പിരിയൻ കടൽ

ചരിച്ച്
അത്രമേൽ ചരിഞ്ഞ്
അവളുടെ ഉടലിന്റെപിരിയുള്ള പിരിയൻ കടൽ

ഉടലിൽ പലയിടങ്ങളിൽ
പലതവണ കൊണ്ടു കയറുന്ന
പിരിയൻ ദിവസം

ഞാനൊരു
വരയൻ പുലരി
കാടിന് പുറത്ത്
അവളുടെ കാലടിപ്പാടുകൾ
കിടന്നു കിടന്ന് ശംഖുകളാവുന്ന
കടപ്പുറം

ഉണർന്ന്
എണീറ്റ് നിന്ന്
ഒരു മരമാവുന്നു

കിടന്ന് അതിന്റെ വേരും

തണൽ മാത്രം
സൂര്യൻ ചുമന്ന് കൊണ്ടുവരുന്നു

ചുവരിൽ നിന്നിറങ്ങി
ആ തണലിൽ ചാരിയിരിയ്ക്കുന്ന
ഇടംകൈയ്യൻ കലണ്ടർ

ആണി ഒരു ബസ് സ്റ്റാൻഡാവുന്നു...