പുരാതനമായ കവിതകളെടുക്കുന്ന
ഒരാക്രിക്കാരനാകുന്നു
വാക്ക്
അത് ഞാനെടുക്കുന്നു
ഇടയ്ക്കൊക്കെ ഞാനാകുന്നു
ചിലപ്പോഴൊക്കെ
ഞാനവിടെയുണ്ടോ
എന്നത് വിളിച്ചുനോക്കുന്നു
വിളികേൾക്കുന്നതൊക്കെ
നീ
2
നീ
പഴയനൃത്തങ്ങൾ കൊടുക്കുവാനുണ്ടോ?
എന്ന് പുറത്തുനിന്നെവിടെയോ
വിളിച്ചുചോദിയ്ക്കുന്ന
ഒരുത്തി
ഞാൻ പഴയ നടത്തങ്ങൾ മാത്രം
കൊടുക്കുവാനുള്ള ഒരാൾ
ഉള്ളുമുഴുവൻ
കൊടുക്കുവാനുള്ളത് പോലെ
ഞാൻ പുറത്തേയ്ക്കിറങ്ങുന്നു
പഴയനടത്തങ്ങളെടുക്കുമോ?
വിളിച്ചുചോദിയ്ക്കുന്നു ഞാൻ
ചോദ്യം കൊണ്ട് ഞാനൊരു കുഞ്ഞ്
വാക്കുകൾ കൊണ്ടെന്നെ വാരി
നോക്കുകൾ കൊണ്ടെന്നെ കോരിയെടുക്കുന്ന
നീ
നീ നൃത്തത്തിന്റെ അമ്മ
നോട്ടം കൊണ്ട് നീ പഴയ
കെട്ടുപോയ തീകൾ
എടുത്തിരുന്ന
വീട്ടമ്മ
കെട്ടിട്ടില്ല
അതേപോലെ
പൊള്ളുന്ന
നിന്റെ ഉടൽ
ഞാൻ കൊടുത്ത വാക്കുപോലെ
ഒക്കത്തൊരു കുഞ്ഞ്
ഇപ്പോൾ
അവളും ഒരാക്രിക്കാരി
പഴയ പ്രണയങ്ങൾ
കൊടുക്കുവാനുണ്ടോ???
അതാണവളുടെ
ഇപ്പോഴത്തെ ഉറക്കെയുള്ള
ചോദ്യം!
ചോദ്യം കൊണ്ട് ഞാനൊരു കുഞ്ഞ്
ReplyDeleteവാക്കുകൾ കൊണ്ടെന്നെ വാരി നോക്കുകൾ
കൊണ്ടെന്നെ കോരിയെടുക്കുന്ന നീ നോട്ടം കൊണ്ട്
നീ പഴയ കെട്ടുപോയ തീകൾ എടുത്തിരുന്ന വീട്ടമ്മ ..!