നിശ്ശബ്ദതയുടെ ഷവറിൽ
കുളിക്കുന്നത് പോലെ
ഒഴുകിവരും ജീവിതത്തിന്
കീഴിൽ
കൊണ്ടുനിർത്തുന്നു
കുളിക്കുന്നു,
തലകുടയുന്നു
ആനന്ദിയ്ക്കുന്നു
എന്റെ മഞ്ഞുകാലം.
ഉടലില്ലായ്മയെ,
ശൂന്യതയെ തോർത്തിയെടുക്കുന്നു
അതിൽ
ഒരു ദിവസത്തെ പുലരി.
സൂര്യനെ
കുളിപ്പിച്ചെടുക്കും കിളികൾ
തൂവലുകൾ ഉഴിഞ്ഞ്
പാടും പാട്ടും വകഞ്ഞ്
ചാഞ്ഞും ചരിഞ്ഞും നോക്കി
കുത്തിക്കൊടുക്കും,
പൊട്ടിന്നരികിലിരിയ്ക്കുകയാവും
ഇപ്പോൾ അവളുടെ
ഏകാന്തത.
ഏകാന്തതക്ക് തുടക്കം കുറിക്കുന്ന പുലരി
ReplyDelete