Skip to main content

കൗതുകത്തിൻ്റെ കലപ്പകൾ

ജീവിതത്തോടുള്ള കൗതുകം നഷ്ടപ്പെടാതിരിക്കുവാനായി വേണ്ടി മാത്രം

കൗതുകം, 
ഇനിയും ഒട്ടിക്കാത്ത 
ഒരു വശം, ഒരു മൂല ജലമായ സ്റ്റാമ്പായി,
സങ്കൽപ്പിച്ചു നോക്കി

മേൽവിലാസങ്ങളുമായി, 
കലഹിക്കും
ഒരു തപാൽ ഉരുപ്പടിയാകും 
ദുഃഖം.

പതിയേ
പ്രണയസുഷിരങ്ങളുള്ള ഒരു സ്റ്റാമ്പായി

നനഞ്ഞാൽ ഒട്ടാവുന്ന പശ,
ഒരു വശത്ത്
ജലത്തിൻ്റെ പതിവുകൾ 
മറുഭാഗത്ത്

ഒരു മേൽവിലാസമായിരുന്നോ ഭ്രമണം
ഒരു തപാൽഉരുപ്പടിയായിരുന്നോ ബുദ്ധൻ എന്നൊക്കെ സംശയിച്ചു നോക്കി

പ്രണയത്തിൻ്റെ തീപ്പൊരി ചിതറും ഇടങ്ങളിൽ
ചുണ്ടോട് ചേർത്ത് 
ഒരു പിൻകഴുത്ത്,
വെൽഡ് ചെയ്ത് ചേർക്കാവുന്ന വിധം
കൗതുകങ്ങളുടെ വെൽഡറാവുകയായിരുന്നു

കുരുവി അതിൻ്റെ ചുണ്ടിനെ
പൂക്കളോട് ചേർക്കുമ്പോൾ
അരക്കെട്ടിൻ അരികിലേ
വിരിഞ്ഞ ചെമ്പരത്തികൾ
കൗതുകങ്ങളിലേക്ക് ചിതറും
വിധം

അവൾ ടാറ്റുവിൻ്റെ ചകിരിയിൽ
പിൻ കഴുത്തിൽ ഓർക്കിഡ് പുഷ്പങ്ങൾ നട്ടുവളർത്തുന്നവൾ

ചകിരിയും ടാറ്റുവും 
ഓർക്കിഡ് പുഷ്പനിറങ്ങളിൽ
അവളുടെ പിൻകഴുത്തിൽ
വന്ന് വിരിയുന്നു

ധ്യാനത്തിൻ്റെ ടാറ്റു ചെയ്ത ബുദ്ധൻ
ആകാശത്തിൻ്റെ ടാറ്റു ചെയ്ത
അവളുടെ നാഭിക്കരികിലെ കിളി

ഇലകൾ വകഞ്ഞ് 
അടിവയറിനോട് ചേർന്ന് അതിൻ്റെ ചേക്കേറൽ ചില്ലകൾ
ചേക്കേറാൻ നേരം അവൾ പക്ഷിക്ക് മന:പൂർവ്വം എന്ന വണ്ണം
വാക്കുകളുടെ കലഹമൂട്ടുന്നു
ചില്ലയുലയ്ക്കുന്നു

അടിവയറ്റിൽ അവൾ അത്
ചില്ലകൾ പകുത്ത് കൗതുകം ചേർത്ത്
പച്ചകുത്തുന്നു
ചുണ്ടിൻ്റെ, തൂവലുകളുടെ ടാറ്റു ചെയ്ത
പക്ഷിയാവും സമയം

പൂക്കൾ ചെയ്യും വിധം
അതിൻ്റെ ഇടങ്ങളിൽ ടാറ്റുവാകുന്നുണ്ടാവും തേനും

എനിക്കൊരു ചില്ല
കുരുവിക്കൊരു ചില്ല എന്നവൾ

കൗതുകമേ
ഞാൻ ഒരു കുരുവിയല്ല
എന്നിട്ടും ഞാൻ 
കൗതുകത്തിനായി മാത്രം
തൂവലുകൾ അഴിയും
കുരുവിക്കുപ്പായങ്ങൾക്കരികിൽ
അവൾക്കുമൊപ്പം
കുരുവികൾക്കുമോപ്പരവും
ഞാൻ ചേക്കറലുകൾ പരിശീലിക്കുന്നു

കിളികളുടെ ചേക്കേറൽ മാഫിയ
അവകളിലെ കലപിലകളുടെ ടാറ്റു

തിരുക്കുറൽ കുറുകും ഇടങ്ങളിൽ
വൈകുന്നേരങ്ങൾ വൈകും വിധം
നാല് മണികളുടെ ചിതറൽ

ഉപയോഗിക്കാവുന്ന വിധം
ഭാഷ ലളിതമാകുമ്പോൾ
മിടുപ്പുകളുടെ ലിപികളിൽ
മാറിടം ഭാഷയാകുന്നു
അവൾ മാറിടം ചാരുന്നു
കാത് കൗതുകത്തോട് ചേർക്കുന്നു

