Sunday, 21 June 2015

രണ്ടു ദിവസം പഴക്കമുള്ള ഇന്നലെ

രണ്ടു ദിവസം പഴകിയ
ഇന്നലെകളാണ്
എന്റെ ജനാലകൾ

ആ രണ്ടു ദിവസത്തിന്
വർഷങ്ങളുടെ പഴക്കമുണ്ട്
എന്ന് മാത്രം

കാരണം ഓരോ തവണയും
ദിവസങ്ങളോളം
കഴിഞ്ഞു തുറക്കുന്ന
ജനാലയിൽ കൂടി
കടന്നു വരുന്ന വെളിച്ചത്തിന്
ജന്മങ്ങളുടെ പഴക്കമുണ്ട്

അത് കൊണ്ട്
ഞാനിന്നു തുറന്ന വാതിലിലൂടെ
എന്നെ പുറത്താക്കുന്നതിനു മുമ്പ്
നാളത്തെ വെയിലൊന്ന് കായട്ടെ

മറ്റെന്നാൾ ആ വെയിലിനു
കാവിച്ചുവ കാണില്ലെന്ന്;
ആര് കണ്ടു?

7 comments:

  1. വാസ്തവം...!
    കാണാനുള്ളതൊക്കെ ഇപ്പൊഴേ കണ്ടോളണം. ഇനിയൊരവസരം കിട്ടിയെന്നു വരില്ല.
    ആശംസകൾ...

    ReplyDelete
  2. പുതിയതെത്തുമ്പോള്‍ പഴയതെല്ലാം മറക്കുന്ന കാലം!!!
    ആശംസകള്‍

    ReplyDelete
  3. അത് നല്ലതെന്ന് പ്രചരിപ്പിക്കുന്നത് കേള്‍ക്കുന്നില്ലെന്നോ

    ReplyDelete
  4. ഉദിച്ചുയരുന്ന സൂര്യന് അരുണാഭ യാണ്.ആ പ്രപഞ്ച സത്യം മറയ്ക്കാൻ കഴിയുമോ?ആ ഊർജ സ്രോതസ്സിനെ തടുക്കാൻ കഴിയുമോ?

    ReplyDelete
  5. ഓരോ പുതിയ സൂര്യ കിരണത്തില്‍ നിന്നും ഒരു പുതിയ പ്രഭാതമുണരുന്നു.......പഴയതില്‍ നിന്നും പുതിയതിലേക്കുള്ള യാത്ര അനിവാര്യമാണ്..... പഴയതില്‍ നിന്നും നമുക്കെടുക്കാനുള്ളത്....അന്നത്തേ സത്തും ഓര്‍മ്മയും മാത്രമാണ്...... നല്ലെഴുത്തിന് ആശംസകൾ.....

    ReplyDelete
  6. ഇന്നലെകളിലേക്ക് തുറക്കുന്ന ജനാലകളടച്ച് ഇന്നിലേക്ക് തുറക്കുന്ന വാതിലിലൂടെ പുറത്തേക്ക്...
    വേറിട്ടൊരു കവിത.! ആശംസകൾ.!

    ReplyDelete
  7. മറ്റെന്നാൾ ആ വെയിലിനു
    കാവിചുവ കാണില്ലെന്ന്; ആര് കണ്ടു?

    കാണണം , കാണുവാൻ എല്ലാ സാധ്യതയുമുണ്ട്

    ReplyDelete