്കുന്നു
എല്ലാ കെട്ടിപ്പിടിത്തങ്ങളേയും
ഒഴിവാക്കി കിടന്ന കടലാണ്
ഒരു കെട്ടിപ്പിടിത്തങ്ങളും ഒഴിവായിട്ടില്ലെന്നറിയുന്നു
വെള്ളം ചേർത്ത് വല്ലാതെ നേർപ്പിക്കപ്പെട്ടിട്ടുണ്ട്
എല്ലാ കെട്ടിപ്പിടിത്തങ്ങളും
അത്രമാത്രം
ഒരു തകർന്ന കെട്ടിപ്പിടിത്തം പോലും
ആടിയുലയുന്ന കപ്പൽ മാത്രമാകുന്നു
അതിന്റേതായ ഉലച്ചിലിൽ പിടിച്ചുനിൽക്കാൻ
ശ്രമിയ്ക്കുന്നു
തിരിഞ്ഞുനോക്കുമ്പോൾ
വീണ്ടും വീണ്ടും
ആത്മഹത്യയുടെ പിൻകഴുത്തുള്ള
ഒന്നാവുന്നു ജീവിതം
ചന്ദ്രന് മാത്രമല്ല
ഉടലിനും
ഉണ്ടായിരുന്നെങ്കിൽ,
അതേ അമാവസി ദിവസങ്ങൾ..
തിരിഞ്ഞുനോക്കുമ്പോൾ
ReplyDeleteവീണ്ടും വീണ്ടും
ആത്മഹത്യയുടെ പിൻകഴുത്തുള്ള
ഒന്നാവുന്നു ജീവിതം