Skip to main content

പ്രകൃതി മതം മാറുന്നു

കടൽ കലപില കൂട്ടുന്നു
കപിലവസ്തുക്കൾ  ചിലയ്ക്കുന്നു
ഭൂമിയിൽ അന്നേ ആഗോള താപനം
സിദ്ധാർത്ഥനാമം ആവിയായി പോകുന്നു
പൂർവാശ്രമങ്ങൾ വെറും നാമധേയം
ദു:ഖ നിറമുള്ള മേഘങ്ങൾ-
ആശ നിരാശകളായി പറക്കുന്നു
ജലശ്ചായ ഉള്ള ബുദ്ധമുഖങ്ങൾ-
മൌനം വരഞ്ഞു  ബോധിമരത്തിലേക്കിറ്റുന്നു
മരത്തിന്റെ ചോട്ടിലൊരു സൂര്യനുദിക്കുന്നു
മരത്തിന്റെ മുകളിൽ ശരണത്തണൽ
മരങ്ങൾ ആദ്യമായി തണലറിയുന്നു
ജനങ്ങൾ തണലിലേയ്ക്ക്
മരങ്ങൾ പാലിയിലേയ്ക്ക്
ശിലകൾ പാലി ഭാഷയിലേയ്ക്ക്-
വിവർത്തനം ചെയ്യുന്നു
അന്നേ ഭൂമിയിൽ ശിലാന്യാസം
ശിലകൾക്ക്‌ കട്ടി കൂടുന്നു
മതങ്ങൾ ശിലകളാകുന്നു
ശിലകൾ അടിസ്ഥാനങ്ങളിലേയ്ക്ക്
മരങ്ങൾ ജനലുകളിലേയ്ക്ക്
ജനങ്ങൾ മതം കൊണ്ട് വീട് വയ്ക്കുന്നു
അകത്തു വായുവിനു ശ്വാസംമുട്ട്
പുറത്തു മഴയ്ക്ക്‌ വഴിമുടക്കം
മുകളിൽ ദൈവങ്ങളുടെ ഇടി മുഴക്കം
വെളിയിൽ മതങ്ങളുടെ പ്രലോഭനം
പുഴ പലായനം ചെയ്യുന്നു
പ്രകൃതിക്ക് മനം മാറ്റം
പ്രകൃതി മതം മാറുന്നു;
ബുദ്ധമതത്തോടൊപ്പം പ്രകൃതി
അഹിംസയും വെടിയുന്നു!

Comments

  1. ജനങ്ങൾ മതം കൊണ്ട് വീട് വയ്ക്കുന്നു
    വായുവിനു ശ്വാസം മുട്ടുന്നു
    മഴയ്ക്ക്‌ വഴി മുട്ടുന്നു
    പുഴ പലായനം ചെയ്യുന്നു
    പ്രകൃതി ബുദ്ധമതം വെടിയുന്നു!

    ReplyDelete
    Replies
    1. മുരളീഭായ് ആദ്യ വായനയുടെ അഭിപ്രായത്തിന്റെ ആഹ്ലാദം പങ്കു വയ്ക്കുന്നു നന്ദി സ്നേഹപൂർവ്വം

      Delete
  2. ബൈജു ഭായ്,

    ആനുകാലികങ്ങളിലൊക്കെ വരുന്ന കവിതകളിലുള്ളതിനേക്കാൾ ആഴവും,പരപ്പുമുള്ള ചിന്തയുണ്ട് ഈ കവിതയിൽ.ഒന്നു കൂടെയൊക്കെ മിനുക്കിയാൽ നമ്മുടെ മുൻ നിര പ്രസിദ്ധീകരണങ്ങളിലേക്ക് സധൈര്യം അയച്ചു കൊടുക്കാമായിരുന്നു.അഭിനന്ദനങ്ങൾ


    ശുഭാശംസകൾ....

    ReplyDelete
    Replies
    1. ആഹ അത്രക്കായോ അല്ലെങ്കിൽ വേണ്ട സൌഗന്ധികം വെറുതെ അവരുടെ വേസ്റ്റ് ബോക്സ്‌ നമ്മളായിട്ടു എന്നാത്തിന വൃത്തികേടാക്കുന്നത് പ്രോത്സാഹനം ഇഷ്ടമായി

      Delete
  3. പ്രകൃതി ബുദ്ധമതം വെടിയുന്നു. മതഭ്രാന്ത് കൈലെടുക്കുന്നു.

