മഴ പെയ്തിരുന്നു
എത്ര പെട്ടെന്നാണ്
നിന്റെ കണ്ണിന് ചുറ്റും
പകലുകൾ മീനുകളായത്
അധികം വരുമോ?
പെട്ടെന്ന് എന്നുള്ള വാക്ക്, എന്ന് ഭയന്നിരുന്നു
ഭയം നിലനിന്നു.
പെട്ടെന്ന് എന്നുള്ള വാക്ക് ഇരുട്ടായി
ആരുടേതുമല്ലാത്ത രാത്രി
ഒറ്റവാക്കിൽ നക്ഷത്രങ്ങൾ
അവ വെളിച്ചം,
വാക്യത്തിൽ പ്രയോഗിച്ചുകൊണ്ടേയിരുന്നു
മറന്നത്
പെയ്തിടത്ത് വെച്ച്,
ആദ്യം പറഞ്ഞ മഴയാണ്
മഴകൊണ്ട് പൂരിപ്പിച്ചത് നിന്നെയാണ്
അത് ഓർത്തെടുക്കുവാൻ
ഇത്രയും പറയേണ്ടി വന്നു...
എന്നുമാത്രം.
മഴയിൽ കണ്ടവൾ
ReplyDeleteവീണ്ടും മഴയാൽ ഓർക്കപ്പെട്ടവൾ