Friday, 17 April 2015

ഒരാളിറങ്ങുന്നു അഥവാ കുറേ ആളുകൾ ഉറങ്ങുന്നു

പുഴ
അതിന്റെതല്ലാത്ത കര
വഞ്ചി
അതിന്റേത് മാത്രമായ പുഴ
വഞ്ചിയുടേതു മാത്രമല്ലാത്ത
ഉലച്ചിൽ
അതിന്റെ ഇല്ലാത്ത ചുവരിൽ
ചില്ലിട്ടു വച്ചിരിക്കുന്ന
പുഴയുടെ ചിത്രം
ആ ചിത്രത്തിൽ കാണപ്പെടുന്ന
ഉണങ്ങിപ്പോയ മരം
അതിന്റെ ചില്ലയിൽ പ്രതിഫലിക്കുന്ന
ഒരു കിളിക്കൂടിന്റെ രൂപം
അതിൽ കിളിയിട്ടു കൂട്ടിയിരിക്കുന്ന
വിരിയാത്ത മുട്ടകൾ
അടയിരിക്കാൻ മറന്നു
പറന്നുപോയ ഏതോ കിളി
വഞ്ചി ഉലയാത്ത
ഏതോ ദുർബല നിമിഷത്തിൽ
എന്തോ ഓർത്തപോൾ
പറന്നുവരുന്ന അതേ കിളി
ഒരു മീൻ കൊത്തിയെടുക്കുന്നു
പറക്കുന്നു
പിടയ്ക്കുമ്പോഴും
ആ മീൻ വിടാതെ
കടിച്ചു പിടിച്ചിരിക്കുന്ന പുഴ
അതിൽ
ഒന്നും അറിയാതെ നീന്തുന്ന
അതേ മീനിന്റെ കുഞ്ഞുങ്ങൾ
ഒന്നുലഞ്ഞു അപ്പോഴും
അതിലുള്ള അതേ വഞ്ചി
ആ വഞ്ചിയിൽ
അത് വരെ ഇല്ലാതിരുന്ന ഒരാൾ
കട്ടിലിൽ ഉറങ്ങി കിടന്നിരുന്ന ഒരാൾ
പെട്ടെന്ന് കട്ടിലിൽ ഒന്നുലഞ്ഞു
മുട്ട വീണുടയുന്ന
ശബ്ദം കേട്ട് ഞെട്ടിയുണർന്നയാൾ
ആ വഞ്ചിയിൽ ഉണ്ടായിരുന്നത് പോൽ
എണീറ്റ്‌ ഉറക്കെ
വിളിച്ചു പറയുന്നു
ഒരാളിറങ്ങണം

8 comments:

  1. ബൈജുവിന്റെ ചില രചനകള്‍ എന്റെ ഭാവനയ്ക്ക് പിടിതരാത്ത ഉയരങ്ങളിലാണ്!

    ReplyDelete
  2. പലപ്പോഴും എനിക്ക് മനസ്സിലാകാറേയില്ല....
    വിഷുആശംസകൾ....

    ReplyDelete
  3. അതൊരു സ്വപ്നമായിരുന്നോ?

    ReplyDelete
  4. മൂന്നാംതവണയാണ് കയറുന്നതുംഇറങ്ങുന്നതും...
    ആരുംതന്നെ ഉണര്‍ന്നെണീക്കുന്നില്ല...........
    ആശംസകള്‍

    ReplyDelete
  5. ഉയിര്‍ത്തെഴുന്നേല്‍ക്കട്ടെ!! (ആളെ കാണാനില്ലാലോ!)

    ReplyDelete
  6. ഒരാളിറങ്ങണം.................

    ReplyDelete
  7. പിടയ്ക്കുമ്പോഴും
    ആ മീൻ വിടാതെ
    കടിച്ചു പിടിച്ചിരിക്കുന്ന പുഴ
    അതിൽ
    ഒന്നും അറിയാതെ നീന്തുന്ന
    അതേ മീനിന്റെ കുഞ്ഞുങ്ങൾ

    ReplyDelete