    ReplyDelete
    Replies
    1. എന്തെങ്കിലും ഒക്കെ സംഭവിക്കും ഏതു മതത്തിലോട്ടാണ് മാറിയതെന്ന് അപ്പോൾ അറിയാം നന്ദി കാത്തി

      Delete
  4. പ്രകൃതിയും അഹിംസയുടെ ബുദ്ധ മതം വിടുന്നു നല്ല ഭാവന പക്ഷേ ഒരല്പം കൂടി അടുക്കും ചിട്ടയും വരികൾക്കുണ്ടായിരുന്നെങ്കിൽ

    ReplyDelete
    Replies
    1. മതം മാറുന്ന തിരക്കിൽ വിട്ടു പോയതാണ് നിധീഷ് എന്തായാലും വായനക്കും അഭിപ്രായത്തിനും നല്ലൊരു നിര്ദേശം പകര്ന്നു തന്നതിന് നന്ദി സ്നേഹം

      Delete
  5. നന്നായിരിക്കുന്നു വരികള്‍
    ആശംസകള്‍

    ReplyDelete
    Replies
    1. ചേട്ടാ നന്ദി സ്നേഹം ഈ പ്രോത്സാഹനത്തിനു

      Delete
  6. പ്രകൃതിയുടെ മതംമാറ്റം !! - ആഹാ - നല്ല നിരീക്ഷണം

    ReplyDelete
    Replies
    1. മാഷെ വളരെ നന്ദി സ്നേഹം ഓരോ വരവും വായനയും അഭിപ്രായവും വളരെ സന്തോഷം

      Delete
  7. പ്രകൃതി എന്നേ മതം മാറി ... ഇല്ലേ ഭായ്..

    മികച്ച ആശയം തന്നെ.. അഭിനന്ദനങ്ങള്‍...

    ReplyDelete
    Replies
    1. ഡോക്ടര തിരക്കിന്റെ ഇടയിലും വായനക്കും അഭിപ്രായം കുറിചിടുന്നതിനും വളരെ നന്ദി സ്നേഹം

      Delete
  8. പുഴ പലായനം ചെയ്യുന്നു
    പ്രകൃതിക്ക് മനം മാറ്റം
    പ്രകൃതി മതം മാറുന്നു;
    ബുദ്ധമതത്തോടൊപ്പം പ്രകൃതി
    അഹിംസയും വെടിയുന്നു! Athe, athe.

    ReplyDelete
    Replies
    1. ഡോക്ടര നന്ദി സ്നേഹം വായനക്ക് അഭിപ്രായത്തിനു പ്രോത്സാഹനത്തിനു

      Delete
  9. പ്രകൃതി തീവ്രവാദിയാകുമോ?
    ചിലപ്പോഴത്തെ കോപം കാണുമ്പോള്‍ അങ്ങനേം തോന്നും

    ReplyDelete
  10. ഇനിയിപ്പോ പ്രകൃതീം കൂടിയേ ഇങ്ങിനെയൊക്കെ ആകെണ്ടതുള്ളൂ.. ശ്ശൊ ..ആലോചിക്കാന്‍ വയ്യ .. പ്രകൃതി പണ്ടൊരു മതം ഉണ്ടാക്കിയിരുന്നു . സ്നേഹത്തിന്റെ ..അതിപ്പോ ചുരുക്കം ചിലരേ പിന്തുടരുന്നുള്ളൂ .. നല്ല കവിത ഇഷ്ടായി ബൈജ്വേട്ടാ ..

    ReplyDelete
  11. പ്രകൃതിക്ക് അഹിംസ വെടിയാതെയിരിക്കാൻ എങ്ങനെ കഴിയും നമ്മൾ പ്രകൃതിയെ അത്രമേൽ ദ്രോഹിക്കുന്നില്ലേ...

    ReplyDelete
  12. പ്രകൃതിയുടെ മതം മാറ്റം.
    ഇതില്‍ കൂടുതല്‍ എന്ത് പറയാനാണ്.
    നല്ല ഭാവന.

    ReplyDelete
  13. philosophical and realistic! very good thought.

