ശലഭങ്ങളുടെ നാടകവണ്ടിയാകുന്നു
ആകാശം
ആകാശമില്ലാത്തപ്പോൾ
അവരുടെ വാടകവണ്ടിയായി ഓടുവാൻ
പറക്കുമ്പോൾ
അവരെന്നേ വിളിയ്ക്കുന്നു
ശലഭങ്ങൾ
പെയ്യുന്നമഴയെ
മറികടന്നെത്തിയ തോർന്നമഴ
ആമ്പൽത്തുമ്പിയേ
ചുംബിയ്ക്കും വിധം
ജലത്തോടുചേർത്തുനിന്നേ
ഓർത്തുകിടക്കുകയായിരുന്നു
ഞാൻ
അതിനിടയിൽ
ആകാശത്തിന്റെ ചമയങ്ങളിട്ട്
വണ്ടിയുടെ വേഷം കെട്ടി
ജനുവരിയുടെ തെരുവിലൂടെ
അവർക്ക് വേണ്ടി ഞാനോടിത്തുടങ്ങുന്നു
അതിനിടയിലെപ്പോഴോ
മനോഹരമായി വൈകിയ
ഒന്നരമണിക്കൂറിനെ
ചന്ദ്രനെന്ന് വിളിക്കുവാൻ
അവരോടാവശ്യപ്പെടുകയായിരുന്നു
ഞാൻ.
ശലഭങ്ങളുടെ നാടകവണ്ടിയാകുന്നു
ReplyDeleteആകാശം
ആശംസകൾ
നാടകമെ ഉലകം ..
ReplyDeleteവൈകി ഓടുന്ന ശലഭങ്ങളുടെ വാടക വണ്ടി..ഒന്നരമാണിക്കൂറിനെ ചന്ദ്രനെന്ന് വിളിക്കാം
ReplyDeleteനിങ്ങളെ വല്ലാണ്ടെ മിസ് ചെയ്തിരുന്നു ട്ടാ :)
ReplyDeleteആകാശത്തിന്റെ ചമയങ്ങൾ...
ReplyDeleteവണ്ടിയുടെ വേഷം...
ജനുവരിയുടെ തെരുവ്....
കവിതകളെന്നാൽ വായനയുടെ സൗന്ദര്യം കൂടിയാണ്
ReplyDeleteപെയ്യുന്നമഴയെ
ReplyDeleteമറികടന്നെത്തിയ തോർന്നമഴ
ആമ്പൽത്തുമ്പിയേ
ചുംബിയ്ക്കും വിധം
ജലത്തോടുചേർത്തുനിന്നേ
ഓർത്തുകിടക്കുകയായിരുന്നു//
മനോഹരം. ഇടയ്ക്ക് ഇവിടെ വന്നു പോകാം ഇനി.
ശലഭങ്ങളെ സമയത്ത് എത്തിക്കാനുള്ള ഒരു ബാധ്യത കൂടി.
ReplyDeleteബൈജൂ ആശംസകൾ
വർണ്ണ മനോഹരം
ReplyDelete