Monday, 9 February 2015

ഉത്സവം

ഉത്സവം

നമ്മൾ കലണ്ടറിലെ ഒരേ ദിവസം
നീ ആഴ്ച ഞാൻ തീയതി
കലണ്ടറിലെ
താളുകൾ നമ്മുടെ ശ്വാസം തട്ടി
തീപിടിച്ച് മറിയുന്നു

ചന്ദ്ര മരത്തിന്റെ
ചുവട്ടിൽ
നിലാവിന്റെ
തണലിൽ നമ്മൾ

ഞാൻ ഓരോ തവണയും
നിന്റെ വസ്ത്രം
നോട്ടം കൊണ്ട് കരിക്കുന്നു
അരഞ്ഞാണമാക്കുന്നു

നീ ആ ചാരവും വിയർപ്പും
ചേർത്ത്
പാദസരം വളർത്തി
അതിൽ മണി കിളിപ്പിച്ചു
അത് കിലുക്കി
ചിരി ആണെന്ന്
തെറ്റിധരിപ്പിച്ചു
അരയോളം പൈജാമ
തിരികെ വരയ്ക്കുന്നു

നമ്മൾ ഉടൽ കത്തിയ്ക്കുന്നു
നിഴലുകൾ തീ കായുന്നു

ദിവസങ്ങൾ ഉത്സവമാക്കുന്നു

7 comments:

  1. നമ്മൾ ഉടൽ കത്തിയ്ക്കുന്നു
    നിഴലുകൾ തീ കായുന്നു

    ദിവസങ്ങൾ ഉത്സവമാക്കുന്നു

    ReplyDelete
  2. ഉത്സവം തന്നെ

    ReplyDelete
  3. ആദ്യദ൪ശനത്തിലെ ഇഷ്ടപ്പെട്ടു..
    നല്ല ബ്ലോഗ്..
    മുന്നോട്ട് നീങ്ങൂ..

    ReplyDelete
  4. കത്തുന്ന ഉടലിലെ തീ അണയ്ക്കാനായി ഒരു പേമാരി വരണം. അതിനോടൊപ്പം പൈജാമയുടെ പടവും മാഞ്ഞു പോകും.

    ReplyDelete
  5. നിഴലുകൾ തീ കായുന്നു

    ReplyDelete