    ReplyDelete
  14. സംതുലിതാവസ്ഥ... അത് മുഖ്യമാണ്
    പ്രകൃതിയായാലും മനുഷ്യനായാലും മതങ്ങള്‍ ആയാലും ഒന്ന് ഒന്നിനോടു ചേര്‍ന്ന് വര്‍ത്തിച്ചില്ലെങ്കില്‍ പരിണതഫലത്തിന് വലിയ വില കൊടുക്കേണ്ടി വരും.

    ReplyDelete
  15. ബുദ്ധമതത്തോടൊപ്പം പ്രകൃതി
    അഹിംസയും വെടിയുന്നു

    സത്യമാണ് ഭായി....

    കവിത നന്നായിരിക്കുന്നു ആശംസകള്‍

    ReplyDelete
  16. പ്രകൃതിയുടെ വേഷപകര്‍ച്ച മനോഹരമായി ചിത്രീകരിച്ചു
    പ്രകൃതിയുടെ കുറ്റം അല്ല
    എല്ലാം നാം തന്നെ ഹേതു
    നല്ല ചിന്തകള്‍
    ആശംസകള്‍

    ReplyDelete
  17. എന്തുമാത്രം പ്രകോപിപ്പിച്ചിട്ടാണ് പ്രകൃതി ഈ വിധം മാറാന്‍ നിര്‍ബന്ധിതയാവുന്നത് ..പാവം!

    ReplyDelete
  18. താങ്കളുടെ പതിവുശൈലിയിൽ നിന്ന് വേറിട്ടു നിൽക്കുന്ന കവിത.വിഷയങ്ങൾ മിക്കപ്പോഴും ശൈലിയെ സ്വാധീനിക്കാറുണ്ട്, അല്ലേ?

    ReplyDelete

Post a Comment

ജനപ്രിയ പോസ്റ്റുകൾ

പിന്നിലേക്കെടുപ്പ്

തിരകളുടെ തടി കയറ്റിയ  ലോറി കണക്കേ ഒന്ന് മുന്നോട്ടെടുത്തു കടൽ മുറുക്കങ്ങൾക്ക് പിറകിൽ തിരകൾക്ക് മുകളിൽ കയറിനിന്ന് ചിലയ്ക്കും  പക്ഷിയാവും ഭാഷ അതിൻ്റെ ചിറക് വൃത്തിയാക്കും  പക്ഷി കണക്കേ തൻ്റെ ഓരോ തിരകളും  ജലകൊക്ക് കയറ്റി, വൃത്തിയാക്കി കിടക്കും കടൽ   തൻ്റെ ഓരോ ചലനത്തിനും  മുകളിൽ കയറിനിന്ന് കടൽ അതിൻ്റെ ചിനപ്പ് ചികയുന്നു നനപ്പ് കുടയുന്നു അരികിൽ, സുതാര്യത നോക്കി പിന്നിലേക്കെടുക്കും ജലം ലീപ്പ് ഈയറിൻ്റെ ചാലിലൂടെ  ഒഴുകിപ്പോകും ഫെബ്രുവരി നോക്കിനിൽക്കേ കലയായി  ചന്ദ്രനെ കയറ്റിയ ആകാശം, ഒന്ന് പിന്നിലേക്കെടുക്കുന്നു ഒന്ന് പിന്നിലേക്കെടുക്കും, പെരുന്നാളും അവയുടെ  പിന്നിലേക്കെടുക്കുന്നുണ്ടാവുമോ വഴിയരികിൽ വീടുകൾ അതിലെ ഏതെങ്കിലും പ്രിയപ്പെട്ട ജനാലകൾ പിന്നിലെ രാത്രി ധ്യാനത്തിൻ്റെ സൈഡ് വ്യൂ  മിററിൽ നോക്കി  അതിൻ്റെ നിശ്ചലത പിന്നിലേക്കെടുക്കും ഓരോ ബുദ്ധശിൽപ്പവും ഒരു പക്ഷേ നിശ്ചലതയ്ക്കും പിന്നിലേയ്ക്ക് തീർച്ചയായും ഉണ്ട്,  പിന്നിലേക്കെടുക്കാവുന്ന നിശ്ശബ്ദതകൾ കുയിലുകൾ കൃത്യമായി  അവയുടെ പുള്ളികൾക്കരികിൽ, കൂവും മുമ്പ് ചെയ്ത് വെയ്ക്കുന്നത് ഞാൻ എൻ്റെ ഉടൽ പിന്നിലേക്കെടുക്കുന്നു ഒരു പക്ഷേ ചെയ്ത  എല്ലാ ആദിമരതികളും അതിൽ പ

