Skip to main content

ചന്ദ്രന്റെ പരീക്ഷ

എത്ര രാത്രികൾ
നിലാവത്ത് ഉറക്കമൊഴിഞ്ഞ്
പഠിച്ചിട്ടും
പൌർണമി പരീക്ഷയ്ക്ക്
വെട്ടത്തിന് ഉയർന്ന നിലയിൽ
വിജയിച്ചിട്ടും
 അമാവാസി പരീക്ഷയ്ക്ക്
ഇരുട്ടിന്റെ  മാർക്ക്
ചന്ദ്രന് എന്നും
വട്ട പൂജ്യം 
Labels:

Comments

  1. സലീം കുലുക്കല്ലുര്‍12 June 2014 at 11:30

    നല്ലൊരു ചിന്ത ..നന്നായി ....!

    ReplyDelete
  2. സൗഗന്ധികം12 June 2014 at 12:13

    എന്തായാലും കവിതയെഴുത്തിൽ ങ്ങക്ക്‌ നൂറു മാർക്കാ ഭായ്‌.. :)

    വളരെ ഇഷ്ടമായി


    ശുഭാശംസകൾ.....

    ReplyDelete
  3. Pradeep Kumar12 June 2014 at 17:54

    സൈബർ സ്പെയിസിലെ പുതിയ കുഞ്ഞുണ്ണിക്കവിതകൾ

    ReplyDelete
  4. Cv Thankappan12 June 2014 at 18:55

    കവിയ്ക്ക് ഫുള്‍മാര്‍ക്ക് നല്‍കുന്നു!
    ആശംസകള്‍

    ReplyDelete
  5. Nidheesh Varma Raja U12 June 2014 at 20:27

    nannayirikkunnu aasamsakal

    ReplyDelete
  6. ajith12 June 2014 at 20:49

    വട്ടപ്പൂജ്യം അത്ര ചെറുതൊന്നുമല്ലെന്ന് പറഞ്ഞ് ആശ്വസിക്കുന്നു ചന്ദ്രന്‍

    ReplyDelete
  7. പട്ടേപ്പാടം റാംജി13 June 2014 at 14:06

    പരീക്ഷകള്‍

    ReplyDelete
  8. Aneesh chandran14 June 2014 at 17:25

    അതു കാലത്തിന്റെ കീഴ്‌വഴക്കം അതിനെ നോക്കി കണ്ട ഈ രീതി വളരെ ഇഷ്ടപ്പെട്ടു.

    ReplyDelete
  9. Dr Premakumaran Nair Malankot15 June 2014 at 17:16

    Sariyaanu.
    Aasamsakal.

    ReplyDelete
  10. Aarsha Abhilash16 June 2014 at 22:13

    ആഹാ !! സ്നേഹം മാത്രം പങ്കു വെക്കുന്നു..

    ReplyDelete
  11. Muralee Mukundan , ബിലാത്തിപട്ടണം 18 June 2014 at 02:16

    അമാവാസി പരീക്ഷയ്ക്ക്

    ചന്ദ്രന് എന്നും വട്ട പൂജ്യം ...!

    ReplyDelete

Post a Comment

ജനപ്രിയ പോസ്റ്റുകൾ

വഴിതെറ്റൽ

തെറ്റിച്ചു പെയ്ത ഒരു മഴയുടെ കിടക്കയിൽ തെറ്റി കിടക്കുന്നു നമ്മൾ നനയണോ ഉണങ്ങണോ എന്ന് ചോദിച്ചു ഉരുണ്ടു കളിക്കുന്നുണ്ട്  ഉടലുകൾ അപ്പോൾ നമ്മളിൽ നിന്ന് മാറിക്കിടന്ന  വസ്ത്രവികാരങ്ങൾക്ക് വെയിൽ തീ  പിടിപ്പിക്കുകയായിരുന്നു  ഉള്ളിൽ നമ്മൾ വലിയ്ക്കാത്ത ഒരു പുക വഴി ചോദിച്ചു വഴി തെറ്റി വന്ന ഉടനെ വഴി പിഴയ്ക്കുന്നു നമ്മൾ ഇനി കണ്ണടച്ച് നമുക്ക് പ്രാർത്ഥിക്കാം ഈശ്വരാ വഴി പിരിയാതിരിക്കട്ടെ  തമ്മിൽ 
50 comments
Read more

സാക്ഷ്യപ്പെടുത്തൽ

സൂര്യൻ തന്റെ രശ്മികൾ കൊണ്ട് വെയിൽ വരയ്ക്കുന്നു ഭൂമിയത്  വേനൽ എന്ന കവിതയായി തെറ്റിച്ചു വായിക്കുന്നു സൂര്യൻ നാണിച്ചു വെയിൽ നനച്ചു;  മായ്ച്ചു കളയുന്നു ഭൂമിയത് മഴ എന്ന ഒരു  ചിത്രമായി ആസ്വദിച്ച് കറങ്ങീടുന്നു  മരം ഇലകൾ കൊണ്ട് ഈ കാഴ്ചകൾ കണ്ടു രസിച്ചീടുന്നു ചെടികൾ അതിനെ കാറ്റെന്നു വിളിച്ചു കളിയാക്കുന്നു കാറ്റ് ലജ്ജിച്ചു കടൽ വെള്ളത്തിൽ ഒളിച്ചു കളിച്ചീടുന്നു  ശാസ്ത്രം അതിനെ തിരമാല എന്നു വിളിച്ചു, തെളിയിക്കുന്നു ഇതെല്ലാം  വിശ്വസിക്കുന്നവരെ സമൂഹം മനുഷ്യരെന്നു കരുതുന്നു നല്ലമനുഷ്യരെ മതങ്ങൾ ദൈവങ്ങൾ എന്ന് തെറ്റിദ്ധരിക്കുന്നു ദൈവങ്ങൾ യുക്തി വച്ച് ചെകുത്താനിൽ ഒളിക്കുന്നു... ചെകുത്താൻ  അന്ധമായി പുരോഹിതരെ വിശ്വസിച്ചീടുന്നു സുഖിക്കുവാൻ പണം നിർബന്ധമുള്ള പുരോഹിതർ  പണത്തിനു വേണ്ടി ചെകുത്താനെ ദൈവം എന്ന് സാക്ഷ്യപ്പെടുത്തിക്കൊടുക്കുന്നു!
47 comments
Read more

നട തള്ളൽ

അമ്മയെ പിഴിഞ്ഞ്; ആദ്യം എടുത്തത്‌ , മുലപ്പാലായിരുന്നു. പിന്നെ പിഴിഞ്ഞപ്പോൾ; കിട്ടിയത്, പിരിഞ്ഞിരുന്നു; എങ്കിലും അത്; വിലപിടിപ്പുള്ള- സ്വത്തായിരുന്നു.. പിഴിഞ്ഞ് പിഴിഞ്ഞ്; പീര പോലെ, കീറി തുടങ്ങിയപ്പോഴാണ്; പഴന്തുണി... എന്ന പരിഗണന, കൊടുത്തു തുടങ്ങിയത്.. പിന്നെ അറിയാതെ- എടുത്തു തുടച്ചപ്പോൾ, ഇല്ലാതായത്; സ്വന്തം മുഖമായിരുന്നു. എന്നിട്ടും, കണ്ടത്; കണ്ണുനീരായിരുന്നു.. അത് ഉണങ്ങാനായിട്ടായിരുന്നു... ഏതോ അമ്പലനടയിൽ, വിരിച്ചിട്ടു മറന്നു പോയത്!
32 comments
Read more