നാലുമണികളിൽ നിന്നും 
അന്നും മൈനകൾ വൈകിപ്പുറപ്പെടുന്നു
ചുണ്ട് നനച്ച്
കൗതുകത്തിൻ്റെ കാതിൽ,
നീയും എന്നെഴുതിയാൽ
നീയും മൈനയായി എന്നവൾ

സൂര്യൻ്റെ വേനൽച്ചാറ്
കാൽ നനയാതെ പക്ഷികൾ,
ആകാശം കടക്കും വിധം
പക്ഷിയുടെ ഉയർത്തിപ്പിടിച്ച കാലുകൾ

നീല ഒരു കാലാണെങ്കിൽ
ആകാശം ഒരു പാവാടയാകുന്നു
ശബ്ദവും രോമവും ഇടകലരും
ഇടങ്ങളിൽ,
എവിടെ
ശബ്ദം ഇറ്റിതോർന്ന കൊലുസ്സുകൾ?
എന്നെൻ്റെ കൊറ്റികൾ!

when rain becomes a declaration
'Comfortably wet'
it becomes a choice whether to rain
or wet

ചന്ദ്രൻ്റെ കലപ്പ
ശൂന്യതയിൽ ആകാശം കൃഷി ചെയ്യുന്ന
പക്ഷികൾ
നീലയുടെ ആദ്യ ഇല
അതിൽ തൊടും പക്ഷികൾ
എന്നെൻ്റെ കൗതുകത്തിൻ്റെ കലപ്പകൾ!

Comments

ജനപ്രിയ പോസ്റ്റുകൾ

സാക്ഷ്യപ്പെടുത്തൽ

സൂര്യൻ തന്റെ രശ്മികൾ കൊണ്ട് വെയിൽ വരയ്ക്കുന്നു ഭൂമിയത്  വേനൽ എന്ന കവിതയായി തെറ്റിച്ചു വായിക്കുന്നു സൂര്യൻ നാണിച്ചു വെയിൽ നനച്ചു;  മായ്ച്ചു കളയുന്നു ഭൂമിയത് മഴ എന്ന ഒരു  ചിത്രമായി ആസ്വദിച്ച് കറങ്ങീടുന്നു  മരം ഇലകൾ കൊണ്ട് ഈ കാഴ്ചകൾ കണ്ടു രസിച്ചീടുന്നു ചെടികൾ അതിനെ കാറ്റെന്നു വിളിച്ചു കളിയാക്കുന്നു കാറ്റ് ലജ്ജിച്ചു കടൽ വെള്ളത്തിൽ ഒളിച്ചു കളിച്ചീടുന്നു  ശാസ്ത്രം അതിനെ തിരമാല എന്നു വിളിച്ചു, തെളിയിക്കുന്നു ഇതെല്ലാം  വിശ്വസിക്കുന്നവരെ സമൂഹം മനുഷ്യരെന്നു കരുതുന്നു നല്ലമനുഷ്യരെ മതങ്ങൾ ദൈവങ്ങൾ എന്ന് തെറ്റിദ്ധരിക്കുന്നു ദൈവങ്ങൾ യുക്തി വച്ച് ചെകുത്താനിൽ ഒളിക്കുന്നു... ചെകുത്താൻ  അന്ധമായി പുരോഹിതരെ വിശ്വസിച്ചീടുന്നു സുഖിക്കുവാൻ പണം നിർബന്ധമുള്ള പുരോഹിതർ  പണത്തിനു വേണ്ടി ചെകുത്താനെ ദൈവം എന്ന് സാക്ഷ്യപ്പെടുത്തിക്കൊടുക്കുന്നു!