വികാരനിർഭരമായ ഒരു വിടവാങ്ങൽ

കണ്ഠം ഇടറുമ്പോഴും രാവ് ഒരു പൂവാണെങ്കിൽ സന്ധ്യ അതിന്റെ മൊട്ടാണെന്ന് ഭംഗിവാക്ക് പറഞ്ഞു പിരിയാതെ നിന്നത് ഒരു മൈക്ക് ആകണം കൊളുത്തിയിടപ്പെട്ടത് കൊണ്ട് മാത്രം കൈകൂപ്പി തൊഴുതപ്പോഴും പിടച്ചിട്ടും അണയാതെ കത്തിനിന്ന ദീപമൊരു നിലവിളക്കാകണം കാലിടറുമ്പോഴും നിർത്തിയിട്ടിരുന്ന ഒരു മരത്തിന്റെ ചോട്ടിലേയ്ക്കു കൈപിടിച്ചു കൊണ്ട് വിട്ടത് എന്നോ വിരമിച്ച നരച്ചൊരു പോക്കുവെയിലാകണം പിരിയുമ്പോൾ നിറഞ്ഞ വയസ്സായ കണ്ണിൽ കണ്ണീരിന്റെ കണ്ണട വച്ച് നോക്കിയിട്ടും കാഴ്ചകൾ ഒന്നും തെളിയാതെ നിന്നപ്പോൾ അകലെ നിന്ന് കൈവീശികാണിച്ചതായി തോന്നിയതൊരു ചാറ്റൽ മഴയാകണം അപ്പോൾ കരയുവാനാവാതെ കവിളിൽ തൊട്ടുതലോടിയത് ഒഴുകുവാനാകാതെ തളർന്നു കിടന്നുപോയൊരു  വാതം പിടിച്ച  പുഴയാകണം അപ്പോഴും ഒരു ഈശ്വര പ്രാര്ത്ഥന മുഴക്കിയതായി തോന്നിയത് മഴ മറൊന്നൊരു പഴകിയ വേഴാമ്പലാകണം കാത്തു കിടന്നു മുഷിഞ്ഞപോലെ അവസാനം സമയത്തിന്റെ വിരലുപിടിച്ചു സാവകാശം നിഴലിലേയ്ക്ക് നടന്നകന്നത് സ്വന്തമായി നട്ട ഏതോ മരത്തിന്റെ ഉണങ്ങിയ തണലാകണം എന്നിട്ടും പോകേണ്ടത് എങ്ങോട്ടേയ്ക്കാണെന്നു അറിയാതെ ഇല്ലാത്ത ഒരു രാത്രി വണ്ടിയ്ക്കു ഒറ്റയ്ക്ക് കാത്തു ന

റമദാൻ പുണ്യം

ആകാശം വിശ്വാസിക്ക് സ്നേഹത്തിന്റെ സീമയായ് മേഘം പള്ളിയായി വിശ്വാസിക്ക് തണലുമായ് പിറയായ് നോമ്പായ് സഹനം സ്നേഹമായ് റമദാൻ വൃതമായ്‌ പുണ്യ വിശ്വാസ മാസമായി മനസ്സും ശരീരവും അവനിൽ അർപ്പിച്ച് അവനിയിൽ മോക്ഷം അള്ളാഹു മാത്രമായി മക്കത്തു ഹജ്ജ് സുന്നത്തും മാർഗമായ്‌ ഇഹത്തിലും പരത്തിലും അവൻ നാമം മാത്രമായ് റജബിലും ശഅബാനിലും  നേട്ടങ്ങൾ ഏകി നവമാം മാസത്തിൽ പഞ്ചചര്യയിൽ ഒന്നുമായ്‌ റമദാൻ മാസം വിശുദ്ധമായ് പ്രാർത്ഥനയായ്‌ നന്മകൾ എന്നും ചൊരിയുന്ന  നേരമായി