Saturday, 17 September 2016

അവ്യക്തമായ ഉപമയെ പോലൊരു പരിക്ക്

ഒന്നും വ്യക്തമായി കണ്ടില്ല
ഏതോ തുള്ളികൾ ലംബമായി
ഇറ്റുവീഴുന്നത് പോലെ
രണ്ട് മൂന്ന് കിളികൾ
തിരശ്ശീനമായി
പറന്നു പോകുന്നതായി തോന്നി

എന്നിട്ടും
ഇറ്റുവീഴുന്ന തുള്ളികളുടെ ഉപമയിൽ
പറക്കുന്ന കിളികൾ
ചെന്നിടിയ്ക്കുമോ
എന്ന് ഭയപ്പെട്ടു

ഭയന്നാൽ കാണിക്കുവാനുള്ള
കുരിശ് അന്തരീക്ഷത്തിൽ
വരച്ച്
കരുതി വെച്ചിരുന്നു

സൂക്ഷിച്ചു നോക്കുമ്പോൾ
ഇറ്റ് വീഴുന്നതെന്താണെന്ന് നോക്കി
കിളികൾ സുരക്ഷിതമായി
പറന്നു പോകുന്നു

അതിൽ
തിരിഞ്ഞുനോക്കാതെ പറന്ന
മൈനയിൽ നിന്നു മാത്രം
കുറച്ച് കിളികളുടെ തുള്ളികൾ
മഞ്ഞനിറത്തിലിറ്റി
താഴെ നിന്ന എനിയ്ക്കും
മുകളിൽ പറക്കുന്ന കിളിയ്ക്കും
ഒരേസമയം പരിക്കേറ്റിരിയ്ക്കുന്നു!  

2 comments:

  1. ഭയന്നാൽ കാണിക്കുവാനുള്ള
    കുരിശ് അന്തരീക്ഷത്തിൽ
    വരച്ച് കരുതി വെച്ചിരുന്നു

    ReplyDelete