സൂര്യനൊരു നെയിംസ്ലിപ്പ്

ചിത്രങ്ങൾ കൊണ്ടും നാണം കൊണ്ടും

നെയിംസ്ലിപ്പുകൾ അലങ്കരിക്കും കുട്ടി

കുട്ടി പേരും കൂട്ടി സ്‌കൂളിലേക്ക് വരുന്നു

മഴക്ക് മുമ്പ് നെയിംസ്ലിപ്പുകൾ നനക്കുന്നു 

കുട്ടി സ്കൂളിലേക്ക് വരുമ്പോഴും

അതേ കുട്ടി സ്‌കൂളിലുണ്ട്

ഒരു പക്ഷേ മറ്റൊരു പേരിൽ

മറ്റുകുട്ടികൾക്കൊപ്പം നടക്കുമ്പോഴും അവരുമായി കലരുമ്പോഴും നെയിംസ്ലിപ്പിലെ പേര്,

കുട്ടിയിൽ പറ്റിപ്പിടിച്ചിരിക്കുന്നു

നെയിംസ്ലിപ്പുകൾ സ്‌കൂളിൽ കുട്ടികൾ

നെയിംസ്ലിപ്പുകൾ പെയ്യുമ്പോഴും

കുട്ടികൾ പേരിൽ കയറിനിൽക്കുന്നു

കുട്ടിയും പേരുകളും നനയുന്നു

നനഞ്ഞിട്ടില്ല എന്ന കള്ളം, 

കുട്ടികളിൽ പിന്നെ നാളേ പിന്നാലെ വരും മറ്റന്നാൾ പനിയാവുമോ?

നനയുന്നുണ്ടാവുമോ പ്രായം

എത്തിനോക്കുന്നുണ്ടോവുമോ

ഉസ്‌ക്കൂളുകളും മറ്റ്അധ്യാപകരും

രക്ഷിതാക്കളും 

അസ്തമയത്തിൻ്റെ താറാവുകൾ

സൂര്യനൊരു കുളമാണെന്ന നുണ കേട്ടിരിക്കുന്നു

ജലനുണകൾ മണക്കും മഴ

നാരങ്ങാമണമുള്ള ഒരു നുണക്കുഴി

മഴ നനക്കാതെ ഒഴിഞ്ഞുപോകുന്നു

എല്ലാ മഴകളും

ജലത്തിൻ്റെ നുണ 

എല്ലാ നുണകളും കഴിഞ്ഞ്,

ഒരു കുട്ടി മാത്രം മഴക്ക്,

കാത് ചാരുവാൻ കൊടുക്കുന്നു

ചാരിവെച്ച കുടക്ക് താഴെ 

തുള്ളികൾ നെയ്തെടുത്ത മഴയൊഴുക്ക്

നുണക്കുഴിയുള്ള മഴത്തുള്ളിയേ

കുട്ടി കേട്ടിരിക്കുന്നു

ധ്യാനത്തിൻ്റെ നുണക്കുഴിയുള്ള ബുദ്ധൻ

ബുദ്ധൻ മഴ നനയുമ്പോൾ

നുണക്കുഴി ധ്യാനിക്കുന്നു എന്നെഴുതി കുട്ടി പൂമുഖത്ത് വെക്കുന്നു

മഴത്തുള്ളികൾ ധ്യാനിക്കുന്നത്

നുണക്കുഴിയും കുട്ടികളും 

കണ്ടിരിക്കുന്നു

ഓരോ ധ്യാനത്തിനും

ഓരോ നെയിംസ്ലിപ്പ് വേണമെന്ന്

വാശിപിടിക്കും 

ബുദ്ധനിലെ കുട്ടികളേ ബുദ്ധൻ,

ധ്യാനത്തിൽ ചേർക്കുമോ അതോ കവിളിൽ വിരിയും

നുണക്കുഴിയിൽ ചേർക്കുമോ

എന്നിലെ ധ്യാനം നോക്കിയിരിക്കുന്നു

കാലികമായി കൂടുതൽ നുണകൾ

ആവശ്യപ്പെടുന്ന കാലമാണ്

നുണക്കുഴിയെയും കൂട്ടി ബുദ്ധനിലെ

കുട്ടി പുതിയ നുണകൾ തേടി പോകുമോ

അതോ ധ്യാനത്തിൻ്റെ നുണക്കുഴിയിൽ വീഴുമോ

ഒരു മുല്ല വിരിഞ്ഞ മണത്തിൻ്റെ നുണക്കുഴി

സന്ധ്യയുടെ ചില്ലിട്ട് സൂക്ഷിക്കുന്ന വൈകുന്നേരത്തിൽ

നുണക്കുഴിയില്ലാത്ത വൈകുന്നേരങ്ങൾ

അസ്‌തമയങ്ങളിൽ തൊടുന്നു

അതും രാവ് നാണിക്കും വിധം

വൈകുന്നേരങ്ങളിൽ നെയിംസ്ലിപ്പുകൾ

രക്ഷിതാക്കൾ എഴുതി ഒട്ടിക്കുന്ന ഇടങ്ങളിൽ

ബുദ്ധൻ്റെ നെയിംസ്ലിപ് ഉള്ള കുട്ടി

നുണക്കുഴിയുടെ നെയിംസ്ലിപ്പുള്ള കുട്ടിയോട് 

ഒരു ധ്യാനം 

പിന്നെ ഒരു തലകുലുക്കൽ

പിന്നെ എഴുതുവാൻ ഒരു പേര് 

എന്നിവ

കടം ചോദിച്ചാൽ

നെയിംസ്ലിപ്പ് കൊണ്ട് കളഞ്ഞിട്ട്

വരുന്ന അസ്‌തമയത്തിൽ 

കുട്ടിക്കും ഒപ്പം സൂര്യനും കയറി നിൽക്കേണ്ടി വരുമോ?

കുട്ടികൾക്ക് മാത്രമായുള്ള 

കുട്ടിത്തം നിറഞ്ഞ അസ്‌തമയങ്ങളിൽ

അന്നത്തെ കുട്ടികളുടെ നെയിംസ്ലിപ്പാവുമോ 

ഇനി അന്നത്തെ സൂര്യൻ?