Saturday, 4 February 2017

വിശ്വസിക്കുമോ നീ

ഒരു ചുംബനത്തിനും
പാകമായിട്ടില്ല
എന്റെ ചുണ്ടുകൾ

നിർഭാഗ്യവശാൽ
ഒരു പരിചയത്തിനും
തിരിച്ചറിയുവാനായിട്ടില്ല
എന്റെ ചിരികൾ

ഞാനിന്നും
എന്റെ നൃത്തത്തിന്റെ
ഉറവ

സ്വന്തം ഭ്രാന്തിന്റെ
ഖനി

എന്നിട്ടും അവളിലേക്കുള്ള
ഓരോ വഴിയും
എന്റെ തന്നെ താഴുകളാവുന്നു

താക്കോലുകൾ പോലെ
കിലുങ്ങുന്ന
എന്റെ
കാലടികൾ
നടന്നു തീരുമ്പോൾ
ഓരോ തവണയും
എന്നിലേയ്ക്ക് മാത്രമെത്തുന്നു.

വിശ്വസിക്കുമോ നീ?

നമ്മൾ
ഒരിക്കലും കണ്ടുമുട്ടില്ല
എന്ന തെറ്റ്
എന്നേ
ചെയ്തു കഴിഞ്ഞവർ

ഇനി ചെയ്യുവാൻ
തെറ്റുകളില്ലാതെ
എല്ലാ പരിശുദ്ധിയോടും കൂടി
പ്രണയത്തിന്റെ
നുണയിലേയ്ക്ക്
പുതുക്കപ്പെടുന്നവർ!

5 comments:

  1. പ്രണയത്തിന്റെ നുണയോ???

    ReplyDelete
  2. ഇനി ചെയ്യുവാൻ തെറ്റുകളില്ലാതെ
    എല്ലാ പരിശുദ്ധിയോടും കൂടി പ്രണയത്തിന്റെ
    നുണയിലേയ്ക്ക് എന്നുമെന്നും പുതുക്കപ്പെടുന്നവർ ...

    ReplyDelete
  3. നന്നായിട്ടുണ്ട് കവിത
    ആശംസകള്‍

    ReplyDelete
  4. Viswaasi kyumo née, .hridyam.......

    ReplyDelete