ഒറ്റപ്പെടാതിരിക്കുവാനുള്ള ഗുളിക പതിവായി ഓരോന്ന് വെച്ച് കഴിക്കേണ്ട ഒരാൾ കൂടുതൽ ഒറ്റപ്പെടൽ അനുഭവപ്പെടുന്ന ഒരു ദിവസം കഴിക്കേണ്ട ഗുളികയുടെ പകർപ്പുകൾ ഒറ്റയ്ക്കിരുന്ന് അയാൾ എടുത്തുകൂട്ടുന്നു അയാളറിയാതെ ഗുളിക എടുക്കുന്ന പല പല രോഗത്തിന്റെ കൂടുതൽ പകർപ്പുകൾ രോഗി എന്ന നിലയിൽ അയാൾക്ക് സൗജന്യമായി കിട്ടുന്ന കൂടുതൽ കൂടുതൽ ഏകാന്തത ഒറ്റപ്പെടാതിരിക്കുവാൻ ചന്ദ്രന്റെ ഗുളിക കഴിച്ച് വിശ്രമിക്കുന്ന രാത്രി ഇരുട്ടിൽ കൂട്ടംകൂട്ടമായ് തിളങ്ങുന്ന നക്ഷത്രങ്ങൾ ഒരു കവിൾവെള്ളത്തിൽ മുങ്ങി രണ്ടിറക്ക് പൊങ്ങി എന്നത്തേയും പോലെ അന്നും അയാൾ ഉറങ്ങാൻ കിടക്കുന്നു ഉറക്കത്തിന്റെ ഒരു കൂട്ടം അതിൽ പല നിറങ്ങളിൽ സ്വപ്നങ്ങളുടെ പല പല കൂട്ടങ്ങൾ അതിലൊരു സ്വപ്നത്തിൽ അയാളൊരു ഒറ്റപ്പെട്ട കുട്ടിയാകുന്നു മുലപ്പാൽ നിറഞ്ഞ മാറിടങ്ങളുമായി വാൽസല്യം ഒഴുകുന്ന താരാട്ടുമായി അമ്മമാരുടെ ഒരു കൂട്ടം അതേ സ്വപ്നത്തിൽ അയാളുടെ ചുറ്റും പ്രത്യക്ഷപ്പെടുന്നു!
'നി'ശ്വാസം ഒരു ചെറിയ ആശ്വാസത്തിന് ...