കാട് കൊണ്ട് കളഞ്ഞിട്ട് വരുന്ന
മരത്തിനെ കാണുന്നു.
കണ്ടെന്ന് നടിയ്ക്കുവാൻ
നടക്കുന്നതിനിടയിൽ ഒരു തൂവൽ
കിളി എന്ന നിലയിൽ കുടഞ്ഞിടുന്നു.
കാടെന്ന് വിളിച്ച്
ജീവിതത്തിലൂടെ നടന്ന
മനുഷ്യനാണ്
ഒരു കിളി വന്നു വിളിച്ചിട്ടും
ശലഭത്തിന്റെ മാത്രം ആതിഥേയത്വം
സ്വീകരിച്ചതോർമ്മയുണ്ട്..
കളയുവാനൊന്നുമില്ലെങ്കിലും
എന്നോ കാടിന്റെ നടപ്പുള്ള ഒരാളായതാണ്
അവളുടെ ചില ചലനങ്ങൾ മാത്രം
തർജ്ജമ ചെയ്ത്
മിടിപ്പുകളായിട്ടുണ്ട്.
അല്ലെങ്കിൽ
കളയുവാനൊരെളുപ്പത്തിന്
എന്നെങ്കിലും മരമോ
മനുഷ്യനോ ആയതാവാം
ഈയിടെയായി
നടക്കുമ്പോൾ
വല്ലാത്തൊരിരമ്പൽ
മൊത്തത്തിൽ
സൈലൻസർ പോലെ
ഉടൽ ഒന്ന് ചരിച്ച്
പണിഞ്ഞുവെയ്ക്കണം..
മൊത്തത്തിൽ
ReplyDeleteസൈലൻസർ പോലെ
ഉടൽ ഒന്ന് ചരിച്ച്
പണിഞ്ഞുവെയ്ക്കണം..