നമ്മൾ അരക്കെട്ടുകളുടെ രണ്ട്
മ്യൂസിയങ്ങൾ
അതിൽ
ചലനങ്ങളാൽ ഉരുക്കിയൊഴിക്കപ്പെട്ട
നൃത്തത്തിന്റെ രണ്ടുകറുത്തീയങ്ങൾ
അതിൽതന്നെ
നീ എന്നോ
ഉരുകിയൊലിയ്ക്കുന്ന
ഈയക്കറുപ്പ്
വെയിലിന്റെ വക്കത്ത് വെച്ച്
ഉരുക്കി
ഉടലിന്റെ പുറത്തേയ്ക്ക്
കൊണ്ടുകളഞ്ഞ
മായ
അന്നുമുതൽ
നീ
എന്നോ എന്ന വാക്കിന്റെ കായ
ഞാൻ എന്നോ എന്ന വാക്ക്
പൊളിച്ചു നോക്കുമ്പോൾ
അതിൽ നിന്നും
എന്നും കിട്ടുന്നു
ഇന്ന്
തെറ്റാകാം
ശരിയാകാം
നീ എന്നോ ചെയ്ത
ആത്മഹത്യയാകുന്നു
ഞാൻ.
Comments
Post a Comment