Tuesday, 17 November 2015

അമ്പലമണിയുടെ ഒച്ചയിൽ മുഴങ്ങുന്ന ഇടി

മഴത്തുള്ളിയുടെ
പ്രതിഷ്ഠയുള്ള ക്ഷേത്രത്തിൽ
പ്രദക്ഷിണം വെച്ച്
കുളിച്ചു തൊഴാൻ വരുന്ന
 മഴയാണ് നീ

നീ ചതുരത്തിൽ വെയ്ക്കുന്ന
വലത്തിനെ വലം വെച്ച്
നിന്റെ കൊലുസ്സിന്റെ താളത്തിൽ
ജലമന്ത്രങ്ങൾ ഉരുവിട്ട്
പതിയെയൊരു
 പുഴയൊഴുകുന്നു

നീ ചവിട്ടാതെ ഒഴിഞ്ഞു പോകുന്ന
ഇടങ്ങളിൽ യഥാസ്ഥാനത്ത്
കൊത്തുപണികളോടെ
മേഘങ്ങളിൽ കൊത്തിവെച്ചിരിക്കുന്ന
ബലിക്കല്ലുകൾ

തൊഴുതു മടങ്ങുമ്പോൾ
ശീവേലിക്ക് സമയമായതു പോലെ
അമ്പലമണിയുടെ ഒച്ചയിൽ
ഒരിടി മുഴങ്ങുന്നു!  

5 comments:

  1. നീ ചവിട്ടാതെ ഒഴിഞ്ഞു പോകുന്ന
    ഇടങ്ങളിൽ യഥാസ്ഥാനത്ത്
    കൊത്തുപണികളോടെ
    മേഘങ്ങളിൽ കൊത്തിവെച്ചിരിക്കുന്ന
    ബലിക്കല്ലുകൾ
    ആശംസകള്‍

    ReplyDelete
  2. പെയ്തിറങ്ങുന്നുണ്ടല്ലോ നനവുപകര്‍ത്തും വരികള്‍..
    ആശംസകള്‍..

    ReplyDelete
  3. മഴവില്ല് പോലെ മനോഹരമായ കവിത....
    നന്മകള്‍ നേരുന്നു.......

    ReplyDelete