എന്തൊരു ശാന്തതയാണ്
നിന്റെ പേരിന്
വെറുതെയെങ്കിലും
നിന്റെ പേരിന്റെ അരികിൽ
മരിച്ചുപോയി
എന്നെഴുതിവെയ്ക്കാൻ തോന്നുന്നു
അരികിലില്ലാത്ത
കലണ്ടറിൽ
പരതുന്ന ഒരു തീയതി
കഴിഞ്ഞതാവുമോ?
അറിയില്ല
നീ കേൾക്കുന്നത്
തായേ യശോദ എന്ന പാട്ട്
അടുത്തു തന്നെ
വരാനുള്ള
ഒരു തീയതിയിൽ
അറിയാതെ കുരുങ്ങുന്ന
വിരൽ
എന്ത് ഭംഗിയാണ്
നിനക്ക് മരണം
ജീവിച്ചിരിക്കുന്ന ഒരാൾക്ക്
നീ ചേരില്ല
എന്ന് പറഞ്ഞ്
മരിച്ചു എന്ന വാക്കിലേയ്ക്ക്
തീയതിയെഴുതാതെ
തിരിഞ്ഞുനടക്കുന്ന ഞാൻ
അപ്പോൾ
ഞാൻ മരിച്ചാൽ
നീ കരയുമോടാ എന്ന
നിന്റെ ചോദ്യവും,
എന്നെ കരയിപ്പിക്കാനായിട്ട്
നീ മരിയ്ക്കുമോടീ എന്ന
എന്റെ ചോദ്യവും
നീ പോടാ കൊരങ്ങാ
നീ ഓട്രി കൊരങ്ങി
എന്ന വിളികൾക്കിടയിൽ
തമ്മിൽ
ഒരുമ്മയിൽ പുണരുന്നത് കാണുന്നു..
എന്ത് ഭംഗിയാണ് നിനക്ക് മരണം.
ReplyDeleteജീവിച്ചിരിക്കുന്ന ഒരാൾക്ക്
നീ ചേരില്ല.
മരണമില്ലാത്ത പ്രണയം...
ജീവിച്ചിരിക്കുന്ന ഒരാൾക്ക്
ReplyDeleteനീ ചേരില്ല
എന്ന് പറഞ്ഞ്
മരിച്ചു എന്ന വാക്കിലേയ്ക്ക്
തീയതിയെഴുതാതെ
തിരിഞ്ഞുനടക്കുന്ന ഞാൻ