Thursday, 5 May 2016

മേൽവിലാസം

വളരെ പ്രാകൃതമായി
അയ്യേ എന്നു തോന്നും വണ്ണം
ചുണ്ടിനും നാവിനും ഇടയിൽ വെച്ചൊട്ടിച്ച
ഒരു പഴയ കത്തിലെ
നനഞ്ഞു പോയ
മേൽവിലാസമാണ്
ഞാൻ

നീ സ്റ്റാമ്പായി
ഒട്ടിച്ച കടലിലെ,
തിരമാലകൾ
ഉള്ളടക്കം പോലെ
എന്നോ എന്റെയുള്ളിൽ
കടന്നു കൂടിയിട്ടുണ്ട്

ഇന്നെന്താ വിശേഷം
എന്നുള്ള നിന്റെ
മീൻ മണമുള്ള
വീട്ടമ്മചോദ്യത്തിന്റെ മുമ്പിൽ
ഒന്ന് വിയർത്ത്
തോർത്ത് മുറുക്കിക്കെട്ടി
നിന്റെ മുന്നിൽ
ഞാൻ
കുടഞ്ഞിടുന്ന
പുഴ
കടൽ
മഴ, കായൽ, കുളം


അങ്ങിനെ
ധാരാളം കള്ളം പോലുള്ള
വെള്ളങ്ങൾ!

2 comments:

  1. വെള്ളം പോലെയാണല്ലോ കള്ളങ്ങൾ വന്ന് നിറയുന്നത്

    ReplyDelete
  2. വെള്ളം പോൽ കള്ളങ്ങളുള്ള ഓളം തള്ളൽ

    ReplyDelete