കഴുത്തിലെ കിണർവെള്ളത്താലി - കവിതാ ടാക്കീസിൽ

കവിതാ ടോക്കീസിൽ കഴുത്തിലെ കിണർവെള്ളത്താലി, ഒഴുകിയിറങ്ങുമിടം എൻ്റെ കൊളുത്തുള്ള ദാഹം അതും ഉടൽകൊളുത്തുള്ള  കൊഴുത്തദാഹം എല്ലാ മഴയുടലുകളും ഭേദിക്കുന്നു മേൽമറയില്ലാത്ത കിണർ കഴിഞ്ഞ്  അതിൻ്റെ ആഴങ്ങൾ കഴിഞ്ഞ് നാലുമണി കപ്പിയും  അതിന് മുമ്പുള്ള കപ്പിയില്ലാത്ത കാലവും കഴിഞ്ഞ് എണ്ണയില്ലാത്ത വരൾച്ചയും വരൾച്ചയുടെ കറക്കവും അതിൻ്റെ കറകറ ശബ്ദവും കഴിഞ്ഞ് പഴയകാല പാള  കിണറ്റിൽ വീഴുന്നതിൻ്റെ  ഭാരമില്ലായ്മയും കഴിഞ്ഞ് കിണർ വെള്ളത്തിലെ തണുപ്പും സന്ധ്യകലർന്ന ഇരുട്ടും പുലർകാലവും  പാളയിലേക്ക് കയറും അനുഭവവും കഴിഞ്ഞ് കോട്ടിയ പാളയുടെ ഭാരമില്ലായ്മ വെള്ളത്തിലേക്കും വെള്ളത്തിൻ്റെ തെളിഞ്ഞ ഉപരിതലം ചരിഞ്ഞ് പാളയിലേക്കും കയറിയതിന് ശേഷം പന്നലിൻ്റെ ഇലകളും  പായലിൻ്റെ വഴുക്കലും  ഇടിഞ്ഞ തൊടികളും ഇനിയും ഇടിയാത്ത തൊടികളും കഴിഞ്ഞ് ആശാൻ കവിതയിലെ ദാഹവും മലയാള കവിതയിലെ ദേഹിയും കഴിഞ്ഞ് ബുദ്ധഭിക്ഷുവായി ജലം മുകളിലേക്ക് കയറിവരുന്നിടത്ത് ദേഹിയായി ദാഹം അപ്പോഴും തുടരുന്നിടത്ത് ശരിക്കും ആനന്ദൻ എന്ന് ദാഹവും മാതംഗി എന്ന് ദേഹിയും ഒരിക്കലും കഴിയുന്നില്ല അവ ഒഴുകുക മാത്രം, ചെയ്യുന്നു  ഒരു പക്ഷേ ഇന്നും ...

അവധിയുടെ കുതിരകൾ കലണ്ടറിൽ

അവധികൾ ശരീരത്തിൽ  പ്രവേശിക്കും വിധം കലണ്ടറിലെ ശൂന്യസ്ഥലികൾ തീയതികൾ ഇനിയും പച്ചപ്പെടാനുള്ള ഇലകളുടെ വെപ്രാളം എടുത്തണിഞ്ഞ അവയുടെ ശാന്തവള്ളികൾ അവധികളുടെ ഉടലുള്ള കുതിര കലണ്ടറിൽ അതിൻ്റെ അടയാളപ്പെടുത്തൽ അക്കങ്ങളിൽ, നിറങ്ങളിൽ ഒരു കടൽക്കുതിരയുടെ ചലനം തീയതി കലണ്ടറിൽ  അടയാളപ്പെടുത്തും വിധം അതിൻ്റെ ചലനങ്ങളുടെ  നിധിയിൽ നിന്നും ഒരു ചലനം  എൻ്റെ കവിത കട്ടെടുക്കുന്നു അവധികളും  കടൽക്കുതിരയുടെ ചലനങ്ങളും  എന്ന വിഷയത്തിൽ ഇനിയും പൂർത്തിയാകാത്ത  എൻ്റെ പഠനം പൂർത്തിയാകുന്നില്ല ചലനങ്ങളും അപ്പോഴും ജീവിതത്തിൻ്റെ നിശ്ചലതക്ക് കടൽക്കുതിരയുടെ ആകൃതി വരച്ചുകൊടുക്കുന്നുണ്ട് ഞാൻ അവയുടെ ചലനങ്ങൾക്കരികിൽ വെറുതേയിരിക്കുന്നുണ്ട് ഞാൻ ചലനത്തിൻ്റെ കൈയ്യിൽ, മൈലാഞ്ചി ഇട്ടുകൊടുക്കുന്നത് പോലെ അത്രയും സൂക്ഷമമായി തന്നെ ഓരോ തിരയും കടലിൻ്റെ കുതിര എന്നായി, അപ്പോൾ എൻ്റെ നിശ്ചലത ഞാൻ നാവികൻ വേനലെൻ്റെ കപ്പൽപ്പായ എന്നാശ്വസിക്കുവാൻ എനിക്കുമായിട്ടുണ്ട് നാവികനിലേക്ക് ഉള്ള എൻ്റെ ആയങ്ങൾ അപ്പോഴും ഉടൽ അതിൻ്റെ കരയിൽ അനിയന്ത്രിയമായി നിയന്ത്രിക്കുന്നു കിടന്ന് കിടന്ന് ഉലച്ചിലിൻ്റെ അടിവശം തുരുമ്പിച്ച കപ്പൽപോലെ കവിത എല്ലാ...